ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា ដើម្បីបង្ការ និងទប់ស្កាត់ជាមុននៃជំងឺឆ្លងវីរុសកូរ៉ូណាថ្មី ដែលកំពុងកើតមានលើពិភពលោកដ៏គួរឲ្យខ្លាច ហើយអាជ្ញាធរ និងនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត បានធ្វើការចែកម៉ាស់ចំនួន1លានម៉ាស់ដល់អ្នកដំណើរជាតិ និងអន្តរជាតិ…
ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា ដើម្បីបង្ការ និងទប់ស្កាត់ជាមុននៃជំងឺឆ្លងវីរុសកូរ៉ូណាថ្មី ដែលកំពុងកើតមានលើពិភពលោកដ៏គួរឲ្យខ្លាច ហើយអាជ្ញាធរ និងនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត បានធ្វើការចែកម៉ាស់ចំនួន1លានម៉ាស់ដល់អ្នកដំណើរជាតិ និងអន្តរជាតិ ដែលឆ្លងកាត់ច្រកទ្វារអន្តរជាតិមួយនេះ នៅព្រឹកថ្ងៃទី២៧ ខែមករា ឆ្នាំ២០២០។
យុទ្ធនាការចែកម៉ាសនេះ គេឃើញមានការដឹកនាំផ្ទាល់ពីលោក គាត ហ៊ុល អភិបាលនៃគណៈអភិបាលក្រុងប៉ោយប៉ែត លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត និងកងកម្លាំងក្នុងប៉ុស្តិ៍ទាំងអស់ផងដែរ។
ម៉ាស់ដែលត្រូវបានគេចែកជា3គោលដៅសំខាន់នៅមាត់ច្រកទ្វារអន្តរជាតិខាងលើដូចជា ១-នៅទីតាំងបែបបទចេញក្រៅប្រទេស Departure Pass, ២-នៅទីតាំងបែបបទចូលប្រទេសArrival ពិសេស និង៣-នៅមាត់ច្រកទ្វារឆ្លងស្ពានព្រំដែនខ្មែរ-ថៃ។
លោកឧត្តមសេនីយ៍ត្រី អ៊ី ចំរើន បានប្រាប់អ្នកព័ត៌ថា ម៉ាស់មានចំនួន1លានម៉ាស់បានមកពីសប្បុរសជន និងអាជីករក្រុងប៉ោយប៉ែត និងផ្សាររុងក្លឿ។ លោកបញ្ជាក់ថា យុទ្ធនាការចែកម៉ាស់នេះ និងធ្វើឡើងដូចភ្លៀងរលឹមចាប់ពីថ្ងៃនេះតទៅ។ (កែសម្រួលដោយ ៖ បុប្ផា)
ចែករំលែកព័តមាននេះ