រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រីបានបញ្ជាក់ជាថ្មីថា ទង្វើរបស់ក្រុមប្រឆាំងចាក់រុកពីក្រៅប្រទេស និងក្នុងប្រទេសឲ្យផ្តាច់ការអនុគ្រោះពន្ធគ្រប់ប្រភេទលើកលែងអាវុធ(EBA) គឺធ្វើដើម្បីប្រយោជន៍បុគ្គលតែប៉ុណ្ណោះ ។ ថ្លែងក្នុងពិធីប្រគល់រថយន្តជូនស្នងការដ្ឋាននគរបាលរាជធានី-ខេត្ត នាព្រឹកថ្ងៃទី២៩ ខែមករានេះ នៅទីស្តីការក្រសួង ។
សម្តេច ស ខេង បានក៏បានចំពោះបញ្ហារបស់ក្រុមប្រឆាំងដែលប៉ុនប៉ង ដើម្បីបំផ្លាញសុខសន្តិភាព បំផ្លាញការអនុគ្រោះពន្ធលើទំនិញគ្រប់យ៉ាងលើកលែងអាវុធ (EBA) នោះ គឺជាសកម្មភាពដែលផ្ទុយពីផលប្រយោជន៍ និងផ្ទុយពីបំណងរបស់ប្រជាពលរដ្ឋ ដូច្នេះគេមិនអាចធ្វើបាននោះទេ ដែលដាក់ចេញពីប្រមុខរាជរដ្ឋាភិបាលស្របច្បាប់ ពិសេសនោះពលរដ្ឋមិនចង់ឃើញនោះទេ ព្រោះគាត់ធ្លាប់បានឆ្លងកាត់រួចហើយ ។
សម្តេច ស ខេង ក៏បានគូសបញ្ជាក់ថា ៖«ចំពោះបញ្ហា EBAនេះដែរ គឺជាការប៉ុនប៉ងរបស់អ្នកនយោបាយដែលយើងចាត់ទុកថា អគតិមិនបានគិតពីប្រយោជន៍ប្រជាជន ហើយបានបំផុស ឬចាក់រុកចលនាពីខាងក្រៅក៏ដូចជា ខាងក្នុង ដើម្បីយ៉ាងណារាំងខ្ទប់បញ្ហានេះលើយើងបញ្ហានេះមកសំអាង ។ យើងចាត់ទុកថា អំពើនេះមិនបានធ្វើដើម្បីជាតិនោះទេ គឺដើម្បីបុគ្គលតែប៉ុណ្ណោះ» ។ ទោះបីមានចាក់រុករបស់ក្រុមប្រឆាំងយ៉ាងណាក្តី សម្តេចបានអះអាងរាជរដ្ឋាភិបាលនៅតែខិតខំធ្វើការអភិវឌ្ឍប្រទេសជាតិ រក្សាសុខសន្តិភាពបន្តទៀតដែលជាផ្នែកសំខាន់បំផុត ។
សូមជម្រាបថា ការលើកឡើងរបស់សម្តេច ស ខេង បន្ទាប់ពីក្រុមប្រឆាំងដែលដឹកនាំដោយលោក សម រង្ស៊ី នៅក្រៅប្រទេសបានចាក់រុកឲ្យសហភាពអឺរ៉ុបផ្តាច់ការអនុគ្រោះពន្ធមកលើកកម្ពុជាដោយចោទថារាជរដ្ឋាភិបាលមិនស្របច្បាប់ ៕
ចែករំលែកព័តមាននេះ