តើអ្នកហ៊ានចំណាយប៉ុន្មានលើរថយន្តមួយគ្រឿង? ចិញ្ចៀនមួយវង់? ឬកន្លែងចតរថយន្តមួយកន្លែង? សម្រាប់សេដ្ឋី និងមហាសេដ្ឋី បញ្ហាលុយមិនសំខាន់ដូចបញ្ហាចំណូលចិត្ត និងសម្ភារៈដែលខ្លួនស្រលាញ់ទេ ។ មនុស្សមួយចំនួនថែមទាំងហ៊ានឲ្យតម្លៃមិនសមហេតុសមផលសម្រាប់អ្វីដែលខ្លួនស្រលាញ់ថែមទៀតផង ។…
តើអ្នកហ៊ានចំណាយប៉ុន្មានលើរថយន្តមួយគ្រឿង? ចិញ្ចៀនមួយវង់? ឬកន្លែងចតរថយន្តមួយកន្លែង? សម្រាប់សេដ្ឋី និងមហាសេដ្ឋី បញ្ហាលុយមិនសំខាន់ដូចបញ្ហាចំណូលចិត្ត និងសម្ភារៈដែលខ្លួនស្រលាញ់ទេ ។ មនុស្សមួយចំនួនថែមទាំងហ៊ានឲ្យតម្លៃមិនសមហេតុសមផលសម្រាប់អ្វីដែលខ្លួនស្រលាញ់ថែមទៀតផង ។ ខាងក្រោមនេះ គឺជាអ្វីចម្លែកៗដែលមានតម្លៃថ្លៃជាងគេជុំវិញពិភពលោក៖
១. នាឡិកាពេជ្រ Graff Diamonds Hallucination ដែលមានតម្លៃ ៥៥លានដុល្លារ៖
នាឡិការនេះត្រូវបានផលិតឡើងក្នុងឆ្នាំ ២០១៤ ដោយក្រុមហ៊ុន Graff Diamonds ក្នុងទីក្រុងឡុងដ៍ ។ យោងទៅតាម Money Inc. បានឲ្យដឹងថា នាឡិកានេះត្រូវបានផលិតឡើងបន្ទាប់ពីចំណាយអស់រាប់ពាន់ម៉ោង និងប្រើប្រាស់ពេជ្រ ១១០ការ៉ាត់ដែលមានទាំងពណ៌លឿង ផ្កាឈូក ខៀវ និងទឹកក្រូចក្នុងទំហំខុសៗគ្នា ។
២. រថយន្ត Ferrari 250 GTO ឆ្នាំ ១៩៦៣ ដែលមានតម្លៃ ៧០លានដុល្លារ៖
កាលពីឆ្នាំ ២០១៨ រថយន្តនេះបានបំបែកឯតទគ្គកម្មពេលដែលលោក ដាវីដ មេកនៀល (David MacNeil) ដែលជាស្ថាបនិក និងនាយកប្រតិបត្តិរបស់ក្រុមហ៊ុន WeatherTech បានទិញវាក្នុងតម្លៃ ៧០លានដុល្លារ ។ រថយន្តនេះមានចំនួនតែ ៣៩គ្រឿងប៉ុណ្ណោះពេលដែលត្រូវបានផលិត ។
៣. ត្រីធូណា Bluefin ដែលមានតម្លៃ ៣.១លានដុល្លារ៖
កាលពីឆ្នាំ ២០១៩ ម្ចាស់ភោជនីយដ្ឋានលក់ស៊ូស៊ីមួយឈ្មោះថា គីយ៉ូស៊ី គីមូរ៉ា (Kiyoshi Kimura) បានសម្រេចចិត្តទិញត្រីធូណា Bluefin មួយពីផ្សារ Toyosu ក្នុងប្រទេសជប៉ុនក្នុងតម្លៃ ៣.១លានដុល្លារ ។
៤. ចំណតរថយន្តនៅសហរដ្ឋអាមេរិកដែលមានតម្លៃ១លានដុល្លារ៖
ក្នុងកំឡុងពីឆ្នាំ ១៩៧៨ ដល់ឆ្នាំ ២០១០ តំបន់ Manhattan ក្នុងទីក្រុងញូយ៉កនៅសហរដ្ឋអាមេរិកបានបាត់បង់ចំណតរថយន្តប្រមាណ ២៥,០០០កន្លែង ហើយអគារភាគច្រើនមានកន្លែងចតរថយន្តសម្រាប់អ្នករស់នៅក្នុងអគារតែប្រមាណ ២០%ប៉ុណ្ណោះ ។ កន្លែងចតរថយន្តបានក្លាយជាដីទំនេរដែលមានតម្លៃយ៉ាងខ្លាំងដែលធ្វើឲ្យមានការលក់មួយក្នុងឆ្នាំ ២០១៥ ដែលតម្លៃបានកើនដល់ ១លានដុល្លារសម្រាប់ចំណតរថយន្តបីកន្លែង ៕ កែសម្រួលដោយ ៖ សុឃាក់
ចែករំលែកព័តមាននេះ