ប្រធានាធិបតីអាមេរិកលោក ដូណាល់ត្រាំ ហាក់ដូចជា នៅតែមានជំហរខ្លាំងដដែល បើទោះបីជាអ៊ីរ៉ង់បានវាយប្រហារលើកងទ័ពអាមេរិកនៅអ៊ីរ៉ាក់ក្តី ។ មុនពេលដែលលោកធ្វើសេចក្តីថ្លៃងការណ៍ផ្លូវការទៅកាន់ពលរដ្ឋអាមេរិកនៅថ្ងៃពុធ ម៉ោងនៅប្រទេសអាមេរិក លោកត្រាំបានសរសេរនៅតាម Twitter…
ប្រធានាធិបតីអាមេរិកលោក ដូណាល់ត្រាំ ហាក់ដូចជា នៅតែមានជំហរខ្លាំងដដែល បើទោះបីជាអ៊ីរ៉ង់បានវាយប្រហារលើកងទ័ពអាមេរិកនៅអ៊ីរ៉ាក់ក្តី ។ មុនពេលដែលលោកធ្វើសេចក្តីថ្លៃងការណ៍ផ្លូវការទៅកាន់ពលរដ្ឋអាមេរិកនៅថ្ងៃពុធ ម៉ោងនៅប្រទេសអាមេរិក លោកត្រាំបានសរសេរនៅតាម Twitter របស់លោកថា «គ្រប់យ៉ាង គឺល្អ! មីស៊ីលបានបាញ់ចេញពីអ៊ីរ៉ង់ទៅលើមូលដ្ឋានយោធាពីរ ដែលមានទីតាំងនៅអ៊ីរ៉ាក់ ។ យើងមានយោធាដែលមានឥទ្ធិពលបំផុត និងបំពាក់បានយ៉ាងល្អ នៅគ្រប់ទីកន្លែងក្នុងពិភពលោក» ។
លោកត្រាំក៏បានបញ្ជាក់ថា ដំណើរការនៃការវាយតម្លៃការខូចខាត និងការបាត់បង់ជីវិតមនុស្សដោយ ការវាយប្រហារនេះកំពុងដំណើរការ ។ ការបាញ់មីស៊ីលទៅលើកងទ័ពអាមេរិកនៅអ៊ីរ៉ាក់ គឺជាការចាប់ផ្តើមដំបូងនៃការសងសឹករបស់អ៊ីរ៉ង់ទៅលើអាមេរិកដែលបានធ្វើឲ្យបាត់បង់ជីវិតមេទ័ពកំពូលរបស់ខ្លួនកាលពីថ្ងៃសុក្រ សប្តាហ៍មុន ។
អ៊ីរ៉ង់បានព្រមានថា បើសិនជាអាមេរិកហ៊ានតដៃចំពោះការបាញ់មីស៊ីលលើកនេះ អ៊ីរ៉ង់នឹងធ្វើការវាយ ប្រហារកាន់តែខ្លាំងទៅលើប្រទេសស័ម្ពន្ធមិត្តរបស់អាមេរិក និងទៅលើទឹកដីអាមេរិក ៕
ចែករំលែកព័តមាននេះ