រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ព្រះសង្ឃគង់នៅវត្តឧណ្ណាលោម ភ័យស្លន់ស្លោដងទឹកយកទៅជះពន្លត់ភ្លើងដែលកំពុងតែឆាបឆេះព្រះពុទ្ធរូបជាច្រើនអង្គនៅក្នុងព្រះវិហារ បង្កឲ្យមានការភ្ញាក់ផ្អើលកាលពីម៉ោង៦និង១៥នាទីយប់ ថ្ងៃទី៩ ខែមករា ឆ្នាំ២០២០ ស្ថិតនៅតាមបណ្តោយផ្លូវសុធារស…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ព្រះសង្ឃគង់នៅវត្តឧណ្ណាលោម ភ័យស្លន់ស្លោដងទឹកយកទៅជះពន្លត់ភ្លើងដែលកំពុងតែឆាបឆេះព្រះពុទ្ធរូបជាច្រើនអង្គនៅក្នុងព្រះវិហារ បង្កឲ្យមានការភ្ញាក់ផ្អើលកាលពីម៉ោង៦និង១៥នាទីយប់ ថ្ងៃទី៩ ខែមករា ឆ្នាំ២០២០ ស្ថិតនៅតាមបណ្តោយផ្លូវសុធារស ក្នុងវត្តឧណ្ណាលោម ភូមិ២ សង្កាត់ជ័យជំនះ ខណ្ឌដូនពេញ។
បើតាមសមត្ថកិច្ចបានឲ្យដឹងថា ព្រះសង្ឃព្រះនាម តឺល វ័ន្ត ព្រះជន្ម២៤វស្សា គង់នៅវត្តឧណ្ណាលោម មានសង្ឃដីកាតាមទូរស័ព្ទឱ្យសមត្ថកិច្ចមូលដ្ឋានចុះមកជួយអន្តរាគមន៍ និងហៅរថយន្តពន្លត់អគ្គិភ័យបាញ់ពន្លត់បានទាន់ពេលវេលា ។ ក្នុងហេតុការណ៍នោះ លោក សុខ ពេញវុធ អភិបាលខណ្ឌដូនពេញ បានបញ្ជាក់ថា ខាងរ៉ឺម៉ក់ម៉ូតូដឹកទឹករបស់លោកមកចំនួន៤គ្រឿង ប៉ុន្តែបាញ់តែ៣គ្រឿងតែប៉ុណ្ណោះ ។
ចំពោះមូលហេតុបណ្តាលឱ្យឆាបឆេះនេះ សមត្ថកិច្ចបានឲ្យដឹងថា បណ្តាលមកពីឆ្លងចរន្តអគ្គិសនី ហើយអគ្គិភ័យខាងលើនេះ បានប្រើប្រាស់រថយន្តរបស់ការិយាល័យបង្ការ និងពន្លត់អគ្គិភ័យរាជធានីភ្នំពេញ ទឹកអស់៣គ្រឿងស្មើនឹង៧ជើង ទើបរលត់ជាស្ថាពរនៅវេលាម៉ោង៦និង៤៥នាទីយប់ថ្ងៃដដែល។ អគ្គិភ័យខាងលើនេះ ឆេះខូចខាតព្រះពុទ្ធរូបធ្វើពីឈើ និងថ្មអស់ជាច្រើនព្រះអង្គផងដែរ ៕ (កែសម្រួលដោយ ៖ បុប្ផា)
ចែករំលែកព័តមាននេះ