មនុស្សនៅលើពិភពលោកកំពុងបារម្ភអំពីការផ្ទុះឡើងនៃមេរោគថ្មីនៃកូរ៉ូណាវីរុស។ ដូច្នេះ គេគួរតែស្គាល់អំពីរោគសញ្ញាមួយចំនួនដែលបណ្តាលមកពីមេរោគនេះ។មេរោគនេះអាចបណ្តាលអោយកើតមានរោគសញ្ញាដូចខាងក្រោម:
អ្នកដែលឆ្លងមេរោគនេះអាចនាំអោយមានសញ្ញាដូចជាជាជំងឺផ្តាសាយដែរដូចជាមានបញ្ហាផ្លូវដង្ហើមផ្នែកខាងលើដែលរួមមានការឈឺបំពង់ក ក្អក ហៀរសំបោរ ហើយ អាចមានឈឺក្បាល និង អាចកើតមានគ្រុនក្តៅ។ មនុស្សចាស់និងមនុស្សវ័យក្មេងនឹងងាយទទួលរងគ្រោះថ្នាក់ជាងគេដោយសារមេរោរគនេះ។
ប្រទេសចិនបាននិយាយថារហូតមកទល់ពេលនេះមានមនុស្ស១៧នាក់ស្លាប់ហើយអ្នកឆ្លងមេរោគនេះមានចំនួនជាង៥៧០នាក់។ ចិនបានលុបចោលជើងហោះហើរនិងរថភ្លើង ចេញពីទីក្រុងវូហានដែលជាទីក្រុងផ្ទុះមេរោគនេះ។ បើសិនជាអ្នកមកពីប្រទេសចិនហើយមានរោគសញ្ញាទាំងនេះ អ្នកគួរតែពិភាក្សាជាមួយ គ្រូពេទ្យដើម្បីពិនិត្យក្រែងអាចបណ្តាលមកពីមេរោគថ្មីនេះ។
មេរោគនេះបានចាប់ផ្តើមកើតមាននៅក្នុងទីក្រុងវូហាននៃប្រទេសចិនហើយវាកំពុងតែរាលដាលនៅក្នុងប្រទេសចិន និង ចូលប្រទេសមួយចំនួនទៀតដូចជាប្រទេសជប៉ុន អាមេរិក និង ថៃជាដើម៕
ចែករំលែកព័តមាននេះ