ឆ្នាំ១៣៤៨
-សាកលវិទ្យាល័យឆាល ត្រូវបានបង្កើតឡើងនៅក្នុងទីក្រុងបាគ ហើយនេះគឺជាសាកលវិទ្យាល័យទី១នៅក្នុងតំបន់អឺរ៉ុបកណ្ដាល ។
ឆ្នាំ១៧១៨
-ទីក្រុងញូវអ័រលីន របស់សហរដ្ឋអាមេរិក ត្រូវបានរកឃើញដោយលោកហ្សង់បាប់ ទីសឡឺម៉ូអ៊ីន ដឺ ប៊ីយាងវីល ជនជាតិបារាំង ។
ឆ្នាំ១៧៦៣
-កុលសម្ព័ន្ធជនជាតិដើមរបស់អាមេរិកឈ្មោះផុន ទីអាក បានធ្វើការវាយប្រហារលើកងទ័ពអង់គ្លេសនៅទីក្រុងហ្វ័ត ដឺត្រយដែលបច្ចុប្បន្ន គឺទីក្រុងដឺត្រយ ។
ឆ្នាំ១៨៣២
-ឯករាជ្យភាពនៃប្រទេសក្រិច ត្រូវបានទទួលស្គាល់តាមរយៈសន្ធិសញាទីក្រុងឡុង ដោយចេញពីការគ្រប់គ្រងរបស់ប្រទេសទួរគី។
ឆ្នាំ១៨៤០
-ខ្យល់ព្យុះទ័រណាដូ បានបោកបក់មកលើទីក្រុងណាដឆេ សហរដ្ឋអាមេរិកបណ្ដាលឱ្យស្លាប់មនុស្ស៣១៧នាក់ ហើយនេះគឺជាខ្យល់ព្យុះដែលសំលាប់មនុស្សច្រើនបំផុតទី២ក្នុងប្រវត្ដិសាស្ដ្រអាមេរិក ។
ឆ្នាំ១៨៩៥
-អ្នកវិទ្យាសាស្ដ្ររុស្ស៊ីម្នាក់ឈ្មោះអាឡិចសាន់ឌ័រ ស្ដេប៉ាណូវិច បូប៉ូវ បានរកឃើញវិទ្យុផ្សាយសំលេង ហើយនៅសហភាពសូវៀតបានប្រារឰខួបជាថ្ងៃវិទ្យុរហូតដល់បច្ចុប្បន្ន ។
ឆ្នាំ១៩១៥
-នាវាមុជទឹកអាល្លឺម៉ង់ SM V-20 បានបាញ់ពន្លិចនាវាចក្រភពអង់គ្លេសឈ្មោះ RMS Lusitania បណ្ដាលឱ្យស្លាប់មនុស្ស១.១៩៨នាក់។
ឆ្នាំ១៩២០
-តាមរយៈសន្ធិសញាទីក្រុងម៉ូស្គូ សហភាពសូវៀតបានទទួលស្គាល់ឯករាជ្យភាពនៃសាធារណរដ្ឋប្រជាមានិតហ្ស៊កហ្ស៊ី ហើយការទទួលស្គាល់នេះជាថ្នូរកុំឱ្យប្រទេសហ្ស៊កហ្ស៊ីផ្ដល់ដែនដីសំរាប់ជ្រកកោនដល់ពួកបុលសេវិក ដែលជាពួកនិយមម៉ាក្សស៊ីស្ដនៅក្នុងសហភាពសូវៀត។
ឆ្នាំ១៩៤៥
-ក្នុងសង្គ្រាមលោកលើកទី២ មេបញ្ជាការកងទ័ពណាហ្ស៊ីអាល្លឺម៉ង់ លោកអាល ហ្វ្រេដចូដ បានចុះហត្ថលេខាចុះចាញ់ដោយគ្មានលក្ខខណ្ឌនៅទីក្រុងរ៉េម ប្រទេសបារាំងដោយបញ្ចប់ការចូលរួមក្នុងសង្គ្រាមលោកលើកទី២ទៀត ។
ឆ្នាំ១៩៤៦
–Tokyo Telecommunications Engineering ដែលក្រោយមកប្ដូរឈ្មោះជាសូនី ត្រូវបានបង្កើតឡើងដោយមានបុគ្គលិក ប្រហែល២០នាក់ ។
ឆ្នាំ១៩៥៤
-ការប្រយុទ្ធគ្នានៅឌៀន បៀនភូ រវាង កងទ័ពប្រទេសបារាំង និងផែប្រទេសវៀតណាមចាប់តាំងពីថ្ងៃទី១៣ ខែមីនា មកនោះបានបញ្ចប់ ដោយជ័យជំនះបានទៅលើកងទ័ពវៀតណាម ។ ការប្រយុទ្ធគ្នានេះ កងទ័ពប្រទេសវៀតណាមបានស្លាប់៤.០២០នាក់ របួស៩.១១៨នាក់ និងបាត់ខ្លួន៧៩២នាក់ ចំណែកកងទ័ពប្រទេសបារាំងស្លាប់២.២៩៣នាក់ របួស៥.១៩៥នាក់ បាត់ខ្លួន១.៧២៩នាក់ និងត្រូវចាប់ខ្លួន១១.៧២១នាក់ ហើយ អ្នកទោសសង្គ្រាមដែលស្លាប់ក្រោយពេលប្រយុទ្ធចំនួន៨.២៩០នាក់ទៀត។
ឆ្នាំ១៩៦០
-មេដឹកនាំសហភាពសូវៀត លោកនីគីតា គ្រូសឆេវ បានប្រកាសថា ប្រទេសរបស់លោកនឹងបន្ដឃុំខ្លួនអ្នកបើកបរយន្ដហោះ
ស៊ើបការណ៍ U-2 របស់អាមេរិកឈ្មោះហ្គារី ផូវ័រ ។ យន្ដហោះនេះបានត្រូវបាញ់ធ្លាក់លើទឹកដីសហភាពសូវៀតនៅថ្ងៃទី១ ឧសភា ។
ឆ្នាំ១៩៦៤
-យន្ដហោះរបស់ក្រុមហ៊ុនប៉ាស៊ីហ្វិកអ៊ែរជើងហោះហើរលេខ៧៧៣ បានធ្លាក់នៅរដ្ឋកាលីហ្វ័រនីញ៉ា សហរដ្ឋអាមេរិកបណ្ដាលឱ្យស្លាប់មនុស្ស៤៤នាក់ដែលជិះក្នុងនោះ ។ ក្រោយមក របាយការណ៍របស់ FBI បានឱ្យដឹងថា មានការថតសំលេងនៅក្នុងកន្លែងបើកបរយន្ដហោះថា អ្នកបើកបរយន្ដហោះ និងសហការីរបស់គាត់ត្រូវអ្នកធ្វើដំណើរបាញ់សំលាប់ ។
ឆ្នាំ១៩៩៩
-ជនជាតិចិន៣នាក់បានស្លាប់ និងរបួស២០នាក់ផ្សេងទៀត នៅពេលដែលកងទ័ពអាកាសរបស់អង្គការណាតូបានទំលាក់គ្រាប់បែកមកលើស្ថានទូតចិន ក្នុងទីក្រុងប៊ែលក្រាដ ប្រទេសយូហ្គោស្លាវីអំឡុងពេលមានសង្គ្រាមកូសូវ៉ូ ។
ឆ្នាំ២០០២
-យន្ដហោះរបស់ប្រទេសចិនដែលហោះ ហើរចេញពីទីក្រុងប៉េកាំងទៅទីក្រុងដាលៀន ម៉ាក MD82 បានធ្លាក់ទៅក្នុងសមុទ្រលឿងបណ្ដាលឱ្យស្លាប់មនុស្ស១១២នាក់ ។
ឆ្នាំ២០០៤
-លោកវ្លាឌីមៀរ ពូទីន បានស្បថចូលកាន់តំណែងជាប្រធានាធិបតីនៃប្រទេសរុស្ស៊ីក្នុងអាណត្ដិទី២ ។
ឆ្នាំ២០០៧
-ផ្នូររបស់ហេរ៉ូដទី១ ត្រូវបានគេរក ឃើញ។ គាត់គឺជាស្ដេចត្រាញ់នៅអ៊ីស្រាអែល ហើយបានស្លាប់នៅឆ្នាំ៤មុនគ្រិស្ដសករាជ។
ឆ្នាំ២០០៩
-ប្រទេសចិនបានប្រកាសថា មានក្មេងចំនួន៥.៣៣៥នាក់បានស្លាប់ក្នុងគ្រោះរញ្ជួយដីនៅក្នុងខេត្ដស៊ីឈួន កាលពីថ្ងៃទី១២ ឧសភា ឆ្នាំ២០០៨៕
ចែករំលែកព័តមាននេះ