កោះតៃវ៉ាន់ ៖ ប្រធានាធិបតីចប់អាណត្តិតៃវ៉ាន់លោកស្រីTSAI ING WEN ដែលធ្វើយុទ្ធនាការប្រឆាំងលទ្ធិផ្ដាច់ការរបស់ក្រុងប៉េកាំង កាលពីថ្ងៃទី១១មករាបានជាប់ឆ្នោត សម្រាប់អាណត្តិថ្មីមួយទៀត ក៏ទោះជាមានយុទ្ធនាការសម្លុតបំភ័យខាងសេដ្ឋកិច្ចនិងការទូតរបស់ក្រុងប៉េកាំងដើម្បីឲ្យដែនកោះនោះស្ថិតនៅឯកោក្ដី។ ដោយប្រកាសពីជោគជ័យរបស់លោកស្រី…
កោះតៃវ៉ាន់ ៖ ប្រធានាធិបតីចប់អាណត្តិតៃវ៉ាន់លោកស្រីTSAI ING WEN ដែលធ្វើយុទ្ធនាការប្រឆាំងលទ្ធិផ្ដាច់ការរបស់ក្រុងប៉េកាំង កាលពីថ្ងៃទី១១មករាបានជាប់ឆ្នោត សម្រាប់អាណត្តិថ្មីមួយទៀត ក៏ទោះជាមានយុទ្ធនាការសម្លុតបំភ័យខាងសេដ្ឋកិច្ចនិងការទូតរបស់ក្រុងប៉េកាំងដើម្បីឲ្យដែនកោះនោះស្ថិតនៅឯកោក្ដី។
ដោយប្រកាសពីជោគជ័យរបស់លោកស្រី ក្នុងការបោះឆ្នោតប្រធានាធិបតីតៃវ៉ាន់ លោកស្រីTSAI ING WENលើកឡើងនៅមុខសារព័ត៌មានថា តៃវ៉ាន់បានបង្ហាញពិភពលោកថាតើការស្រឡាញ់របៀបរបបរស់នៅសេរី និងប្រជាធិបតេយ្យរបស់យើងមានកម្រិតប៉ុណ្ណា។
ចិនចាត់ទុកតៃវ៉ាន់ថាជាខេត្តមួយ ក្នុងចំណោមខេត្តរបស់ខ្លួន ហើយសច្ចាដណ្ដើមត្រួតត្រាវិញនាថ្ងៃណាមួយដោយកម្លាំងបើចាំបាច់។ លោកស្រីTSAI ING WENអាយុ៦៣ឆ្នាំ ក្រោយជាប់ឆ្មោតទៀតអះអាងថា គឹសន្តិភាពជាអ្វីដែលចិនបោះបង់ចោលការគំរាមកំហែងប្រឆាំងតៃវ៉ាន់។ ខ្ញុំសង្ឃឹមថាអាជ្ញាធរក្រុងប៉េកាំងយល់ ដែលតៃវ៉ាន់ប្រកាន់លទ្ធិប្រជាធិបតេយ្យ និងថារដ្ឋាភិបាលយើងជ្រើសតាំងដោយប្រជាធិបតេយ្យ ហើយយើងមិនចុះញ៉មចំពោះការគំរាមកំហែងនិងការសម្លុតបំភ័យឡើយ។
ដោយមិនលើកដោយផ្ទាល់ពីជោគជ័យរបស់លោកស្រីTSAI ING WEN ក្រុងប៉េកាំងគូសបញ្ជាក់ថា ខ្លួនប្រឆាំងរាល់រូបភាពនៃឯករាជ្យភាពរបស់តៃវ៉ាន់។ ក្រុងប៉េកាំងបន្តគាំទ្រគោលការណ៍នៃការបង្រួបបង្រួមដោយសន្តិវិធីនិងគោលការណ៍ប្រទេសមួយប្រព័ន្ធ២៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ