កម្មវិធីសម្ភោធការិយាយល័យកណ្តាលថ្មីរបស់ក្រុមហ៊ុន អ៊ី អេហ្វ ជី (អិចប្រេស ហ្វូដ គ្រុប)
- ភ្នំពេញ
កាលពីថ្ងៃទី០៨ ខែ មករា ឆ្នាំ២០២០ កន្លងទៅនេះ ក្រុមហ៊ុន អិចប្រេស ហ្វូដ គ្រុប (អ៊ី…
កាលពីថ្ងៃទី០៨ ខែ មករា ឆ្នាំ២០២០ កន្លងទៅនេះ ក្រុមហ៊ុន អិចប្រេស ហ្វូដ គ្រុប (អ៊ី…
កាលពីថ្ងៃទី០៨ ខែ មករា ឆ្នាំ២០២០ កន្លងទៅនេះ ក្រុមហ៊ុន អិចប្រេស ហ្វូដ គ្រុប (អ៊ី អេហ្វ ជី) បានបើកសម្ភោធការិយាល័យកណ្ដាលថ្មីរបស់ខ្លួនដែលមានទីតាំងស្ថិតនៅអគារ City Tower។ ការដាក់ឲ្យដំណើរការនៃការិយាល័យថ្មីនេះ គឺដើម្បីឆ្លើយតបទៅតាមប្រតិបត្តិការរបស់ក្រុមហ៊ុនដែលមានភាពរីកចម្រើន និងចំនួនបុគ្គលិកកើនឡើងជាលំដាប់។
ពិធីបើកសម្ភោធការិយាល័យថ្មីនេះ បានប្រព្រឹត្តិទៅយ៉ាងរឡូន និងប្រកបទៅដោយសេចក្ដីសោមនស្សរីករាយដោយមានការអញ្ញើញចូលរួមពីសំណាក់គណៈគ្រប់គ្រង និងក្រុមការងារទាំងអស់របស់ក្រុមហ៊ុន អ៊ី អេហ្វ ជី។
ចាប់តាំងពីឆ្នាំ២០០៥ ក្រុមហ៊ុន អ៊ី អេហ្វ ជី បានបន្ដចូលរួមចំណែកក្នុងការលើកស្ទួយដល់វិស័យ ចំណីរអាហារ និងភេសជ្ជៈ តាមរយៈការនាំយកនូវម៉ាកផលិតផលអន្ដរជាតិល្បីៗជាបន្ដបន្ទាប់មកកាន់ទីផ្សារកម្ពុជារួមមាន ៖ ដឹ ភីហ្សា ខមផេនី (THE PIZZA COMPANY) ការ៉េម ដេរីឃ្វីន (DAIRY QUEEN) នំដូហ្វណាត់ និង កាហ្វេ គ្រីសស្ពី គ្រីម (KRISPY KREME) បាប៊ីឃ្យូ ផ្លាហ្សា (BAR B Q Plaza) ហាងការ៉េម ស្វិនសិន (SWENSENS) ហើយកាលពីថ្មីៗនេះ ក្រុមហ៊ុនបានទទួលសិទ្ធិផ្ដាច់មុខក្នុងការបើកដំណើរការហាង ដឺ ឃូហ្វី ឃ្លឹប (The Coffee Club) ដំបូងគេនៅក្នុងកម្ពុជាផងដែរ។
គួរបញ្ជាក់ផងដែរថា ការិយាល័យកណ្ដាលថ្មីរបស់ ក្រុមហ៊ុន អ៊ី អេហ្វ ជី មានទីតាំងស្ថិតនៅ អគារ City Tower (ជាន់ទី៧) តាមមហាវិថី ម៉ៅសេទុង សង្កាត់ ផ្សារដេប៉ូទី១ ខណ្ឌ ទួលគោក រាជធានីភ្នំពេញ។ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ