Cristiano Ronaldo ហើយនឹងមិត្តរួមក្រុមដទៃទៀតនៅក្នុងក្រុមអធិរាជស Real Madrid គឺត្រូវបានរាយការណ៍ថា គឺពួកគេចង់ឱ្យកីឡាករ Isco ចូលលេងជាជម្រើសដំបូងជំនួស Gareth…
Cristiano Ronaldo ហើយនឹងមិត្តរួមក្រុមដទៃទៀតនៅក្នុងក្រុមអធិរាជស Real Madrid គឺត្រូវបានរាយការណ៍ថា គឺពួកគេចង់ឱ្យកីឡាករ Isco ចូលលេងជាជម្រើសដំបូងជំនួស Gareth Bale នៅក្នុងជំនួបជាមួយក្រុមសេះបង្កង Juventus នៅវគ្គផ្តាល់ព្រ័ត្រពានរង្វាន់ Champions League ដែលនឹងត្រូវធ្វើឡើងនៅទីក្នុងទីក្រុង Cadiff នាពេលខាងមុខនេះ ។ បន្ទាប់ពីខ្សែបម្រើស្លាប Gareth Bale បានខកខាតក្នុងការប្រកួតជាច្រើនដោយសារតែបញ្ហារបួសរបស់ខ្លួននាពេលកន្លងមកនេះ ។ ជំនួសដោយការដាក់ Isco ដើម្បីជំនួសដំណែងរបស់ Gareth Bale ក្រោមការដឹកនាំរបស់គ្រូបង្វឹក Zinedine Zidane ដោយបានស៊ុតបញ្ជូលទីបានចំនួន១០គ្រាប់ និងបញ្ជូនបាលឱ្យមិត្តរួមក្រុមស៊ុតបានចំនួន៩ដងក្នុងការបង្ហាញខ្លួនចំនួន៣០លើក ។
តាមប្រភពពី DailyStar បានចុះផ្សាយថា «កីឡាករល្អៗនៅក្នុងក្រុមអធិរាជស Real Madrid គឺចង់ឱ្យ Isco ចូលលេងជំនួស Gareth Bale ដែលត្រូវប្រកួតទល់ជាមួយក្រុមយក្សមកពីអ៊ីតាលី Juventus ។ អ្នកទាំងអស់គ្នាដឹងហើយថា នរណាដែលសាកសមក្នុងជំនួបនេះ (Real Madrid Vs Juventus) ។ កំពូលកីឡាករ Cristiano Ronaldo នឹងសហការជាមួយកីឡាករ Macelo និងខ្សែការពារកណ្តាល Sergio Ramos រីឯ Gareth Bale នឹងអង្គុយនៅក្នុងកៅអីបម្រុង» ។
សូមបញ្ជាក់ផងដែរថា កីឡាករ Gareth Bale គឺត្រូវបានរងរបួសនៅពេលដែលប្រកួតជាមួយក្រុមយក្សអាល្លឺម៉ង់ Bayern Munich ដែលតម្រូវឱ្យ Zinedine Zidane បង្ខំចិត្តត្រូវដករូបគេចេញនៅតង់ទីមួយនៃការប្រកួត ។ ពិតប្រាកដណាស់ក្រុមអធិរាជស Real Madrid កំពុងតែរៀបចំយុទ្ធសាស្ត្រក្នុងការការពារតំណែងជើងឯងពានរង្វាន់ UEFA Champions League នេះផង ដែលគូរប្រកួតដែលគេត្រូវប៉ះនោះគឺមិនអាចធ្វេសប្រហែសបាននោះឡើយ ពោលគឺពួកគេ(Juventus) មុនឡើងមកដល់វគ្គផ្តាច់ព្រ័ត្រជួប Real Madrid នោះគឺបានទម្លាក់ក្រុមខ្លាំងអស់ជាច្រើនមកហើយ ។ យ៉ាងណាមិញកីឡាករ Gareth Bale ក៏កំពុងសម្លឹងមើលឱកាសបានលេងជាជម្រើសដំបូងផងដែរនៅក្នុងជំនួបវគ្គផ្តាច់ព្រ័ត្រជាមួយក្រុមសេះបង្កង Juventus នេះ ដោយសារតែការប្រកួតនោះនឹងធ្វើឡើងនៅក្នុងទឹកដីរបស់កីឡាករសញ្ជាតិ Wale នោះផងដែរ ប៉ុន្តែស្ថានភាពនេះគឺវាពិតជាមានការពិបាកសម្រាប់គ្រួបង្វឹក Zinedine Zidane ដែលទើបតែដឹកនាំក្រុមអធិរាជសលើកពានកំពូល Laliga ថ្មីៗនេះ ថាត្រូវសម្រេចចិត្តបែបណារវាង Isco និង Gareth Bale ក្នុងវគ្គផ្តាច់ព្រ័ត្រនាថ្ងៃទី៣ ខែមិថុនា ឆ្នាំ២០១៧ ខាងមុខនេះ ៕
ចែករំលែកព័តមាននេះ