ខេត្តមណ្ឌលគិរី ៖ បើតាមសេចក្តីរាយការណ៍បឋមបានឱ្យដឹងថា ជនសង្ស័យម្នាក់ត្រូវបានសមត្ថកិច្ចឃាត់ខ្លួន ក្រោយពេលឆែកឆេរលើខ្លួនជនសង្ស័យស្រាប់តែប្រទះឃើញគ្រឿងញៀន១កញ្ចប់ច្រកចូលក្នុងកញ្ចប់បារី រួចដាក់ក្នុងហោប៉ៅខោ ប្រតិបត្តិការណ៍នេះបានធ្វើឡើងកាលពីថ្ងៃទី២២ ខែមករា ឆ្នាំ២០២០ វេលាម៉ោង២និង២០នាទីរសៀល…
ខេត្តមណ្ឌលគិរី ៖ បើតាមសេចក្តីរាយការណ៍បឋមបានឱ្យដឹងថា ជនសង្ស័យម្នាក់ត្រូវបានសមត្ថកិច្ចឃាត់ខ្លួន ក្រោយពេលឆែកឆេរលើខ្លួនជនសង្ស័យស្រាប់តែប្រទះឃើញគ្រឿងញៀន១កញ្ចប់ច្រកចូលក្នុងកញ្ចប់បារី រួចដាក់ក្នុងហោប៉ៅខោ ប្រតិបត្តិការណ៍នេះបានធ្វើឡើងកាលពីថ្ងៃទី២២ ខែមករា ឆ្នាំ២០២០ វេលាម៉ោង២និង២០នាទីរសៀល ស្ថិតក្នុងភូមិពូហ៊ូង ឃុំចុងផ្លាស់ ស្រុកកែវសីមា ។
សេចក្តីរាយការណ៍បានឲ្យដឹងថា កម្លាំងប៉ុស្តិ៍នគរបាលឃុំចុងផ្លាស់បានធ្វើការស្ទាក់ឃាត់មុខសញ្ញាដែលសង្ស័យថា រក្សាទុកនូវសារធាតុញៀនខុសច្បាប់ គឺឈ្មោះ ជួន ម៉េងលាង ភេទប្រុស អាយុ៣៤ឆ្នាំ ជនជាតិខ្មែរ មុខរបរមិនពិតប្រាកដ មានស្រុកកំណើតភូមិកោះតាង៉ោល ឃុំសូគង់ ស្រុកកងមាស ខេត្តកំពង់ចាម ។
ប្រភពដដែលបន្តថា ជនសង្ស័យខាងលើនេះ បច្ចុប្បន្នរស់នៅភូមិពូទុង ឃុំចុងផ្លាស់ ស្រុកកែវសីមា ហើយពេលដែលឃាត់ខ្លួនភ្លាមៗនោះ សមត្ថកិច្ចបានឆែកឆេរនៅលើដងខ្លួនរបស់ជនសង្ស័យ ស្រាប់តែរកឃើញម្ស៉ៅក្រាម ពណ៌សថ្លា ដោយសង្ស័យថា ជាសារធាតុញៀនមួយកញ្ចប់ដែលបានច្រកចូលនៅក្នុងកញ្ចប់បារី រួចដាក់ចូលក្នុងខោប៉ៅខោខាប៊យរបស់ជនសង្ស័យ។
បច្ចុប្បន្ននេះ ជនសង្ស័យខាងលើ ត្រូវបានសមត្ថកិច្ចកសាងសំណុំរឿង ដើម្បីចាត់ការបន្តតាមនីតិវិធីច្បាប់ហើយ៕ (កែសម្រួលដោយ ៖ បុប្ផា)
ចែករំលែកព័តមាននេះ