រាជធានីភ្នំពេញ ៖ បន្ទាប់ពីរូបភាពអាក្រាតកាយរបស់ខ្លួនលេចចេញតាមអ៊ីនធើរណេតមក ឌីជេ អាលីយ៉ា ហាក់មិនសម្តែងការភ្ញាក់ផ្អើលទេ ផ្ទុយទៅវិញនាងចាត់ទុករូបភាពមួយសន្លឹកនោះ គឺជាផ្នែកមួយនៃសិល្បៈដែលនាងចូលចិត្តប៉ុណ្ណោះ ។
តារាកូនកាត់អាលីយ៉ា តែងតែបង្ហាញនូវរូបភាពបែបសិល្បៈទាំងសិចស៊ី និងប្រពៃណីខ្មែរលើទំព័រហ្វេសប៊ុក បន្ទាប់ពីនាងស្ទើរតែបាត់មុខពីកញ្ចក់ទូរទស្សន៍ ។
រូបភាពមួយសន្លឹកដែលត្រូវបានគេប្រទះឃើញតាមអ៊ីនធើរណេត បង្ហាញពីអាលីយ៉ា អង្គុយនៅលើកៅអី ជាមួយនឹងពែងកាហ្វេ ដោយមិនមានសម្លៀកបំពាក់អ្វីសូម្បីបន្តិច ជាមួយនឹងការកែឆ្នៃពីប្រព័ន្ធកុំព្យូរទ័រ ។ រូបភាពនោះទទួលការចាប់អារម្មណ៍ខ្លាំងពីបណ្តាអ្នកលែងអុីនធើរណេត ខណៈពេលដែលប្រិយមិត្តចំនួនទៀតរិះគន់ ។
ឌីជេអាលីយ៉ា ហាក់មិនចាប់អារម្មណ៍នូវការរិះគន់ឡើយ ដោយនាងចាត់ទុករូបភាពនោះគឺជាសិល្បៈរបស់នាង ដូចទៅនឹងអ្វីដែលនាងតែងតែបង្ហោះតាមហ្វេសប៊ុក។
តារាកូនកាត់អាលីយ៉ា បញ្ជាក់ប្រាប់កោះសន្តិភាពតាមសារអេឡិចត្រូនិកថា ចំពោះរូបភាពមួយនេះគឺនាងផុសធម្មតា ប៉ុន្តែអ្នកកាត់តចង់ធ្វើពណ៌ប៉ុណ្ណោះ វាមិនមែនអ្វីពិសេសឡើយ ។ ទាំងនេះគឺជាជាការចូលចិត្តបែបសាមញ្ញរបស់នាងប៉ុណ្ណោះ ។ នាងនិយាយថា «ខ្ញុំស្រឡាញ់សិល្បៈទាំងអស់ មិនមែនតែភាពសិចស៊ីទេ តែវាផ្នែកមួយនៃជីវិតសិល្បៈរបស់ខ្ញុំ » ។
អាលីយ៉ា បញ្ជាក់ថា នាងមិនមានបញ្ហាចំពោះរឿងរិះគន់ទេព្រោះនាងយល់ថា មនុស្សម្នាក់មិនអាចតម្រូវចិត្តមនុស្សទាំងអស់បានឡើយ ។
អាលីយ៉ា ហាក់មិនចង់អធិប្បាយអ្វីច្រើនពាក់ព័ន្ធទៅនឹងការបញ្ចេញរូបភាពមួយនេះឡើយ ដោយនៅក្នុងនោះនាងបានបញ្ជាក់ដោយខ្លីចុងក្រោយថា នេះជាការចូលចិត្តរបស់នាង ។
ជាការកត់សម្គាល់នេះមិនមែនជាលើកទីមួយទេដែលឌីជេ អាលីយ៉ា បានបង្ហាញរូបភាពដ៏សិចស៊ីតាមតាមអ៊ីនធើរណេត ដោយកន្លងមកនាងតែងតែបង្ហាញរូបភាពស្រដៀងគ្នានេះជាបន្តបន្ទាប់ ៕
ចែករំលែកព័តមាននេះ