ឆ្នាំ១៦៤៨
-កំផែងក្រហម ការពារទីក្រុងដែល្លី ត្រូវបានសាងសង់រួចរាល់ក្នុងរាជ្យស្ដេចសាចា ហាន ។
ឆ្នាំ១៨៣០
-ប្រទេសអេក្វាឌ័រ បានទទួលឯករាជ្យភាពចេញពីប្រទេសហ្ក្រេនកូឡុំប៊ី ។
ឆ្នាំ១៨៤៦
-សហរដ្ឋអាមេរិក បានប្រកាសសង្គ្រាមជាមួយប្រទេសម៉ិចស៊ីកូ ។
ឆ្នាំ១៨៤៨
-មានការប្រគំភ្លេងជាតិប្រទេសហ្វាំងឡង់ ជាលើកទី១ ។
ឆ្នាំ១៨៦១
-កញ្ចុំផ្កាយមួយដែលត្រូវបានរកឃើញដោយលោកចន ថេបបុត នៅក្នុងប្រទេស អូស្ដ្រាលី អាចឱ្យយើងមើលឃើញដោយភ្នែកទទេបានក្នុងរយៈពេល៣ខែ ។
ឆ្នាំ១៨៨៨
-ក្រោមច្បាប់លីអូរ៉េ ឬច្បាប់មាស ប្រទេសប្រេស៊ីលបានរំលាយរបបទាសភាពចេញពីប្រទេសរបស់ខ្លួន ។
ឆ្នាំ១៩១៣
-លោកអ៊ីហ្គ័រ ស៊ីគ័រស្គី ជនជាតិរុស្ស៊ី បានក្លាយជាបុរសទី១ ក្នុងនាមជាអ្នកបើកបរយន្ដហោះប្រភេទម៉ាស៊ីន៤ ។
ឆ្នាំ១៩៤០
-សង្គ្រាមលោកលើកទី២ ប្រទេសអាល្លឺម៉ង់បានចូលឈ្លានពានប្រទេសបារាំងដោយ ឆ្លងកាត់ទន្លេម៉ូសេ ។
ឆ្នាំ១៩៤៣
-កងទ័ពប្រទេសអាល្លឺម៉ង់ និងកងទ័ពអ៊ីតាលី ដែលស្ថិតនៅភាគខាងជើងអាហ្វ្រិកបានចុះចាញ់កងទ័ពសម្ព័ន្ធមិត្ដ ។
ឆ្នាំ១៩៥៨
-ដំណើរទស្សនកិច្ចនៅទីក្រុងការ៉ាកាសប្រទេសវ៉េណេហ្សុយអេឡា ក្បួនរថយន្ដអនុប្រធានាធិបតីអាមេរិក ត្រូវបានគេវាយប្រហារដោយបាតុករប្រឆាំងអាមេរិក ។
ឆ្នាំ១៩៦៧
-លោកហ្សាគី ហូសេន បានក្លាយជាប្រធានាធិបតីទី៣ នៃប្រទេសឥណ្ឌា ហើយ លោកជាអ្នកកាន់សាសនាមូស្ល៉ីមទី១ ដែលបានក្លាយជាប្រធានាធិបតីនៃប្រទេសឥណ្ឌា។
ឆ្នាំ១៩៦៩
-មានបាតុកម្មកើតឡើងនៅក្នុងទីក្រុងកូឡាឡាំពួរ ប្រទេសម៉ាឡេស៊ី ដោយសារតែគោលនយោបាយមិនប្រាកដប្រជារបស់រដ្ឋាភិបាល ដូចជានយោបាយសេដ្ឋកិច្ចថ្មីជាដើម។ បាតុកម្មនេះបានធ្វើឱ្យមនុស្សស្លាប់១៩៦នាក់ អ្នកខ្លះថាស្លាប់២.០០០នាក់ ហើយរដ្ឋាភិបាលសំរេចដាក់ប្រទេសស្ថិតក្នុងគ្រាអាសន្ន និងរំលាយសភា ។
ឆ្នាំ១៩៨១
-បុរសជនជាតិទួរគីម្នាក់ឈ្មោះមេមេតអាលីអាក់កា បានធ្វើឃាតសម្ដេចប៉ាបចន ប៉ូលទី២ នៅទីក្រុងរ៉ូម ប្រទេសអ៊ីតាលី ។ សម្ដេចប៉ាប ត្រូវបានគ្រូពេទ្យលោកអាហ្គោ ស្ទីណូ ហ្សេមែលលី ធ្វើការវះកាត់ទទួលបានជោគជ័យ ។
ឆ្នាំ១៩៨៩
-ក្រុមសិស្សជាច្រើនបានចូលកាន់កាប់ទីលានធៀនអានមេន ក្នុងទីក្រុងប៉េកាំង ហើយចាប់ផ្ដើមធ្វើបាតុកម្មអត់អាហារ ។
ឆ្នាំ១៩៩៦
-មានខ្យល់ព្យុះនៅប្រទេសបង់ក្លាដែសសំលាប់មនុស្ស៦០០នាក់ ។
ឆ្នាំ១៩៩៨
-បាតុកម្មហិង្សាយ៉ាងសាហាវ បានកើតឡើងនៅក្នុងទីក្រុងហ្សាការតា ប្រទេសឥណ្ឌូណេស៊ី ។ គោលដៅនៃបាតុកម្ម គឺប្រឆាំងជនជាតិចិន ដែលរស់នៅក្នុងទីក្រុង ។ ហាងដែលមានម្ចាស់ជាជនជាតិចិនត្រូវបានបំផ្លាញ ស្ដ្រីត្រូវគេចាប់រំលោភ និងសម្លាប់ ។ នៅទីសាធារណៈសូម្បីតែក្មេងក៏ត្រូវគេសំលាប់ដែរ។ ចំនួនអ្នកស្លាប់ក្នុងពេលមានហេតុការណ៍នោះ មានប្រមាណ១.៥០០នាក់ និងស្ដ្រីត្រូវគេចាប់រំលោភ១៦០នាក់ ។ ជនរងគ្រោះខ្លះត្រូវគេធ្វើទារុណកម្ម ហើយសំលាប់ដោយកាត់ក។ ហេតុការណ៍នេះបានធ្វើឱ្យ ប្រជាជនឥណ្ឌូណេស៊ី ដែលមានដើមកំណើតជាជនជាតិចិន ប្រមាណ៣ទៅ៥ភាគរយនៃចំនួនប្រជាជនសរុបក្នុងប្រទេសមានការភ័យខ្លាចយ៉ាងខ្លាំង។ បាតុកម្មនេះកើតឡើងដោយសារបញ្ហាសេដ្ឋកិច្ចអ្នកអត់ការងារធ្វើ និងតំលៃស្បៀងអាហារកើនឡើង ជាពិសេសគឺ ជាចរន្ដប្រឆាំងប្រធានាធិបតីស៊ូហារតូ ។
-ប្រទេសឥណ្ឌាបានធ្វើការសាកល្បងអាវុធនុយក្លេអ៊ែរចំនួនពីរនៅទីក្រុង Pokhran ជាហេតុធ្វើឱ្យសហរដ្ឋអាមេរិក និងប្រទេសជប៉ុនសំរេចចិត្ដដាក់ទណ្ឌកម្មសេដ្ឋកិច្ចលើប្រទេសនេះ ។
ឆ្នាំ២០០៦
–UNHCRបានបើកជំរំជនភៀសខ្លួនថ្មីនៅក្នុងប្រទេសឆាតនៅក្រៅទីក្រុងហាប៊ីឡា។ មានជនភៀសខ្លួនប្រមាណ៧.០០០នាក់ដែលមកពីទីក្រុងចានចាវីដ របស់ប្រទេសស៊ូដង ។
-អាជ្ញាធរឥណ្ឌូណេស៊ី បានប្រកាស អាសន្នពីការផ្ទុះភ្នំភ្លើង (Mt-Merapi) ដោយធ្វើការជំលៀសប្រជាជនប្រមាណ១៧.០០០នាក់ចេញពីតំបន់គ្រោះថ្នាក់ ៕
ចែករំលែកព័តមាននេះ