គារវកិច្ច កិច្ចគឺការគោរពត្រូវប្រកបដោយអង្គបីគឺ ដោយកាយបានដល់ការឱនលំទោនលើកដៃសំពះ១ ដោយវាចា ពោលពាក្យទន់ភ្លន់សុភាពរាបសា១ និងដោយចិត្ត គឺមិនប្រមាថ១ ។
តើបុគ្គលដូចម្តេចដែលគួរគោរពប្រកបដោយអង្គបី ?
បុគ្គលដែលគួរគោរពនោះ បានដល់អ្នកដែលមានគុណធម៌ខ្ពង់ខ្ពស់ទាំងឡាយមានព្រះពុទ្ធ ព្រះសង្ឃ មាតាបិតា គ្រូអាចារ្យជាដើម១ បុគ្គលដែលមានជាតិត្រកូលនិងគុណធម៌ខ្ពង់ខ្ពស់ដូចជាអ្នកប្រាជ្ញនិងអ្នកដឹកនាំរដ្ឋ ដែលមានភាពសុចរិតទៀងត្រង់ តាំងនៅក្នុងច្បាប់ជាដើម១ និងបុគ្គលដែលមានអាយុច្រើនដូចជារៀមច្បងនិងចាស់ព្រឹទ្ធាចារ្យជាដើម១ ។
បុគ្គលទាំងអម្បាលនោះហើយដែលសាធុជនគួរគោរពប្រកបដោយអង្គបីដូចបានពោលមក ដើម្បីប្រយោជន៍ដល់សីលធម៌សង្គមផង និងបានជាលំអានដល់បច្ឆាជនផង ។ ដោយសាន សារិន
ចែករំលែកព័តមាននេះ