រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានឲ្យដឹងថា ពេលរាជរដ្ឋាភិបាលបាននឹងកំពុងធ្វើការសិក្សា ដើម្បីញែកតួនាទី និងភារកិច្ចរបស់ក្រុមការងារគណបក្ស…
រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានឲ្យដឹងថា ពេលរាជរដ្ឋាភិបាលបាននឹងកំពុងធ្វើការសិក្សា ដើម្បីញែកតួនាទី និងភារកិច្ចរបស់ក្រុមការងារគណបក្ស និងក្រុមការងាររដ្ឋាភិបាលឲ្យដាច់ចេញពីគ្នា ។ សម្តេច ស ខេង បានបន្តថា ការសិក្សានេះបន្ទាប់ពីក្រោយមានការចង្អុលបង្ហាញពីប្រមុខរាជរដ្ឋាភិបាលកាលពេលកន្លងមក ។
ថ្លែងក្នុងពិធីអបអរសាទរខួបលើកទី៤១ នៃទិវាជ័យជម្នះ ៧មករា (១៩៧៩-២០២០) នៅថ្ងៃទី៩ ខែមករា ឆ្នាំ២០២០ សម្ដេច ស ខេង បានលើកឡើងថា ក្រុមការងាររដ្ឋាភិបាលមានតួនាទីយ៉ាងសំខាន់ក្នុងការគាំទ្រដល់រដ្ឋបាលគ្រប់ថ្នាក់ ដើម្បីផ្តល់សេវាសាធារណៈជូនប្រជាពលរដ្ឋឲ្យមានប្រសិទ្ធិភាព ។ សម្ដេចក្រឡាហោម ស ខេង បានបញ្ជាក់យ៉ាងដូច្នេះថា ៖«យើងមានក្រុមការងារគណបក្សផង ក្រុមការងាររដ្ឋាភិបាលផង ។
តាមការប្រគល់ភារកិច្ចពីថ្នាក់ដឹកនាំខ្ញុំកំពុងធ្វើការសិក្សា ដើម្បីញែកតួនាទីភារកិច្ចរបស់ក្រុមការងារទាំង២ហ្នឹងក្នុងបក្ស និងក្នុងរដ្ឋាភិបាល ។ ពីមុនក្រុមការងារបក្សធ្វើទាំងអស់ឥឡូវមានក្រុមការងាររដ្ឋាភិបាល ។ ចឹង គឺថាកិច្ចការរបស់រដ្ឋាភិបាល គឺក្រុមការងារហ្នឹងជាអ្នកធ្វើកិច្ចការបក្ស គឺក្រុមការងារបក្សជាអ្នកធ្វើ» ។ សម្តេចស ខេង គណបក្សប្រជាជនកម្ពុជាមិនដែលរត់ និងភ្លេចប្រជាពលរដ្ឋនោះទេ ។ ពិសេសនោះមន្ត្រីគណៈពង្រឹងតែងតែចុះតាមមូលដ្ឋាស្ទើរគ្មានសៅរ៍អាទិត្យនោះទេ ។
សម្តេចក្រឡាហោមក៏បានបន្ថែមថា គណបក្សប្រជាជនមិនដែលភ្លេចប្រជាពលរដ្ឋទាំងពីរដើមរហូតដល់ពេលនេះ ។ ហើយមកដល់ពេលនេះរាជរាជរដ្ឋាភិបាលពង្រាយមន្ត្រីជាច្រើនទាំងមន្ត្រីគណបក្ស និងមន្ត្រីមុខងារសាធារណៈដែលច្បាប់បានចែងជាធរមាន ក្នុងការចុះតាមមូលដ្ឋាន ដើម្បីចុះជួបជាមួយប្រជាពលរដ្ឋក្នុងស្វែងរកផលលំបាករបស់រាស្ត្រ និងផ្តល់សេវាជូនប្រជាពលរដ្ឋផងដែរ ។ សម្តេចបានបញ្ជាក់ថា ៖«ក្រុមការបក្សស្ទើរតែគ្មានថ្ងៃសៅរ៍អាទិត្យនោះទេ ក្នុងការចុះមកតាមមូលដ្ឋាន ។ ចំណែកក្រុមការងាររាជរដ្ឋាភិបាលក៏បានចុះមករហូតដោយមិនចាំថ្ងៃ ឬម៉ោងណានោះទេ ឲ្យតែប្រជាពលរដ្ឋត្រូវការ»។ សម្តេចបន្ថែមថា ការចុះមកនេះជាឱកាសដល់ប្រជាពលរដ្ឋក្នុងការរាយការណ៍ជូនដូចជា ករណីល្បែងស៊ីសង ករណីចោលលួច ឬប្លន់ បញ្ហាចរាចរណ៍ ឬបញ្ហាទឹកភ្លើងជាដើម ។
សម្តេចបានលើកឡើងថា គណបក្សកាន់អំណាចបានធ្វើតាំងពីបុព្វហេតុដើមមកម្ល៉េះ មិនដូចជា ពួកប្រឆាំងមួយចំនួនបានតែស្រែកថា ពេលកាន់អំណាចនឹងធ្វើបែបនេះបែបនោះ ៕ កែសម្រួលដោយ ៖ សុឃាក់
ចែករំលែកព័តមាននេះ