តាម​ប្រភព​ព័ត៌មាន Soccer Laduma បានឱ្យ​ដឹង​ថា ជាមួយនឹង Luis Suarez ដែល​មាន​ទំនាក់ទំនង​ល្អជា​មួយ​ប្រធាន​ក្រុម Lionel Messi ត្រូវ​បាន​អវត្តមាន​អស់​រយៈពេល ៤​ខែ​ដោយសារ​បញ្ហា​របួស​នេះ ខាងក្រោម​នេះ​គឺជា​ខ្សែប្រយុទ្ធ ៥​នាក់​របស់​ក្លិប​យក្ស​អេ​ស្បា​ញ FC Barcelona អាច​នឹង​ចុះ​កុងត្រា​ដោះ​ដូរ​កីឡាករ​នា​ខែមករា​ខាង​មុខ​នេះ​។

សម្រាប់ Blaugrana មួយ​រយៈពេល​នេះ បាន​គិត​ថា​កំពុង​ស្វែងរក​ការ​ជំនួស​រយៈពេល​វែង​សម្រាប់ Suarez អាយុ ៣២​ឆ្នាំ ប៉ុន្តែ​ជាមួយនឹង​កីឡាករ​សញ្ជាតិ​អ៊ុយ​រូ​ហ្គា​យ​រូប​នេះ មិន​បាន​ចូល​ប្រកួត​អស់​រយៈពេល ៤​ខែ ដោយសារ​របួស​ជង្គង់ ក្លិប​អាច​បង្កើន​ការ​ដើរ​រក​មើល​កីឡាករ​មក​ជំនួស​។

យោង​តាម​សារព័ត៌មាន Evening Standard ក្លិប​បាល់ទាត់ Barcelona អាច​នឹង​ទិញ​យក​កីឡាករ Lautaro Martinez របស់​ក្លិប Inter Milan នៅ​ខែមករា​នេះ បើ​ទោះបីជា​គេ​ថា​មាន​តម្លៃ​បង់​ផ្តាច់​កុងត្រា ១១១​លាន​អឺ​រ៉ូ​ក៏​ដោយ​។

ការ​បោះពុម្ពផ្សាយ​ដដែល​បាន​អះអាង​ថា Barca ក៏​អាច​កំណត់​គោលដៅ​អ្នក​ស៊ុត​បញ្ចូល​ទី​កំណត់​ត្រា​គ្រប់ពេល​របស់ Paris Saint-Germain ផង​ដែរ ដែល​ជា​កីឡាករ Edinson Cavani​។ កិច្ចសន្យា​បច្ចុប្បន្ន​នៅ​ប៉ា​រី​ស​ផុតកំណត់​នៅ​ចុងបញ្ចប់​នៃ​រដូវ​កាល​នេះ​។ Cavani ត្រូវ​បាន​ផ្សារ​ភ្ជាប់​យ៉ាង​ខ្លាំង​ជាមួយនឹង​ការ​ផ្លាស់​ប្តូរ​ឆ្ងាយ​ពី​ម្ចាស់​ជើងឯក​បារាំង ខណៈ​ដែល​មាន​ក្លិប​ជា​ច្រើន​ក៏​ចាប់អារម្មណ៍​ដែរ​។

ខ្សែប្រយុទ្ធ Carlos Vela របស់ Los Angeles FC ក៏​អាច​ជា​ជម្រើស​មួយ​សម្រាប់ Barca ផង​ដែរ ខណៈ​ដែល​យុទ្ធនាការ MLS បន្ទាប់​នឹង​ចាប់ផ្តើម​នៅ​ចុងខែ​កុម្ភៈ​។ កីឡាករ​សញ្ជាតិ​ម៉ិ​ក​ស៊ិ​ក​ខ្លួនឯង បាន​សារភាព​កាលពី​ប៉ុន្មាន​ខែ​មុន​ថា គាត់​ត្រូវ​បាន​គេ​បញ្ចុះបញ្ចូល​ឱ្យទៅ​លេង​នៅ Barcelona ដើម្បី​អាច​លេង​ជាមួយនឹង Messi​។

ជាមួយ​គ្នា​នេះ​ដែរ Dries Mertens របស់ Napoli ដែល​កិច្ចសន្យា​របស់​គាត់​ផុតកំណត់​នៅ​ខែមិថុនា ក៏​អាច​ជា​ជម្រើស​មួយ​សម្រាប់​ក្លិប​យក្ស​អេ​ស្ប៉ា​ញ​ផង​ដែរ ដូច​ជា​ខ្សែប្រយុទ្ធ Osasuna វ័យ ២៥​ឆ្នាំ អាច​ជា​ខ្សែប្រយុទ្ធ​សញ្ជាតិ​អា​ហ្ស​ង់​ទី​ន​ដែល​រកបាន ១០​គ្រាប់​ក្នុង ១៩​ប្រកួត​សម្រាប់​ក្លិប​របស់​គាត់​តាំងពី​ដើមរដូវ​កាល​មក​ដល់​ពេល​នេះ​៕