គ្រូបង្វឹក Man City បង្ហើបពីអនាគតរបស់ខ្លួនស្របពេលក្រុមលេងធ្លាក់ជើង
តាមប្រភពព័ត៌មាន Soccer Laduma បានឱ្យដឹងថា អ្នកចាត់ការក្រុម Manchester City លោក Pep Guardiola…
តាមប្រភពព័ត៌មាន Soccer Laduma បានឱ្យដឹងថា អ្នកចាត់ការក្រុម Manchester City លោក Pep Guardiola បានផ្តល់ព័ត៌មានថ្មីអំពីអនាគតរបស់គាត់នៅឯក្លិប បន្ទាប់ពីមានរបាយការណ៍ថ្មីៗនេះបានអះអាងថាគាត់អាចចាកចេញ។
បន្ទាប់ពីការការពាររបស់ក្រុមមេឃខៀវមានស្ថានភាពមិនសូវល្អ ក្នុងការប្រកួតក្របខ័ណ្ឌ Premier League នៅរដូវកាលនេះ គេមានការសង្ស័យជុំវិញអនាគតរបស់គ្រូបង្វឹកជនជាតិអេស្បាញ លោក Pep Guardiola នៅក្លិប Manchester City។
កិច្ចសន្យារបស់លោក Guardiola នឹងផុតកំណត់នៅឆ្នាំ ២០២១ ហើយលោកបានទទូចថា នឹងនៅដឹកនាំបន្តនៅ Etihad នារដូវកាលក្រោយ ប្រសិនបើក្លិបមិនបណ្តេញគាត់ចេញ។
លោក Guardiola បានប្រាប់អ្នកសារព័ត៌មានថា៖ «ប្រសិនបើពួកគេមិនបណ្តេញខ្ញុំទេ ខ្ញុំនឹងនៅដឹកនាំបន្ត ១០០%។ ខ្ញុំរីករាយធ្វើការជាមួយពួកគេ ហើយខ្ញុំចូលចិត្តវា ប៉ុន្តែទោះបីជាវាមិនល្អ ហើយយើងមិននៅក្នុងក្របខ័ណ្ឌ Champions League ក៏ដោយ ខ្ញុំនឹងមិនចាកចេញទេ»។
លោកបានបន្តថា៖«ក្នុងនាមជាអ្នកគ្រប់គ្រងម្នាក់ អ្នកមានពេលវេលាល្អនិងអាក្រក់។ អ្នកមិនអាចឈ្នះគ្រប់ពេលនោះទេ។ ប៉ុន្តែវាជាអ្វីដែលយើងអាចធ្វើបានបន្ទាប់ និងវិធីដែលយើងអាចកែលម្អបាន»៕
ចែករំលែកព័តមាននេះ