ប្រទេសតួកគី ៖ ពួកអ្នកជួយសង្គ្រោះនាថ្ងៃទី២៥ មករា ឆ្នាំ២០២០ បន្តដុតដៃដុតជើងគាស់កាយ ដើម្បីទាញយកចេញឲ្យបានទាន់ពេល បណ្ដាមនុស្សដែលនៅជាប់ក្រោមគំនរបាក់បែក បន្ទាប់ពីការរញ្ជួយដីខ្លាំងមួយ កាលពីថ្ងៃទី២៤មករាវេលាម៉ោង១៧និង៥៥នាទីមោ៉ងសកល…
ប្រទេសតួកគី ៖ ពួកអ្នកជួយសង្គ្រោះនាថ្ងៃទី២៥ មករា ឆ្នាំ២០២០ បន្តដុតដៃដុតជើងគាស់កាយ ដើម្បីទាញយកចេញឲ្យបានទាន់ពេល បណ្ដាមនុស្សដែលនៅជាប់ក្រោមគំនរបាក់បែក បន្ទាប់ពីការរញ្ជួយដីខ្លាំងមួយ កាលពីថ្ងៃទី២៤មករាវេលាម៉ោង១៧និង៥៥នាទីមោ៉ងសកល នាភាគខាងកើតតួកគី បណ្ដាលឲ្យមនុស្សបាត់បង់ជីវិតជិត៣០នាក់។
យោងតាមវិទ្យាស្ថានភូគម្ភសាស្ត្រ អាមេរិកUSGSថា ការរញ្ជួយដីនេះដែលញ័ររង្គើរដល់ប្រទេសជាច្រើននៅជាប់ជិតខាងគ្នា កើតមាននាថ្ងៃទី២៤មករា ក្នុងខេត្តអ៊ីឡាហ្ស៊ីស និងមានកម្លាំង៦,៧រីស្ទ័រ។ជាសញ្ញានៃការសម្ដែងសាមគ្គីភាពជាមួយបណ្ដាជនរងគ្រោះ ប្រធានាធិបតីលោករីស៊ីបតៃយីបអ័រដូហ្គាន បានទៅកាន់ខេត្តអ៊ីឡាហ្ស៊ីសពិសេសសង្កាត់មូស្តាហ្វាប៉ាសា ដែលនៅទីនោះអគារស្នាក់នៅ២បានរលំបាក់។ លោកអះអាងថារដ្ឋនឹងធ្វើអ្វីគ្រប់យ៉ាងដើម្បីជួយប្រជាជន។
យោងតាមតុល្យការបណ្ដោះអាសន្នរបស់ទីភ្នាក់ងារគ្រប់គ្រងគ្រោះមហន្តរាយរដ្ឋាភិបាលថា មនុស្សយ៉ាងតិច២៩នាក់បានត្រួវបាត់បង់អាយុជីវិត និងជិត១៥០០នាក់ផ្សេងទៀតរងរបួស។ ម្យ៉ាងទៀតមនុស្ស៤៣នាក់ ត្រួវបានទាញយកចេញពីគំនរបាក់បែក ដោយនៅរស់រានមានជីវិត។
យោងតាមវិមានប្រធានាធិបតីតួកគីថា អ្នកជួយសង្គ្រោះប្រមាណជា២០០០នាក់ត្រូវបានបញ្ជួនទៅកាន់ខេត្តអ៊ីឡាហ្ស៊ីស និងខេត្តម៉ាឡៃយ៉ាជិតខាងដែលក៏រងការប៉ះពាល់ធ្ងន់ធ្ងរដោយការរញ្ជួយដីនេះដែរ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ