ខេត្តកំពង់ឆ្នាំង ៖ សេចក្តីរាយការណ៍ឱ្យដឹងថា រថយន្ត២គ្រឿងបានបុកគា្នយ៉ាងពេញទំហឹង និងបន្តបុកចូលសំយ៉ាបផ្ទះពលរដ្ឋអស់មួយខ្នងទៀត បណ្តាលឱ្យរងការខូចខាត និងខូចទ្រព្យសម្បត្តិមួយចំនួន និងថែមទាំងមានមនុស្សម្នាក់រងរបួសធ្ងន់ និងអ្នកបើកបររបួសស្រាល ។…
ខេត្តកំពង់ឆ្នាំង ៖ សេចក្តីរាយការណ៍ឱ្យដឹងថា រថយន្ត២គ្រឿងបានបុកគា្នយ៉ាងពេញទំហឹង និងបន្តបុកចូលសំយ៉ាបផ្ទះពលរដ្ឋអស់មួយខ្នងទៀត បណ្តាលឱ្យរងការខូចខាត និងខូចទ្រព្យសម្បត្តិមួយចំនួន និងថែមទាំងមានមនុស្សម្នាក់រងរបួសធ្ងន់ និងអ្នកបើកបររបួសស្រាល ។ ហេតុការណ៍នេះ កើតឡើងនៅវេលាម៉ោង០៥ និង១០នាទីព្រឹកថ្ងៃទី១៧ សីហា ស្ថិតនៅតាមបណ្តោយផ្លូវជាតិលេខ៥ ត្រង់ចំណុចភូមិថ្មកែវ ឃុំស្វាយជ្រុំ ស្រុករលាប្អៀរ ។
បើតាមសមត្ថកិច្ចឱ្យដឹងថា រថយន្តយីឌុបមួយគ្រឿងម៉ាកហ៊ីយ៉ានដាយ ពាក់ស្លាកលេខភ្នំពេញ 3A.2014 អ្នកបើកបរឈ្មោះមឿន ពុទ្ធា អាយុ៣៥ឆ្នាំ មានទីលំនៅភូមិផ្សារព្រុំ ឃុំស្ទឹងកាច់ ស្រុកសាលាក្រៅ ខេត្តបន្ទាយមានជ័យ ធ្វើដំណើរមកដល់ចំណុចកើតហេតុបានរេចង្កូតទៅបុករថយន្តមួយគ្រឿងទៀត ម៉ាកហ៊ីយ៉ាន់ដាយពាក់ស្លាកលេខភ្នំពេញ4A-4442 បើកបរដោយឈ្មោះជួន ចាន់រើន អាយុ៣៦ឆ្នាំ បណ្តាលឱ្យជ្រុលទៅបុកសំយ៉ាបផ្ទះពលរដ្ឋម្នាក់ឈ្មោះឃឹម ចាន់ធី អាយុ៤២ឆ្នាំ ។ អ្នកបើកបរឈ្មោះជួន ចាន់រើន បានរងរបួសធ្ងន់កៀបជាប់កាប៊ីនរថយន្ត ទំរាំគាស់យកបានប្រើពេលយ៉ាងយូ ។ ចំណែកអ្នកបើកបរឈ្មោះមឿន ពុទ្ឋា រងរបួសស្រាលបានរត់គេចខ្លួនបាត់ ។ គួរបញ្ជាាក់ថា រថយន្តទាំង២គ្រឿងនេះ បានរងការខូចខាតផ្នែកកាប៊ីនមុខស្ទើរទាំងស្រុងដូចគ្នា ។
ចែករំលែកព័តមាននេះ