គិតមកដល់ចុងខែមករា ឆ្នាំ២០១០នេះ អាឡេវសង្កេតឃើញថាមានចំនួនបីលើកមក ហើយនូវពិធីកិនបំផ្លាញរណារយន្ដជាច្រើន*ពាន់គ្រឿង ហើយបើគិតជាប្រាក់ដុល្លារវិញក៏ មិនតិចជាងសិបម៉ឺនដុល្លារដែរ ដែលគេដឹងថា សមត្ថកិច្ចបានរឹបអូសពីជនខិលខូចលួចកាប់ ព្រៃឈើខ្មែរ ។នៅពេលដែលអាឡេវឃើញសកម្មភាព កិនបំផ្លាញរណារយន្ដទាំងនោះជាបន្ដបន្ទាប់ មក ក៏ចេះតែនឹកគិតទាំងមិនយល់ថា តើការ កិនបំផ្លាញសំភារទាំងនេះអាចការពារព្រៃ ឈើមិនឱ្យរលាយដូចសព្វថ្ងៃនេះបានដែរទេ? នរណាក៏ដឹងដែរថា ព្រៃឈើខ្មែរដែលចេះតែ ហិនហោចទៅៗ គឺដោយសារតែអប្រសិទ្ធភាព នៃការអនុវត្ដន៍ច្បាប់ និងអប្រសិទ្ធភាពនៃការ គ្រប់គ្រងនេះឯង។
អាឡេវចេះតែឆ្ងល់ តែមិន ដឹងសួរនរណា តើរណារយន្ដនោះវាចូលមក ដល់ស្រុកខ្មែរដោយវិធីណា ? តើវាមានស្លាប ហោះមកឬ ? បើគេដឹងថារណារយន្ដទាំង នោះជាភ្នាក់ងារបំផ្លាញព្រៃឈើយ៉ាងស័ក្ដិសិទ្ធិ ម្ល៉េះសមគេប្រាកដជាហាមប្រាមមិនឱ្យឈ្មួញ នាំចូលរណារយន្ដទាំងនោះហើយ ។ គេគួរ ពិនិត្យឡើងវិញថា តើទំនិញណាខ្លះដែលមាន ប្រយោជន៍តិចតួចដល់រាស្ដ្រតែខូចខាតធ្ងន់ធ្ងរ ដល់ជាតិ តើគួរបញ្ឈប់ការអនុញាតឱ្យនាំចូល ហើយឬនៅ ? រដ្ឋបាលព្រៃឈើខ្មែរទំនងពុំ មានសមត្ថភាពការពារព្រៃឈើបានឡើយ តែ ដើម្បីបិទបាំងភាពកំសោយរបស់ខ្លួន ពួកគេ ប្រឹងប្រមូលសំភារឥតវិញាណទាំងឡាយណា ដែលមនុស្សជាអ្នកបញ្ជាឱ្យបំផ្លាញព្រៃឈើយកមកកិនកំទេចចោលទៅវិញ។
គេធ្វើបែបនេះ ដើម្បីបានគុណសម្បត្ដិលុបលាងកំហុសរបស់ គេឱ្យតែរបៀបនេះព្រៃឈើធម្មជាតិរបស់ខ្មែរនឹងរលាយបន្ដិចម្ដងៗពីទឹកដីសុវណ្ណភូមិរបស់ យើងមិនខាន ។ ហេតុអ្វីបានជាមិននាំគ្នាងាក មកគិតអំពីប្រយោជន៍រាស្ដ្រ ប្រយោជន៍ជាតិ បែរជានាំគ្នាគាំទ្រការដុតបំផ្លាញ កិនកំទេច លុយជាតិរបស់ខ្លួនឯងទៅវិញ ? តើពួកគេ កំពុងយល់ត្រូវឬយ៉ាងណា ?តាមពិតទៅរណារយន្ដឱ្យតែយើងប្រើ ប្រាស់ឱ្យត្រូវមុខសញារបស់វា គឺវានឹងមាន គុណសម្បត្ដិដល់រដ្ឋាភិបាល និងប្រជាពល រដ្ឋ។ ផ្ទុយទៅវិញកំទេចចោលរណារយន្ដ ហើយបែរជាមិនកំទេចចោលមនុស្សដែល ប្រព្រឹត្ដខុសច្បាប់ តើបានប្រយោជន៍អ្វី ?
ចែករំលែកព័តមាននេះ