ក្រុមហង្សក្រហម Liverpool នឹងត្រូវបើទ្វារកីឡដ្ឋាន Anfield របស់ខ្លួនទទួលស្វាគមន៍ក្រុមបិសាចក្រហម Manchester United ដែលជាជំនួបដ៏ធំប្រចាំសប្តាហ៍ទី២៣ នៃក្របខ័ណ្ឌ English Premier League ។
មុនការប្រកួតឈានមកដល់នារាត្រីនេះ គ្រូបង្វឹកបិសាចក្រហមលោក Ole Gunnar Solskjaer បាននិយាយថាសម្រាប់លោក Liverpool គឺមិនមែនជាក្រុមល្អដាច់គេក្នុងប្រវត្តិសាស្ត្ររបស់ Premier League នោះទេ នេះបើតាមឱ្យដឹងពី Goal.com។
បុរសវ័យ៤៦ឆ្នាំបាននិយាយថា«ប្រសិនបើអ្នកមើលឱ្យបានវែងឆ្ងាយ ក្រុមដែលល្អបំផុតគឺជាក្រុមដែលអាចធ្វើសម្រេចម្តងហើយម្តងទៀត» ។ លោកបន្តទៀតថា«គ្មាននរណាម្នាក់អាចប្រៀបនឹងលោក Sir Alex នៅក្នុងការគោរពបែបនោះទេ ប៉ុន្តែខ្ញុំអាចសារភាពថាលោក Jurgen Klopp បានបំពេញតួនាទីយ៉ាងល្អនៅក្នុងក្រុម Liverpool »។
សូមបញ្ជាក់ថា Liverpool បច្ចុប្បន្ននៅតែមិនទាន់ស្គាល់ភាពបរាជ័យនៅឡើយ ដោយកំពុងបន្តដាច់ពិន្ទុក្រុមលេខ២ Manchester City ចំនួន១៣ពិន្ទុ ដោយឡែក Man United ដែលស្ថិតនៅចំណាត់ថ្នាក់ទី៥ តាមពីក្រោយក្រុមតោខៀវ Chelsea ចំនួន៥ពិន្ទុដែលនៅលេខ៤។
ចែករំលែកព័តមាននេះ