រាជធានីភ្នំពេញ ៖ បន្ទាប់ពីជប៉ុនតាមអារម្មណ៍មកពីកម្ពុជាក្នុងការដំណើរការទូរទាត់ប្រាក់តាមទូរស័ព្ទនៅកម្ពុជាសម្តេចតេជោ ហ៊ុនសែន នាយករដ្ឋមន្ត្រីបានលើកទឹកចិត្តឲ្យជប៉ុនធ្វើការសិក្សាស្វែងយល់ពីការប្រើប្រាស់ការទូទាត់ប្រាក់តាមប្រព័ន្ធទូរស័ព្ទដៃ និងប្លុកឆេង (Blockchain) ដើម្បីឱ្យការទូទាត់តាមប្រព័ន្ធឌីជីថលនៅកម្ពុជា ការលើកទឹកចិត្តធ្វើឡើងក្នុងជំនួបពិភាក្សាការងារជាមួយលោកយ៉ាម៉ាម៉ូតុ កូហ្សូ (YAMAMOTO KOZO) សមាជិកសភាជប៉ុននាព្រឹកថ្ងៃទី១៦ ខែមករានេះ នៅវិមានសន្តិភាព ។
ក្នុងជំនួបនោះ លោក យ៉ាម៉ាម៉ូតុ កូហ្សូ (YAMAMOTO KOZO) បានបានលើកឡើងថា លោកធ្លាប់បានជួបជាមួយសម្តេចតេជោកាលពីឆ្នាំ២០០៧ ហើយឯកឧត្តមបានពិនិត្យឃើញថា កម្ពុជាមានការអភិវឌ្ឍរីកចម្រើនយ៉ាងឆាប់រហ័សបំផុត ។ លោកបានបញ្ជាក់ថា ដំណើរទស្សនកិច្ចមកកាន់កម្ពុជានៅពេលនេះ គឺមានគោលដៅពីរ គឺ១.ដើម្បីសិក្សាពីសេវាទូទាត់ប្រាក់តាមប្រព័ន្ធទូរស័ព្ទដៃ និងការអភិវឌ្ឍនប្លុកឆេងនៅកម្ពុជា ។ ការអភិវឌ្ឍប្លុកឆេង (Blockchain) នៅកម្ពុជា ។
លោកបានបញ្ជាក់បន្ថែមថា បើសិនដាក់ឲ្យដំណើរការរួចហើយនោះកម្ពុជា គឺជាប្រទេសទីមួយហើយដែលដាក់ចេញឲ្យប្រើប្រាស់នូវប្រព័ន្ធឌីជីថលទំនើបមួយនេះ ។ លោកបន្ថែមទៀតថា គោលដៅទី២ គឺលោកមកធ្វើការសិក្សាអំពីបញ្ហាការផ្គត់ផ្គង់ទឹកស្អាតនៅទីក្រុងភ្នំពេញ ។ សម្រាប់គោលដៅនេះលោកក៏បានស្នើសុំអនុសាសន៍ដ៏ខ្ពង់ខ្ពស់ពីសម្ដេចតេជោនាយករដ្ឋមន្ត្រីនៅបញ្ហាទាំងពីរខាងលើ ។
ជាការឆ្លើយតបសម្ដេចតេជោ ហ៊ុន សែន បានលើកទឹកចិត្តភាគីជប៉ុនមកធ្វើការសិក្សាទៅលើការប្រើប្រាស់ការទូទាត់ប្រាក់តាមប្រព័ន្ធទូរស័ព្ទដៃ និងប្លុកឆេង (Blockchain) ដើម្បីឱ្យការទូទាត់តាមប្រព័ន្ធឌីជីថលនេះឲ្យមានដំណើរការល្អប្រសើរ និងសុក្រឹត្យភាពនៅកម្ពុជា ។ ចំណែកពាក់ព័ន្ធជាមួយនឹងបញ្ហាទឹកស្អាតសម្ដេចតេជោនាយករដ្ឋមន្ត្រីបានលើកឡើងថា កម្ពុជា គឺត្រូវការពង្រីកស្ថានីយទឹកស្អាតឲ្យបានច្រើនថែមទៀតដោយសារតែរាជធានីភ្នំពេញកាន់តែរីកធំឡើងជាលំដាប់ពី៣០០គីឡូម៉ែត្រការ៉េ រហូតទៅដល់ប្រមាណជាង៦០០គីឡូម៉ែត្រការ៉េ ហើយការអភិវឌ្ឍផ្ទះសម្បែង មានការរីកលូតលាស់ និងឆាប់រហ័សផងដែរ ។
រីឯរដ្ឋាករទឹកស្វយ័តក្រុងភ្នំពេញក៏កំពុងទទួលការផ្គត់ផ្គង់ទឹកទៅកាន់ក្រុងតាខៅ្មខេត្តកណ្ដាលផងដែរ ។ ទន្ទឹមនឹងនោះសម្ដេចតេជោនាយករដ្ឋមន្ត្រីបានបញ្ជាក់ថា ការងារពីរដែលត្រូវធ្វើនោះ គឺ ១.ត្រូវពង្រីកនូវសមត្ថភាពការផ្គត់ផ្គង់ទឹកស្អាតឲ្យដល់ប្រជាពលរដ្ឋប្រើប្រាស់កាន់តែទូលំទូលាយ និង២.ធ្វើយ៉ាងណាពង្រីកបណ្ដាញចែកចាយទៅកាន់តំបន់អភិវឌ្ឍន៍ថ្មីៗថែមទៀត ។ សម្តេចតេជោ ហ៊ុន សែន បានថ្លែងអំណរគុណ និងជូនពរ លោក យ៉ាម៉ាម៉ូតុ កូហ្សូ (YAMAMOTO KOZO) សូមទទួលបាននូវភាពជោគជ័យក្នុងកិច្ចការងារនេះ ៕ កែសម្រួលដោយ ៖ សុឃាក់
ចែករំលែកព័តមាននេះ