ពួកយើងត្រូវការទឹកដើម្បីរស់និងទ្រទ្រង់សុខភាពរាងកាយ!សកម្មភាពផ្សេងៗប្រចាំថ្ងៃអាចបណ្ដាលឱ្យយើងបាត់បង់ជាតិទឹកគួរឱ្យកត់សម្គាល់។ ប៉ុន្តែទោះជាទឹកចាំបាច់ខ្លាំងយ៉ាងណាក៏ដោយ ក៏ការទទួលទានទឹកក្ដៅអាចបង្កផលប៉ះពាល់មួយចំនួនគួរឱ្យព្រួយបារម្ភ។ ហើយថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីឥទ្ធិពលអវិជ្ជមាននៃការទទួលទានទឹកក្ដៅ ៖ ១. ទឹកក្ដៅមានផ្ទុកសារធាតុ contaminants…
ពួកយើងត្រូវការទឹកដើម្បីរស់និងទ្រទ្រង់សុខភាពរាងកាយ!សកម្មភាពផ្សេងៗប្រចាំថ្ងៃអាចបណ្ដាលឱ្យយើងបាត់បង់ជាតិទឹកគួរឱ្យកត់សម្គាល់។ ប៉ុន្តែទោះជាទឹកចាំបាច់ខ្លាំងយ៉ាងណាក៏ដោយ ក៏ការទទួលទានទឹកក្ដៅអាចបង្កផលប៉ះពាល់មួយចំនួនគួរឱ្យព្រួយបារម្ភ។ ហើយថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីឥទ្ធិពលអវិជ្ជមាននៃការទទួលទានទឹកក្ដៅ ៖
១. ទឹកក្ដៅមានផ្ទុកសារធាតុ contaminants កាន់តែច្រើន ៖ ប្រសិនបើអ្នកប្រើប្រាស់ទឹកក្ដៅចេញពីរ៉ូមីនេផ្ទាល់តែម្ដងនោះទឹកប្រាកដជាមានផ្ទុកសារធាតុកខ្វក់ contaminants ខ្ពស់តែម្ដង។ លើសពីនេះទៅទៀតបំពង់ទឹកនៅពេលប្រើយូរអាចនឹងប្រែជាច្រេះដែលអាចបង្កបញ្ហាពុល។ អ្វីដែលគួរឱ្យព្រួយបារម្ភថែមទៀតនោះ គឺសារធាតុកខ្វក់ contaminants ងាយនឹងរលាយ ហើយរាលដាលយ៉ាងឆាប់រហ័សក្នុងទឹកក្ដៅ។ ដូច្នេះដើម្បីជាការប្រសើរចូរត្រងយកទឹកត្រជាក់ជាមុនសិន សឹមដាំ ឬកម្ដៅជាក្រោយក្នុងកំសៀវ។
២. ទឹកក្ដៅអាចបណ្ដាលឱ្យរលាក ៖ មនុស្សភាគច្រើនចូលចិត្តទទួលទានតែ ឬកាហ្វេក្ដៅ។ ពួកគេទទួលទានភេសជ្ជៈនេះភ្លាមៗដោយមិនទុកឱ្យចុះត្រជាក់បន្តិចសិន។ ទម្លាប់អាក្រក់នេះគួរត្រូវបានបញ្ឈប់ខណៈដែលវាអាចបង្កបញ្ហារលាកកម្រិតស្រាលលើបបូរមាត់និងអណ្ដាតបានយ៉ាងងាយ។ ទោះជាយ៉ាងណាប្រសិនបើធ្វើជាប្រចាំ ទម្លាប់នេះក៏អាចបណ្ដាលឱ្យកើតមានជំងឺមហារីកបំពង់កផងដែរ។
៣. ការទទួលទានទឹកក្ដៅអាចបណ្ដាលឱ្យរបួសបំពង់អាហារ ៖ ក្រៅពីបណ្ដាលឱ្យពងបែកមាត់ ទឹកក្ដៅក៏អាចបង្កផលប៉ះពាល់លើស្រទាប់នៃបំពង់អាហារនិងបំពង់រំលាយអាហារផ្ទាល់ផងដែរ។ នេះក៏ព្រោះតែទឹកក្ដៅធ្វើឱ្យសីតុណ្ហភាពរាងកាយកើនឡើងខ្ពស់ដែលគ្រោះថ្នាក់ដល់សរីរាង្គខាងក្នុង។
៤. ទឹកក្ដៅអាចបង្កបញ្ហាអតុល្យភាពក្នុងរាងកាយ ៖ ការទទួលទានទឹកក្ដៅ ជាពិសេសប្រសិនបើច្រើនពេកដូចជានៅពេលអ្នកមិនស្រេកទឹកផងនោះអាចបណ្ដាលឱ្យកើតមានបញ្ហាអតុល្យភាពនៃជាតិទឹកក្នុងរាងកាយ។ ម្យ៉ាងវិញទៀតទោះបីជាការទទួលទានទឹកច្រើនពេកទោះជាទឹកមិនក្ដៅក៏ដោយ ក៏អាចបង្កបញ្ហាហើមកោសិកាខួរក្បាលគួរឱ្យបារម្ភ។
៥. ការទទួលទានទឹកក្ដៅមុនពេលគេងអាចបណ្ដាលឱ្យពិបាកគេងស្កប់ ៖ ពិតណាស់ទឹកក្ដៅអាចជួយបង្កើនការដុតរំលាយអាហារក្នុងរាងកាយកំឡុងពេលគេង ប៉ុន្តែប្រសិនបើទទួលទានច្រើនពេលវាមិនត្រឹមតែធ្វើឱ្យនោមញឹកប៉ុណ្ណោះទេ ប៉ុន្តែអាចជះផលប៉ះពាល់ដល់ដំណេកផងដែរ។
សម្គាល់៖ មិនថាជាអ្វីក៏ដោយឱ្យតែច្រើនពេក គឺមិនល្អឡើយ។ សូម្បីតែការទទួលទានទឹក! ដើម្បីចៀសវាងបញ្ហាលើសជាតិទឹកក្នុងរាងកាយ គឺអ្នកគួរទទួលទានតែនៅពេលស្រេកទើបប្រសើរ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ