អ្នកជំនាញព្រមានថា “មនុស្សរហូតដល់ ៦៥ លាននាក់អាចស្លាប់” ដោយសារការផ្ទុះវីរុស ដ៏កាចសាហាវមួយនេះ។ តើវាសម្លបា់មនុស្សយ៉ាងដូចម្តេច? វាធ្វើការវាយប្រហារលើផ្លូវដង្ហើម។ វីរុសកូរ៉ូណា (coronavirus) វាយប្រហារទៅលើផ្លូវដង្ហើម ដែលបន្ទាប់មកអាចនាំឱ្យកើតមានជំងឺមួយចំនួន ដូចជាជំងឺរលាកសួត ឬ ផ្តាសាយធម្មតា។
គួររំលឹកផងដែរថា នៅចន្លោះខែវិច្ឆិកា ឆ្នាំ ២០០២ និងខែកក្កដា ឆ្នាំ ២០០៣ មានការផ្ទុះ ឡើងនៃរោគសញ្ញាផ្លូវដង្ហើមធ្ងន់ធ្ងរ ឬហៅកាត់ថា ជំងឺ សា (SARS) នៅភាគខាង ត្បូងប្រទេសចិន ដែលបានបណ្តាលឱ្យកើតមានជំងឺចំនួន ៨០៩៨ ករណី ហើយក្នុងនោះ បណ្តាលឱ្យមានមនុស្សស្លាប់បាត់បង់ជីវិតចំនួន ៧៧៤ នាក់នៅក្នុងប្រទេសចំនួន ១៧ ដែលភាគច្រើនគឺនៅចិនដីគោក និងហុងកុង (អត្រាស្លាប់ ៩,៦%) ។ នេះបើយោងទៅតាមអង្គការសុខភាពពិភពលោក (WHO) ។
ចាប់តាំងពីឆ្នាំ ២០០៤ មក គ្មានករណីជំងឺ SARS ត្រូវបានរាយការណ៍ទូទាំង ពិភពលោក នោះទេ។
ប៉ុន្តែ ក្នុងប៉ុន្មានថ្ងៃថ្មីៗនេះ វីរុសដែលស្រដៀងគ្នាទៅនឹងវីរុស SARS បានសម្លាប់មនុស្ស ជាង ៨០នាក់ និងឆ្លងដល់មនុស្សប្រមាណ ពាន់នាក់ ដែលភាគច្រើននៅចិនដីគោក។ មេរោគនេះត្រូវបានគេស្គាល់ថា ណូវែល កូរ៉ូណាវីរុស ដែលត្រូវបានសរសេរដោយ អង្គការសុខភាពពិភពលោកថា ២០១៩-nCoV ។ វីរុសនេះត្រូវបានគេគិត ថាបានលេចចេញពីផ្សារ មួយនៅក្នុងទីក្រុងវូហាន ហើយចាប់តាំងពីពេលនោះមក វាបានរីករាលដាលពាសពេញពិភពលោក។
តើវាសម្លាប់មនុស្សដោយរបៀបណា?
ការឆ្លងវីរុសកូរ៉ូណាបង្កឱ្យមានអាការៈគ្រុនក្តៅ និងក្អក។ បន្ទាប់មក វានាំឱ្យអ្នកជំងឺមានដង្ហើមខ្លីៗ ឬពិបាកដកដង្ហើម។ យោងតាមមជ្ឈមណ្ឌលគ្រប់គ្រង និងបង្ការជំងឺអាមេរិក (CDC) បានឱ្យដឹងថា ក្នុងករណីធ្ងន់ធ្ងរ ដូចជាជំងឺរលាកសួត – ការឆ្លងមេរោគ nCoV អាចនាំឱ្យមានបញ្ហាក្រពះពោះវៀនក៏ដូចជាខ្សោយតម្រងនោម៕
ចែករំលែកព័តមាននេះ