រាជធានីភ្នំពេញ ៖ រថយន្តដឹកទំនិញធុនធំ១គ្រឿង បានបើកបោះពួយក្នុងល្បឿនលឿនគួរសម លុះពេលទៅជិតដល់ចំណុចដែលមានការកកស្ទះចរាចរណ៍មួយកន្លែង ក៏ជាន់ហ្វ្រាំងបន្ថយល្បឿនដើម្បីឈប់ ។ ប៉ុន្តែខណៈនោះហ្វ្រាំងអត់សុីសោះ ជាហេតុធ្វើឲ្យអ្នកបើកបរភ័យស្លន់ស្លោយ៉ាងខ្លាំង ក៏កាច់ចង្កូតបំបុកឡើងខឿនចិញ្ចើមផ្លូវគេចចេញពីរថយន្តដែលកំពុងឈប់ត្រៀបត្រា…
រាជធានីភ្នំពេញ ៖ រថយន្តដឹកទំនិញធុនធំ១គ្រឿង បានបើកបោះពួយក្នុងល្បឿនលឿនគួរសម លុះពេលទៅជិតដល់ចំណុចដែលមានការកកស្ទះចរាចរណ៍មួយកន្លែង ក៏ជាន់ហ្វ្រាំងបន្ថយល្បឿនដើម្បីឈប់ ។ ប៉ុន្តែខណៈនោះហ្វ្រាំងអត់សុីសោះ ជាហេតុធ្វើឲ្យអ្នកបើកបរភ័យស្លន់ស្លោយ៉ាងខ្លាំង ក៏កាច់ចង្កូតបំបុកឡើងខឿនចិញ្ចើមផ្លូវគេចចេញពីរថយន្តដែលកំពុងឈប់ត្រៀបត្រា ។ ពេលនោះរថយន្តនៅតែមិនព្រមអស់ល្បឿនទៀត ក៏ជ្រុលបុកចូលផ្ទះលក់ទូរស័ព្ទដៃនិងលក់ភេជ្ជៈគ្រប់មុខ ទោះជាយ៉ាងណាជាគ្រោះល្អមិនបណ្ដាលឲ្យម្ចាស់ផ្ទះទាំង២ខាងលើរងគ្រោះថ្នាក់ឡើយ ។
ឧប្បត្តិហេតុនេះកើតឡើង កាលវេលាម៉ោងប្រមាណ១១និង២០នាទីព្រឹកថ្ងៃទី៩ ខែមករា ឆ្នាំ២០២០ ស្ថិតនៅតាមផ្លូវលេខ២១៧ ហៅផ្លូវចម្ការដូង ក្នុងភូមិរលួស សង្កាត់រលួស ខណ្ឌដង្កោ ។ រថយន្តដឹកទំនិញធុនធំមួយគ្រឿងនេះ ម៉ាកហុីយ៉ាន់ដាយ ពណ៌ស ពាក់ផ្លាកលេខ ភ្នំពេញ ៣D-៦៩៨៣ បើកបរដោយបុរសម្នាក់មិនស្គាល់ឈ្មោះ ។
តាមប្រភពព័ត៌មានឲ្យដឹងថា រថយន្តនេះធ្វើដំណើរតាមផ្លូវលេខ២១៧ ក្នុងទិសដៅពីខាងជើងទៅខាងត្បូងក្នុងល្បឿនលឿនគួរសមរ ។ លុះពេលទៅដល់ចំណុចខាងលើ មានរថយន្តជាច្រើន គ្រឿងកំពុងឈប់ត្រៀបត្រា ព្រោះទីនោះមានការកកស្ទះចរាចរណ៍ អ្នកបើកបរក៏ជាន់ហ្វ្រាំងឈប់ ប៉ុន្តែហ្វ្រាំងមិនសុី ។
ប្រភពដដែលបន្តថា ភ្លាមនោះអ្នកបើកបរបានបង្ខំចិត្តបួងចង្កូបំបុកឡើងលើខឿនចិញ្ចើមផ្លូវ ដើម្បីឲ្យរថយន្តថយល្បឿនផង និងគេចចេញពីរថយន្តនៅខាងមុខផង ។ ប៉ុន្តែរថយន្តនៅតែមិនព្រមឈប់ ហើយក៏ជ្រុលទៅបុកចូលផ្ទះលក់ទូរស័ពយីហោ«លីម៉ង១៦៨ II » និងផ្ទះលក់ភេជ្ជៈគ្រប់មុខយីហោ«អុឹង យូឡុង» បណ្ដាលឲ្យរងការខូចខាតផ្ទះ និងសម្ភារមួយចំនួនយ៉ាងដំណំ ប៉ុន្តែជាគ្រោះល្អមិនបណ្តាលឲ្យមានអ្នករងរបួសឬស្លាប់ឡើយ ។
ក្រោយកើតហេតុ នគរបាលបានទៅដល់ ហើយឃាត់អ្នកបើកបររថយន្តនាំយកទៅកាន់ប៉ុស្ដិ៍រលួស រួចរាយការណ៍ជូននគរបាលចរាចរណ៍ខណ្ឌដង្កោឲ្យទៅវាស់វែង និងនាំយករថយន្តទៅរក្សាទុក រង់ចាំការដោះស្រាយនៅពេលក្រោយ ៕
ចែករំលែកព័តមាននេះ