ខេត្តរតនគិរី ៖ កាលពីថ្ងៃទី០៩ កក្កដា២០១៤ រដ្ឋមន្រ្តីក្រសួងបរិស្ថាន និងសហគមន៏អ៊ឺរ៉ុបបានប្រកាសដាក់តំបន់កន្ទុយនាគទំហំជាង១ម៉ឺនហិកតាក្នុងឧទ្យានជាតិវីរៈជ័យ ជាតំបន់ការពារធនធានធម្មជាតិ ដើម្បីប្រែក្លាយជាតំបន់ទេសចរណ៍ធម្មជាតិ បន្ទាប់ពីទទួលរងការកា.ប់បំផ្លាញ ប្រមាណជាង១០ឆ្នាំកន្លងមកនេះ។
ខេត្តរតនគិរី ៖ កាលពីថ្ងៃទី០៩ កក្កដា២០១៤ រដ្ឋមន្រ្តីក្រសួងបរិស្ថាន និងសហគមន៏អ៊ឺរ៉ុបបានប្រកាសដាក់តំបន់កន្ទុយនាគទំហំជាង១ម៉ឺនហិកតាក្នុងឧទ្យានជាតិវីរៈជ័យ ជាតំបន់ការពារធនធានធម្មជាតិ ដើម្បីប្រែក្លាយជាតំបន់ទេសចរណ៍ធម្មជាតិ បន្ទាប់ពីទទួលរងការកាប់បំផ្លាញ ប្រមាណជាង១០ឆ្នាំកន្លងមកនេះ។
លោក ចាយ សាមិត្ត អគ្គនាយកដ្ឋានរដ្ឋបាលការពារ និងអភិរក្សធម្មជាតិនៃក្រសួងបរិស្ថាន បានធ្វើការចុះហត្ថលេខាលើកិច្ចព្រមព្រៀង ជាមួយសហគមន៍ចំនួន៥ក្នុងការប្រែក្លាយតំបន់ការពារធម្មជាតិ ដែលស្ថិតនៅក្នុងឧទ្យានជាតិវីរៈជ័យ រួមមាន អូរចាយ អូរទុង អូរតាបូក មណ្ឌលយ៉ន និងអួតខាំផា ក្រោមគម្រោងឧបត្ថមថវិកាជាង១លានដុល្លារ រយៈពេល៥ឆ្នាំរបស់សហភាពអ៊ឺរ៉ុប។
តំបន់ទាំងនេះត្រូវបានបង្កើតឡើងកាលពីឆ្នាំ២០០២ ហើយមានទំហំសរុបចំនួន១៨.៣៩៥ហិកតា ដែលមានពលរដ្ឋជនជាតិដើម ភាគតិចចំនួន១.៣៤៦គ្រួសារស្មើនឹង៥.៧៥៦នាក់។ លោក សាយ សំអាល់ រដ្ឋមន្ត្រីក្រសួងបរិស្ថានបានមានប្រសាសន៍ថា កិច្ចព្រមព្រៀងនេះជាការទទួលស្គាល់ ជាផ្លូវការស្របតាមច្បាប់របស់រដ្ឋាភិបាលចំពោះសហគមន៍ និងពលរដ្ឋដែលកំពុងរស់នៅក្នុងតំបន់នោះ។
លោកបានបញ្ជាក់ថា ឧទ្យានជាតិវិរៈជ័យនេះមានសារៈសំខាន់ណាស់ ដោយសារមានធនធាន និងជីវៈចម្រុះច្រើនប្រភេទ ហើយការបង្កើត និងរៀបចំសហគមន៍តំបន់ការពារធនធាននេះ គឺជាការលើកទឹកចិត្ត និងថែរក្សាវប្បធម៌បងប្អូនជនជាតិដើម»។
ក្រសួងបរិស្ថានក៏បានឯកភាពគ្នាជាមួយនឹងក្រសួងកសិកម្ម និងក្រសួងដែនដីក្នុងការរៀបចំផែនទីឯកភាពឲ្យបានច្បាស់លាស់រវាងព្រៃសហគមន៍ តំបន់អភិរក្ស និងការពារធនធនធម្មជាតិ។ លើសពីនោះបានសហការជាមួយនឹងក្រសួងទេសចរណ៍ក្នុងការប្រែក្លាយសហគមន៍ និងការពារធនធានធម្មជាតិមួយចំនួនជាតំបន់ទេសចរណ៍ធម្មជាតិ។
លោកបន្ថែមថា ការងារទាំងអស់ធ្វើឡើងក្នុងគោលបំណងជួយដល់ប្រជាពលរដ្ឋ ដើម្បីឲ្យឈប់ពឹងផ្អែកលើអនុផលព្រៃឈើទៅជាអ្នកបំរើសេវាទេសចរណ៍ធ្វើកសិកម្ម ឬជាការចិញ្ចឹមសត្វដទៃទៀតដើម្បីជួយកសាងសេដ្ឋកិច្ចសហគមន៍ ហើយអាចឈរដោយខ្លួនឯងបាននៅថ្ងៃណាមួយនៅ ពេលអស់គម្រោងសហភាពអឺរ៉ុបនេះ»៕
ចែករំលែកព័តមាននេះ