រាជធានីភ្នំពេញ ៖ ក្រសួងសុខាភិបាលបានអំពាវនាវដល់ប្រជាពលរដ្ឋទាំងអស់ឲ្យមានការប្រុងប្រយ័ត្នចំពោះជំងឺរលាកសួត ដោយមិនស្គាល់អត្តសញ្ញាណ និងមិនដឹងប្រភព ឬមូលហេតុ ។ ក្រសួងសុខាភិបាលនៃព្រះរាជាណាចក្រកម្ពុជាបានឲ្យដឹងនៅថ្ងៃទី១០ ខែមករា ឆ្នាំ២០២០…
រាជធានីភ្នំពេញ ៖ ក្រសួងសុខាភិបាលបានអំពាវនាវដល់ប្រជាពលរដ្ឋទាំងអស់ឲ្យមានការប្រុងប្រយ័ត្នចំពោះជំងឺរលាកសួត ដោយមិនស្គាល់អត្តសញ្ញាណ និងមិនដឹងប្រភព ឬមូលហេតុ ។ ក្រសួងសុខាភិបាលនៃព្រះរាជាណាចក្រកម្ពុជាបានឲ្យដឹងនៅថ្ងៃទី១០ ខែមករា ឆ្នាំ២០២០ បានជម្រាបជូនសាធារណជនទាំងអស់ ជាពិសេសដំណើរដែលមានគម្រោងធ្វើដំណើរទៅ ឬត្រឡប់មកពីទីក្រុងហាន ខេត្តហ៊ុយបេសាធារណរដ្ឋប្រជាមានិតចិន អំពីជំងឺរលាកសួតមិនស្គាល់អត្តសញ្ញាណនូវព័ត៌មានសំខាន់ៗ និងវិធានការប្រុងប្រយ័ត្នផ្ទាល់ខ្លួន ដែលគួរយល់ដឹង ។
ក្រសួងសុខាភិបាលបានបញ្ជាក់ថា មិនទាន់មានការជំងឺប្រភេទខាងលើនេះនៅប្រទេសកម្ពុជានៅឡើយ ហើយក្រសួងកំពុងតែតាមដានដោយយកចិត្តទុកដាក់បំផុតនូវស្ថានភាពនៃការកើតមានករណីជំងឺរលាកសួតមិនស្គាល់អត្តសញ្ញាណ ក្រោយពីបានទទួលព័ត៌មានពីអង្គការសុខភាពពិភពលោកប្រចាំនៅកម្ពុជា ដែលករណីជំងឺរលាកសួតប្រភេទនេះត្រូវបានរកឃើញ និងបានរាយការណ៍ដំបូងនៅថ្ងៃទី៣១ ខែធ្នូ ឆ្នាំ២០១៩ នៅទីក្រុងហាន ខេត្តហ៊ុយបេ សាធារណរដ្ឋប្រជាមានិតចិន ជាមួយរោគសញ្ញាភាគច្រើន គឺក្តៅខ្លួន មានអ្នក ជំងឺពីរ-បីនាក់មានរោគសញ្ញាហត់ ហើយថតកាំរស្មីអ៊ិចបង្ហាញថា មានដំបៅសួតសងខាង ។
ក្រសួងបន្តថា លទ្ធផលទទួលបានពីមន្ទីរពិសោធន៍បានបញ្ជាក់ថា ជំងឺដែលកំពុងកើតឡើងនេះមិនមែនជាជំងឺ SARS ឬជំងឺផ្តាសាយបក្សី ឬជំងឺផ្តាសាយបន្តរដោយវីរុសអាដេណូ (Adenivirus) ឬជំងឺ MERS ឬក៏ជំងឺផ្លូវដង្ហើមដ៏ទៃទៀតនោះឡើយ ។ ការអង្កេតស្រាវជ្រាវដោយមន្ទីរពិសោធន៍នៃប្រទេសចិនកំពុងបន្តធ្វើទៀត ដើម្បីស្វែងរកអត្តសញ្ញាណនៃជំងឺរលាកសួតចម្លែកនេះ ។ ក្រសួងបានលើកឡើងទៀតថា តាមរបាយការណ៍របស់អង្គការសុខភាពពិភពលោកក៏បានបង្ហាញផងដែរថា រហូតមកដល់ពេលនេះមិនទាន់មានភ័ស្តុតាងណាមួយបញ្ជាក់ពីការឆ្លងពីមនុស្សទៅមនុស្សនៅឡើយ ហើយក៏មិនទាន់មានការចម្លងទៅបុគ្គលិកសុខាភិបាលនោះដែរ ។
នៅពេលនេះអ្នកជំនាញកំពុងតែប្រមូលព័ត៌មានអេពីដេមី សាស្ត្រ និងមន្ទីរពិសោធន៍បន្ថែមទៀត ដើម្បីកំណត់រកអត្តសញ្ញាណនៃវីរុស ។ លោកគូសបញ្ជាក់ថា ៖« គិតត្រឹមម៉ោង៨ព្រឹកថ្ងៃទី៥ ខែមករា ឆ្នាំ២០២០ ខេត្តវូហាន បានរាយការណ៍ថា មានអ្នកជំងឺសរុបចំនួន៥៩នាក់ ដែលមានជំងឺរលាកសួតដោយសារវីរុសដែលមិនស្គាល់អត្តសញ្ញាណក្នុងនោះមាន៧នាក់មានជំងឺធ្ងន់ធ្ងរ ហើយអ្នកជំងឺដទៃទៀតមានស្ថានភាពហ្នឹងនរ ។ នាពេលបច្ចុប្បន្នអ្នកជំងឺទាំងអស់កំពុងទទួលការព្យាបាលដោយដាក់ឲ្យនៅជាច់ ដោយឡែកពីគេហើយគ្មានអ្នកបាត់បង់ជីវិតទេ ។
លោករដ្ឋមន្ត្រីក្រសួងសុខាភិបាលបានថា ៖ «ខ្ញុំសូមប្រកាសធ្វើការក្រើនរំលឹកជូនដល់ប្រជាពលរដ្ឋទាំងអស់ ឲ្យមានការប្រុងប្រយ័ត្នខ្ពស់លើការបង្ការការចម្លង ជំងឺរលាកសួតដែលមិនស្គាល់អត្តសញ្ញាណដែលអាចកើតមានជាយថាហេតុ ដោយអនុវត្តនូវវិធានការណ៍ដូចតទៅ ៖ ១. ជៀសវាងប៉ះពាល់ជិតស្និទ្ធជាមួយអ្នកមានជំងឺផ្លូវដង្ហើមស្រេច ។ ២. លាងដៃឲ្យបានញឹកញាប់ (ជាមួយសាប៊ូ និងទឹកស្អាត ) ជាពិសេសបន្ទាប់ពីប៉ះពាល់ដោយផ្ទាល់ជាមួយអ្នកជំងឺឬ បរិស្ថានជុំវិញគាត់ ។ ៣. ជៀសវាងប៉ះពាល់ជិតស្និទ្ធ ឬទៅទីផ្សារលក់គ្រឿងសមុទ្រហូណាន ឬទីផ្សារ ឬកសិដ្ឋានដែលមានសត្វរស់ ឬសត្វព្រៃ ឬកន្លែងដែលគេដឹងថា មានវីរុសកំពុងចរាចរ ។ ចាំបាច់ត្រូវលាងដៃឲ្យបានទៀងទាត់មុនពេល និងបន្ទាប់ពីការប៉ះពាល់សត្វ ឬវត្ថុផ្សេងៗ ដែលអាចជាប្រភពចម្លងរោគ ។
៤. ប្រកាន់ខ្ជាប់នូវការអនុវត្តន៍អនាម័យស្អាត និងសុវត្ថិភាពម្ហូបអាហារល្អ ដូចជា ពិសារអាហារដែលចំអិនឆ្អិនល្អ ។ ៥. អ្នកមានរោគសញ្ញាជំងឺផ្លូវដង្ហើម ត្រូវខ្ទប់មាត់ និងច្រមុះនៅពេលក្អកឬកណ្តាស់ ដោយកន្សែង ក្រម៉ា ឬក្រដាស ។ ៦. ត្រូវប្រកាន់យកនូវអនាម័យដៃស្អាត និងអនាម័យផ្លូវដង្ហើម (ខ្ទប់មាត់ និងច្រមុះនៅពេលក្អក ឬកណ្តាស់ , លាងដៃ បន្ទាប់ពីមានប៉ះជាមួយទឹករំអិលពីផ្លូវដកដង្ហើម និងរក្សាចមួយច្រើនជាង១ម៉ែត្រជាមួយបុគ្គលដែលមានរោគសញ្ញាផ្លូវដង្ហើមស្រួចជ្រាបជាដើម)៕
ចែករំលែកព័តមាននេះ