រាជធានីភ្នំពេញ ៖ ស្របពេលដែលជំងឺកូរ៉ូណាវីរុសកំពុងតែធ្វើឲ្យពិភពលោកព្រួយបារម្ភនោះ លោកអភិបាលក្រុងវូហានចិនសារភាពអសមត្ថភាពគ្រប់គ្រងវិបត្តិជំងឺនេះ ។ យោងតាមការបកប្រែចេញផ្សាយរបស់សារព័ត៌ក្នុងស្រុកបានស្រង់សំដីអភិបាលក្រុង វូ ហាន លោក Zhou…
រាជធានីភ្នំពេញ ៖ ស្របពេលដែលជំងឺកូរ៉ូណាវីរុសកំពុងតែធ្វើឲ្យពិភពលោកព្រួយបារម្ភនោះ លោកអភិបាលក្រុងវូហានចិនសារភាពអសមត្ថភាពគ្រប់គ្រងវិបត្តិជំងឺនេះ ។ យោងតាមការបកប្រែចេញផ្សាយរបស់សារព័ត៌ក្នុងស្រុកបានស្រង់សំដីអភិបាលក្រុង វូ ហាន លោក Zhou Xiangwan សារភាពថា ការគ្រប់គ្រង់វិបត្តិកូរ៉ូណាវីរុសរបស់រដ្ឋបាលលោកនៅពុំទាន់ល្អគ្រប់គ្រាន់នៅឡើយទេ ហើយលោកមានឆន្ទៈក្នុងការចុះចេញពីតំណែង ។
ដោយការលើកឡើងរបស់លោកនេះ ធ្វើឡើងខណៈលោកនាយករដ្ឋមន្ត្រីចិន លី ខឹឈាំង បានទៅដល់ទីក្រុងដោយផ្ទាល់ ដើម្បីដឹកនាំកិច្ចប្រឹងប្រែងទប់ស្កាត់ការរាតត្បាតវីរុសនេះ ស្របពេលចំនួនអ្នកបានបាត់បង់ជីវិតកើនដល់៨១នាក់ហើយ ។
លោក Zhou Xiangwang បានការពារការសម្រេចចិត្តរបស់លោកក្នុងការបិទច្រកចេញចូលរបស់ទីក្រុងវូហាន ដែលមានប្រជាជនសរុប១១លាននាក់ ។ ត្រង់នេះលោកបកស្រាយថា ការធ្វើបែបនេះ គឺជា វីធីសាស្ត្រដ៏មានប្រសិទ្ធភាពបំផុត ដើម្បីរាំងខ្ទប់ការសាយភាយនៃជំងឺរលាកសួតប្រភេទថ្មីនេះហើយ សង្កត់ធ្ងន់ថា លោកមានឆន្ទៈទទួលខុសត្រូវ ។ លោកបញ្ជាក់ថា «ប្រសិនបើប្រជាជនចង់ទទួលបានគណនេយ្យភាព ( ពាក់ព័ន្ធរឿងបិទច្រកចេញចូល ) ហើយសាធារណជនមានប្រតិកម្មខ្លាំងចំពោះរឿងនេះយើង មានឆន្ទៈក្នុងការលាលែង» ។
ចំណែកក្រសួងសុខាភិបាលកម្ពុជាអះអាងថា បានធ្វើបច្ចុប្បន្នភាពករណីជំងឺរលាកសួតដោយវីរុសកូរ៉ូណា ប្រភេទថ្មីនេះដោយគិតត្រឹមម៉ោង៨ព្រឹក កាលពីនាថ្ងៃទី២៧ ខែមករា ឆ្នាំ២០២០ យោងតាមរបាយការណ៍របស់អង្គការសុខភាពពិភពលោក បានបង្ហាញថា មានអ្នកជំងឺសរុបចំនួន២,៧៤៤នាក់ ដែលមានវិជ្ជមានជំងឺរលាកសួត ដោយសារវីរុសកូរូណា ដែលបានរាយការណ៍ពីខេត្តចំនួន៣០នៃសាធារណរដ្ឋប្រជាមានិតចិនក្នុងមាន ៤៦១នាក់ ជាករណីធ្ងន់ចំនួន៨០នាក់បានបាត់បង់ជីវិត។
បញ្ជាក់ ៖ ក្រសួងសុខាភិបាលនៃព្រះរាជាណាចក្រកម្ពុជាលោក ម៉ម ប៊ុនហេង សូមបញ្ជាក់ថា ក្រសួងកំពុងតាមដាន និងស្រាវជ្រាវដោយយកចិត្តទុកដាក់ជាទីបំផុត នូវស្ថានភាពកើតមានករណីជំងឺរលាកសួតប្រភេទថ្មីនេះ និងសូមអំពាវនាវថា បើបងប្អូនប្រជាពលរដ្ឋដែលធ្វើដំណើរវិលត្រឡប់មកពីទីក្រុងហាន ខេត្តហ៍បេនៃសាធារណរដ្ឋប្រជាមានិតចិនត្រូវតាមដានសុខភាពរបស់ខ្លួនជាប់ជាប្រចាំ ហើយប្រសិនបើមានរោគសញ្ញាក្តៅខ្លួន ក្អក ហៀរសំបោរ ឬមានរោគសញ្ញាហត់ ឬថប់ដង្ហើម សូមប្រញាប់ស្វែងរកការពិនិត្យពិគ្រោះ និងព្យាបាលជំងឺនៅតាមមូលដ្ឋានសុខាភិបាលសាធារណៈឲ្យបានទាន់ពេលវេលា ហើយបើលោកអ្នកមានសំណួរ ឬចម្ងល់អ្វីពីបញ្ហាសុខភាព លោកអ្នកសូមទាក់ទងទៅទូរស័ព្ទទាន់ហេតុការណ៍លេខ១១៥ របស់នាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល ៕
ចែករំលែកព័តមាននេះ