ខេត្តព្រៃវែង ៖ ជនសង្ស័យម្នាក់ត្រូវបានកំលាំងនាយកដ្ឋាននគរបាលព្រហ្មទណ្ឌ សហការជាមួយកំលាំងអធិការដ្ឋាននគរបាលស្រុកស្វាយអន្ទរ និងស្រុកមេសាង ធ្វើការចាប់ឃាត់ខ្លួន បន្ទាប់ពីស៊ើបដឹងថា ជនសង្ស័យមានគំរោងចេញធ្វើសកម្មភាពប្លន់ប្រដាប់អាវុធ នៅក្នុងទឹកដីខេត្តព្រៃវែង។ ប្រតិបត្តិការខាងលើនេះធ្វើឡើងកាលពីវេលាម៉ោង១និង៥៨នាទីរសៀលថ្ងៃទី១៥មករា…
ខេត្តព្រៃវែង ៖ ជនសង្ស័យម្នាក់ត្រូវបានកំលាំងនាយកដ្ឋាននគរបាលព្រហ្មទណ្ឌ សហការជាមួយកំលាំងអធិការដ្ឋាននគរបាលស្រុកស្វាយអន្ទរ និងស្រុកមេសាង ធ្វើការចាប់ឃាត់ខ្លួន បន្ទាប់ពីស៊ើបដឹងថា ជនសង្ស័យមានគំរោងចេញធ្វើសកម្មភាពប្លន់ប្រដាប់អាវុធ នៅក្នុងទឹកដីខេត្តព្រៃវែង។
ប្រតិបត្តិការខាងលើនេះធ្វើឡើងកាលពីវេលាម៉ោង១និង៥៨នាទីរសៀលថ្ងៃទី១៥មករា នៅចំណុចភូមិសង្កែជ្រុំ ឃុំទឹកថ្លា ស្រុកស្វាយអន្ទរ ។
ជនសង្ស័យម្នាក់ខាងលើឈ្មោះ ហ៊ន ណាង ភេទប្រុស អាយុ២៩ឆ្នាំ មានទីលំនៅក្នុងភូមិរបោះផ្ចឹកទី២ ឃុំព្រៃឃ្នេស ស្រុកមេសាង ខេត្តព្រៃវែង។
សមត្ថកិច្ចបានអោយដឹងថា តាមការស្រាវជ្រាវរហូតឈានដល់ការចាប់ខ្លួនជនសង្ស័យខាងលើ គឺបន្ទាប់ពីទទួលបានចម្លើយសារភាពរបស់ឈ្មោះ ថន និធី ភេទប្រុស អាយុ២០ឆ្នាំ មានទីលំនៅក្នុងភូមិ៦ ឃុំជប់ ស្រុកត្បូងឃ្មុំ ខេត្តត្បូងឃ្មុំ ថា បានលក់អាវុធប្រភេទ AK៤៧ ស្វាយបត់មួយដើមទៅឱ្យជនសង្ស័យឈ្មោះ ហ៊ន ណាង ដើម្បីរៀបចំគំរោងប្លន់នៅស្រុកស្វាយអន្ទរ ទើបកំលាំងសមត្ថកិច្ចសហការគ្នា ចុះស្រាវជ្រាវរកមុខសញ្ញា រហូតឈានដល់ការឃាត់ខ្លួនជនសង្ស័យបាន និងដកហូតបានវត្ថុតាង កាំភ្លើងអាកាស្វាយបត់១ដើម កាត់កាណុង បង់១ និងគ្រាប់អាកាចំនួន៧គ្រាប់ ។
បច្ចុប្បន្ន សមត្ថកិច្ចបាននាំខ្លួនជនសង្ស័យយកមកប៉ុស្តិ៍រដ្ឋបាលទឹកថ្លា ស្រុកស្វាយអន្ទរ ដើម្បីសាកសួរ និងចាត់ការបន្តតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ