ចាញ់ហង្សក្រហមក្នុងផ្ទះខ្លួនឯង Mourinho ពន្លះចំៗឱ្យមន្ត្រី VAR
4 ឆ្នាំ មុន
ក្រុមមាន់ខ្នាយមាស Tottenham Hotspur បានរងបរាជ័យក្រោយថ្វីជើងក្រុមហ្សងក្រហម Liverpool ក្នុងផ្ទះខ្លួនឯងដោយលទ្ធផល ០-១ ដែលជាជំនួបសប្តាហ៍ទី២២ នៃលីគកំពូលអង់គ្លេស Premier…
ក្រុមមាន់ខ្នាយមាស Tottenham Hotspur បានរងបរាជ័យក្រោយថ្វីជើងក្រុមហ្សងក្រហម Liverpool ក្នុងផ្ទះខ្លួនឯងដោយលទ្ធផល ០-១ ដែលជាជំនួបសប្តាហ៍ទី២២ នៃលីគកំពូលអង់គ្លេស Premier League ។
មួយគ្រាប់ជ័យជម្នះរបស់ Liverpool រកបានដោយកីឡាករ Roberto Firmino នៅនាទី៣៧ ដែលជាការ Assist ពី Salah លទ្ធផលនេះបានជួយឱ្យក្រុមលោក Jurgen Klopp បន្តឈរនៅកំពូលតារាងមាន៦១ពិន្ទុ ដាច់ក្រុមលេខ២ Leicester City ចំនួន១៦ពិន្ទុ ។
ក្រោយបញ្ចប់ការប្រកួតគ្រូបង្វឹក Spurs លោក Jose Mourinho បានសម្តែងការមិនពេញចិត្តទៅនឹងការសម្រេចពី VAR បន្ទាប់ពីកីឡាករ Andy Robertson បានធាក់ជើងកីឡាករ Japhet ។
លោកបានថ្លែងទៅកាន់ Sky Sport ថា«ពួកគេមានសំណាង។ ពួកគេគួរតែបញ្ចប់ការប្រកួតនេះ ដោយមានគ្នាត្រឹមតែ១០នាក់ ក៏ព្រោះតែ VAR ពួកគេ (មន្ត្រី VAR) បានអង្គុយផឹកតែ ដោយមិនបានមើលឃើញពីកំហុស Roberton ដែលគួរតែត្រូវទទួលកាតក្រហម»៕
ចែករំលែកព័តមាននេះ