ជាយូរថ្ងៃមកហើយដែលតារាទាំង២នាក់បងប្អូន លោកអ៊ឹម រដ្ឋា និងកញ្ញា អ៊ឹង និមល បានព្យាយាមមើលថែទាំបងស្រី ប្អូនស្រី ដែលញាំញីដោយសារជំងឺកាចសាហាវ។ ម្នាក់ៗខ្វែងដៃជើងគ្នាមើលថែដល់មន្ទីរពេទ្យវៀតណាម…
ជាយូរថ្ងៃមកហើយដែលតារាទាំង២នាក់បងប្អូន លោកអ៊ឹម រដ្ឋា និងកញ្ញា អ៊ឹង និមល បានព្យាយាមមើលថែទាំបងស្រី ប្អូនស្រី ដែលញាំញីដោយសារជំងឺកាចសាហាវ។ ម្នាក់ៗខ្វែងដៃជើងគ្នាមើលថែដល់មន្ទីរពេទ្យវៀតណាម ខ្លះខំធ្វើការមិនគិតកម្លាំង។ នៅទីបំផុតជំងឺដុះសាច់ខួរក្បាលដ៏សាហាវនោះ បានផ្តាច់យកជីវិតប្អូនស្រី នាយទុយ និងបងស្រីកញ្ញា អ៊ឹង និមល សល់តែពាក្យសោកស្តាយ និងអាឡោះអាល័យគ្នាហួសថ្លែង។
មុនពេល ប្អូនស្រីនាយ ទុយ អស់សង្ខាររលត់ទៅ ទាំងក្រុមគ្រួសារម្នាក់ៗបែរបន់ឱ្យធូរស្បើយ។ ប៉ុន្តែប្អូនស្រីបង្កើតរបស់លោក បានធ្លាក់ខ្លួនគេងឈឺលើគ្រែពេទ្យ ដោយសារតែជំងឺដ៏សាហាវ ដុះសាច់ក្នុងខួរក្បាល។
ជាមួយគ្នានេះដែរ យោងតាមហ្វេសប៊ុកជាផ្លូវការរបស់នាយ ទុយ បានបង្ហោះរូបភាពជាច្រើនសន្លឹក មើលទៅប្អូនស្រីលោកពិតជាស្ថិតក្នុងស្ថានភាពលំបាកណាស់ អមដោយសារមានអត្ថន័យកម្សត់អាន ហើយរំជួលចិត្ត។ ក្រោមរូបភាពដ៏កម្សត់ មិត្តសិល្បករក៏ដូចជា ទស្សនិកជនជាច្រើននាំគ្នាអាណិតគ្រួសារ ត្រកូលអ៊ឹង ដោយជួបរឿងមិននឹកស្មាន ព្រោះមួយរយៈកាលមុន ម្តាយនាយទុយ ក៏ឈឺធ្ងន់រហូតទទួលមរណភាព។
អ្វីដែលប្លែក ចាប់តាំងពីបងស្រី សម្រាកពេទ្យមក កញ្ញា អ៊ឹង និមល មិនដែលថ្ងូរលំបាកកាយចិត្តឱ្យគេដឹងនោះទេ នាងខំដើរសម្តែង ដើរបង្ហាញម៉ូដ និងធ្វើពិធីករ។ អ៊ីចឹងហើយមិត្តជិតដិតកាន់តែនាំគ្នាសង្វេគ នៅពេលដឹងថា និមល ជួបបញ្ហា ហើយនៅតែតាំងជំហររឹងមាំឈរជើងក្នុងដំណើរដើរទៅមុខដោះស្រាយឧបសគ្គ។ ទោះយ៉ាងណា មានតែពាក្យឱ្យម្នាក់ៗរឹងមាំបន្តទៀត ដើម្បីងើបឈរទល់ផ្លូវជីវិតដែលដោះស្រាយមិនអាចចៀសបាន។ (កែសម្រួលដោយ ៖ បុប្ផា)
ចែករំលែកព័តមាននេះ