រាជធានីភ្នំពេញ ៖ ក្រោយពេលបង្ហាញនូវរូបភាពកម្សត់របស់គ្រួសារមួយមក បានធ្វើឱ្យមានការចាក់ដោតផ្លូវចិត្តជាពន់ពេកនៅលើបណ្តាញសង្គមហ្វេសប៊ុក ដោយម្នាក់ៗមានការអាណិតអាសូរជាខ្លាំង។ ដំណឹងនេះ បានចាក់ចំបេះដូងតារាចម្រៀង តន់ ច័ន្ទសីម៉ា បានស្វះស្វែងរក រហូតប្រកាសផ្តល់ជាជំនួយ ដើម្បីដោះស្រាយកង្វះខាតមួយរយៈនេះជាទឹកចិត្តប្រពៃក្នុងនាមតារាសិល្បៈ។
តាមគណនី Facebook ឈ្មោះថា «Standard Living» បានបង្ហោះរឿងរ៉ាវដ៏គួរឲ្យរំជួលចិត្តមួយ បន្ទាប់ពីជួបក្មេងៗគ្រួសារក្រីក្រខ្សត់មកសុំឆ្អឹងត្រី ដើម្បីយកទៅដាក់ជាមួយអំបិលហូបជាមួយបាយ ឃើញហើយ ពិតជាសង្វេគមែនទែន។
គណនេយ្យខាងលើនេះ បានឲ្យដឹងបែបនេះថា «មិញនឹង (មុននេះបន្តិច) ខ្ញុំទប់ទឹកភ្នែកមិនបាន ហួសចិត្តពេក គាត់ទៅសុំឆ្អឹងត្រី ដែលមិត្តខ្ញុំបេះយកសាច់ធ្វើទឹកគ្រឿង ហើយសល់ឆ្អឹង នឹងសាច់តិចៗ ស្មានតែគាត់យកទៅណា លោកអើយលោក ខ្ញុំឲ្យមិត្តទៅមើល ហើយក៏ខលទៅ មើលឃើញភ្លាមខ្ញុំក៏អួលដើម.ក គឺគាត់ទៅនាំកូនៗហូបបាយ ជាមួយឆ្អឹងត្រី និងអំបិលម្ទេស ។ ខ្ញុំក៏សម្រេចប្រាប់រឿងរកការជួយដល់គាត់ និយាយជាមួយគាត់ ហើយរំភើបឡើងយំ សូមបងប្អូនជួយគាត់ផង»។
បើតាមគណនីហ្វេសប៊ុកដដែល បានឲ្យដឹងបន្ថែមថា ស្ត្រីខាងលើជាស្ត្រីមេម៉ាយ ហើយត្រូវ ចិញ្ចឹមកូនតូចៗ១០នាក់ រកអង្ករហូបបាយស្ទើរតែគ្មាន រស់នៅភូមិខ្នា ឃុំក្រទួត ស្រុក ស្វាយក្រៅ ខេត្តសៀមរាប។ នឹងមានអ្នកលេងបណ្តាញសង្គមហ្វេសប៊ុក ចាប់អារម្មណ៍ស៊ែរចែកចាយ ដោយក្តុកក្តួល ពេលឃើញរូបថតជាច្រើនសន្លឹក នឹងរូបភាពកំសត់របស់គ្រួសារក្រីក្រមួយនេះ ។ ដោយគ្រួសារគាត់ក្រីក្រសឹងតែគ្មានអ្វីញ៉ាំ នឹងសុំឆ្អឹងត្រីសល់ពីគេបោះចោលមកចែកគ្នាញ៉ាំ ពិតជាសង្វេគណាស់។
បន្ទាប់ពីបានឃើញគ្រួសារក្រីក្រខ្សត់ ជាស្ត្រីមេម៉ាយ ហើយត្រូវចិញ្ចឹមកូនតូចៗ១០នាក់ រកអង្ករហូបបាយស្ទើរគ្មាន ដើរសុំឆ្អឹងត្រី យកទៅដាក់ជាមួយអំបិល ហូបជាមួយបាយ មើល ទៅគួរឲ្យសង្វេគ ហើយត្រូវបានចែកចាយលើបណ្ដាញសង្គម Facebook នោះ ហើយត្រូវបានតារាចម្រៀង តន់ ច័ន្ទសីម៉ា បានប្រកាសបែបនេះថា ខ្លួនសូមជួយឧបត្ថម្ភអង្ករ១តោន ត្រីខ១០យួរ មី30កេស និងថវិកា20 ម៉ឺនរៀល។ សូមបងប្អូនជួយ Share ជូនដំណឹងឱ្យគាត់ដឹងផង នាងខ្ញុំ ព្រមទាំងក្រុមការងារ នឹងចាត់ចែងយកជូនពួកគាត់ ឬផ្តល់លេខទូរស័ព្ទគាត់ដើម្បីនាងខ្ញុំទាក់ទងទៅ»។ (កែសម្រួលដោយ ៖ បុប្ផា)
ចែករំលែកព័តមាននេះ