អាមេរិកបង្ហាញអ្នកច្បាប់ដែលត្រូវធ្វើការជាមួយកម្ពុជា
- ភ្នំពេញ
រាជធានីភ្នំពេញ ៖ ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា បានបង្ហាញពីសមាសភាពក្រុមអ្នកច្បាប់ ប្រចំាស្ថានទូតនៅភ្នំពេញ ដល់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។…
រាជធានីភ្នំពេញ ៖ ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា បានបង្ហាញពីសមាសភាពក្រុមអ្នកច្បាប់ ប្រចំាស្ថានទូតនៅភ្នំពេញ ដល់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។…
រាជធានីភ្នំពេញ ៖ ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា បានបង្ហាញពីសមាសភាពក្រុមអ្នកច្បាប់ ប្រចំាស្ថានទូតនៅភ្នំពេញ ដល់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។ លោក W. Patrick Murphy បានបញ្ជាក់ថា ក្រុមការងារនេះ នឹងបន្តធ្វើកិច្ចសហការជាមួយសមភាគីកម្ពុជាទៅតាមជំនាញរៀងៗខ្លួន ក្នុងការជំរុញកិច្ចសហប្រតិបត្តិការលើការងារអនុវត្តច្បាប់ឱ្យកាន់តែជិតស្និតថែមទៀត។
លោកឯកអគ្គរដ្ឋទូតបានស្នើក្រសួងមហាផ្ទៃ បន្តកិច្ចសហការការងារនេះឱ្យកាន់តែជិតស្និតបន្ថែមទៀត ជាពិសេសរវាងកម្លាំងអនុវត្តច្បាប់នៃប្រទេសទាំងពីរ ដើម្បីធ្វើឱ្យកាន់តែមានប្រសិទ្ធភាពលើការងារពាក់ព័ន្ធនឹងកិច្ចសហការស្រាវជ្រាវ ស៊ើបអង្កេត ព្រមទាំងការងារពាក់ព័ន្ធមួយចំនួនទៀត ដូចជាការងារចុះធ្វើអធិការកិច្ច ការត្រួតពិនិត្យគោលដៅនានា ដើម្បីជួយដល់ជនរងគ្រោះជាដើម។
សម្ដេចក្រឡាហោម ស ខេង បានថ្លែងអំណរគុណ ដែលតាមរយៈកិច្ចសម្របសម្រួលរបស់ស្ថានទូតសហរដ្ឋអាមេរិកប្រចាំនៅព្រះរាជាណាកម្ពុជា ក្រុមការងាររៀបចំសេចក្ដីព្រាងច្បាប់ប្រឆាំងបទល្មើសបច្ចេកវិទ្យារបស់ក្រសួងមហាផ្ទៃបានជួបពិភាក្សាតាមប្រព័ន្ធវីដេអូ និងបានទទួលនូវការចូលរួមផ្នែកបច្ចេកទេសពីអ្នកជំនាញច្បាប់នៃក្រសួងយុត្តិធម៌សហរដ្ឋអាមេរិក និងទទួលបានធាតុចូលសំខាន់ៗពីតំណាងក្រុមហ៊ុនបច្ចេកវិទ្យាធំៗរបស់សហរដ្ឋអាមេរិក។
សម្ដេចឧបនាយករដ្ឋមន្រ្តីបាន ស្នើដល់លោក ឯកអគ្គរដ្ឋទូតបន្តជួយគាំទ្របច្ចេកទេសដល់កិច្ចការនេះបន្តទៀត។ ចំណែកលោកទូតបានសម្ដែងកោតសរសើរ និងអបអរសាទរចំពោះលទ្ធផលនៃជំនួបពិភាក្សាការងាររវាងភាគីព្រះរាជាណាចក្រកម្ពុជា គឺក្រុមការងាររៀបចំសេចក្ដីព្រាងច្បាប់ជាមួយនឹងអ្នកជំនាញសហរដ្ឋអាមេរិក រួមទាំងក្រុមហ៊ុនបច្ចេកវិទ្យាធំៗរបស់អាមេរិក។
លោក W. Patrick Murphy បានបង្ហាញការលើកទឹកចិត្ត និងគាំទ្រកិច្ចការងារនេះទៀត និងបានសម្ដែងនូវបំណងលើការងារកិច្ចសហប្រតិបត្តិការពាក់ព័ន្ធមួយចំនួនទៀតដែលស្ថិតនៅក្នុងក្របខណ្ឌនៃការងារអនុវត្តច្បាប់នេះ។
ការពិភាក្សាគ្នាលើកិច្ចសហប្រតិបត្តិការផ្នែកច្បាប់នេះ បានធ្វើឡើងកាលពីថ្ងៃទី ៧ ខែតុលា ឆ្នាំ២០២០នៅទីស្តីការក្រសួងមហាផ្ទៃ ដែលក្នុងជំនួបនោះភាគីទំាងពីបានពិភាក្សារការងារជាច្រើនផ្សេងទៀត៕
ចែករំលែកព័តមាននេះ