ចិន ៖ បច្ចុប្បន្ននេះ ការផិតក្បត់ស្នេហាមានការកើតឡើងជាញឹកញាប់ណាស់ ដែលធ្វើឱ្យទាំងខាងបុរស និងខាងនារី (ជាពិសេសនារី) នៅមានអារម្មណ៍សង្ស័យថា ដៃគូរបស់ខ្លួនចាប់ផ្តើមប្តូរអត្តចរិត និងកាយវិការ ដែលពេលខ្លះសូម្បីតែធ្វើអ្វីប្លែកៗ ក៏ធ្វើឲ្យមានការសង្ស័យដែរ ។
តាមប្រភពពី Viral4real រវាងគូស្នេហ៍មួយគូបានធ្វើឱ្យកើតរឿងនឹកស្មានមិនដល់មួយ ព្រោះយុវតីម្នាក់មានអាយុ២៣ឆ្នាំ ឈ្មោះ Lin Tan លួចសង្ស័យមិត្តប្រុសរបស់នាងតាំងពីយូរណាស់មកហើយ ។ នាងគិតថា មិត្តប្រុសកំពុងតែក្បត់ចិត្តនាង ទៅមានស្រីថ្មី។ លោក De Wu ដែលជាមិត្តប្រុសរបស់នាង បានខុសពាក្យសន្យាជ្រុលខ្លួនមកផ្ទះយឺតមួយថ្ងៃ ត្រូវនាងគិតថា សង្សាររបស់នាងពិតជាលួចមានស្រីមែន ។ តាំងពីពេលនោះមក នាងខឹងយ៉ាងខ្លាំង ហើយបានរៀបគម្រោងការសងសឹកទៅលើសង្សាររបស់នាង។
នាង Lin បានទៅទិញសំឡីអនាម័យខ្នាតធំ៣០កញ្ចប់ យកមកបិទជាប់ទៅនឹងរថយន្តសង្សារនាង ដែលបានជួលគេយកមកជិះ។ មិនត្រឹមតែប៉ុណ្ណោះ នាងបានថតរូបបង្ហោះចូលក្នុងប្រព័ន្ធបណ្តាញសង្គម ហើយបានទទួលនូវការគាំទ្រយ៉ាងខ្លាំង ។ គ្រាន់តែមិត្តប្រុសនាងមកដល់ផ្ទះភ្លាម គាត់ក៏ស្រឡាំងកាំង ហើយរត់ទៅពន្យល់ប្រាប់រឿងអ្វីៗទាំងអស់ ដែលមិត្តស្រីរបស់គាត់យល់ច្រឡំនោះ ។ តាមពិតទៅ មិត្តប្រុសរបស់នាងមកផ្ទះយឺត ដោយសារតែគាត់កំពុងតែរៀបគម្រោងធ្វើពិធីខួបកំណើតឱ្យនាង ដោយមិនបានប្រាប់មុន ។ គាត់បានបង្ហាញសំបុត្រកក់ភោជនីយដ្ឋានដល់នាងទៀតផង ។ នាងពិតជាខុសខ្លាំងណាស់ ដែលធ្វើចំពោះមិត្តប្រុសរបស់នាងដូច្នេះ។ អ្វីដែលសំខាន់ គឺរថយន្តដែលមិត្តប្រុសរបស់នាងជួលនោះ តើមាននរណាគេហ៊ានជួលទៀតទេ?
ចែករំលែកព័តមាននេះ