ខេត្ដកំពង់ស្ពឺ ៖ លំនៅឋានថ្មក្រោម ឈើលើ ប្រក់ក្បឿង និងសំយាបខាងមុខ ស័ង្កសីទំហំ៨គុណ១២ម៉ែត្រ បានក្លាយជា ចំណីព្រះអគ្គីទាំងកណ្ដាលថ្ងៃត្រង់ ដោយសារ តែយកភ្លើងទៅឆួលដេញឪម៉ាល់ឱ្យចេញពី ផ្ទះ ។ ហេតុការណ៍នេះបានកើតឡើងនៅក្នុង ភូមិសុពណ៌ទេព សង្កាត់សុពណ៌ទេព ក្រុង ច្បារមន ។ អគ្គីភ័យនេះ បានឆាបឆេះល្វែង ខាងលើអស់គ្មានសល់ ហើយក៏ត្រូវបាន រថយន្ដអគ្គីភ័យរបស់ស្នងការដ្ឋាននគរបាល ខេត្ដ ចេញអន្ដរាគមន៍បាញ់ពន្លត់ ។
អ្នកភូមិសុពណ៌ទេព បានផ្ដល់ព័ត៌មានថា អគ្គីភ័យបានឆាបឆេះនៅម៉ោង១២ថ្ងៃត្រង់ ថ្ងៃទី២១ មិថុនា និងឆេះសន្ធោសន្ធៅទៅ ហើយ ទើបនាំគ្នាស្រែករករថយន្ដពន្លត់អគ្គី ភ័យឱ្យមកជួយសង្គ្រោះ ក្រោយពីអ្នកភូមិ ផ្អើលឆោឡោនាំគ្នាទៅជួយពន្លត់ និងជួយ ជញ្ជូនទ្រព្យសម្បត្ដិចេញពីផ្ទះផ្នែកខាងក្រោមជាថ្មដែលពុំទាន់ឆេះមានសាឡុង និងប្រាក់ កាសមួយចំនួន តែបន្ទប់ខាងលើដែលមាន គ្រែ មុង ភួយ តុ សាឡុង ខោអាវ និងសំភារ ប្រើប្រាស់មួយចំនួនត្រូវភ្លើងឆេះម៉ដ្ឋ ។
មន្ដ្រីប៉ូលិសប៉ុស្ដិ៍សង្កាត់សុពណ៌ទេព បាន ប្រាប់ឱ្យដឹងថា លំនៅឋានដែលត្រូវភ្លើងឆេះ នេះ គឺជាកម្មសិទ្ធិរបស់ឈ្មោះម៉ឹង សំអឿន ដែលមានភរិយាធ្វើជាពេទ្យធ្មប និងមានទី តាំងស្ថិតនៅក្បែរប៉ុស្ដិ៍សង្កាត់សុពណ៌ទេព ក្រុងច្បារមន ។ម្ចាស់លំនៅឋានឈ្មោះម៉ឹង សំអឿន បាន ប្រាប់ឱ្យដឹងថា គ្រោះអគ្គីភ័យដែលបានកើត ឡើងនេះ គឺដោយសារនៅវេលាព្រឹកនោះកូន របស់គាត់បានយកភ្លើងទៅដុតឆួលដេញ ឪម៉ាល់ដែលវាទុំធ្វើសំបុកនៅជ្រុងផ្ទះឱ្យវា ហើរចេញ ព្រោះខ្លាចវាទិច ។
ស្ទើរតែរាល់ ថ្ងៃឪម៉ាល់នេះឱ្យតែទៅក្បែរ ពួកវាដេញទិច អត់ប្រណីមិនស្គាល់ម្ចាស់ផ្ទះឡើយ។ គាត់ បន្ដថា នៅព្រឹកថ្ងៃទី២១ មិថុនា កូនគាត់ក៏ យកភ្លើងទៅឆួលដេញឪម៉ាល់នោះឱ្យហើរ ចេញអស់ទៅ តែក្រោយមកកំទេចភ្លើង បាន ហើរទៅជាប់ឈើក្ដារពិតាន និងពុំបានចាប់ ភ្លឹក ក៏ក្លាយជាភ្លើងពេញក្រមុំឆាបឆេះយ៉ាង សន្ធោសន្ធៅ ទើបនាំគ្នាផ្អើលទៅពន្លត់ ។ ក្នុង ហេតុការណ៍អគ្គីភ័យនេះ រថយន្ដអគ្គីភ័យនៃ ស្នងការដ្ឋានខេត្ដ១គ្រឿង បានបាញ់អស់ទឹក ពី៣ទៅ៤រថយន្ដ ទើបភ្លើងរលត់ និងពុំបានឆេះ ឆ្លងរាលដាលទៅផ្ទះបាយខាងក្រោយឡើយ ។ ម្ចាស់ផ្ទះពុំបានឱ្យដឹងថា អស់អ្វីខ្លះទេ រហូត ដល់ម៉ោង៣រសៀលថ្ងៃដដែល៕
ចែករំលែកព័តមាននេះ