សហរដ្ឋអាមេរិកបានធ្វើឱ្យបញ្ហាធាត់កាន់តែធ្ងន់ធ្ងរឡើង
Cambridge ៖ ខណៈរដ្ឋាភិបាលលោក ដូណាល់ ត្រាំ ព្យាយាមផ្តោតការចរចាលើកិច្ចព្រមព្រៀងពាណិជ្ជកម្មសេរី និងធ្វើកំណែទម្រង់វិធានការដែលបានចេញដោយលោក បារ៉ាក់ អូបាម៉ា កន្លងមក…
Cambridge ៖ ខណៈរដ្ឋាភិបាលលោក ដូណាល់ ត្រាំ ព្យាយាមផ្តោតការចរចាលើកិច្ចព្រមព្រៀងពាណិជ្ជកម្មសេរី និងធ្វើកំណែទម្រង់វិធានការដែលបានចេញដោយលោក បារ៉ាក់ អូបាម៉ា កន្លងមក…
Cambridge ៖ ខណៈរដ្ឋាភិបាលលោក ដូណាល់ ត្រាំ ព្យាយាមផ្តោតការចរចាលើកិច្ចព្រមព្រៀងពាណិជ្ជកម្មសេរី និងធ្វើកំណែទម្រង់វិធានការដែលបានចេញដោយលោក បារ៉ាក់ អូបាម៉ា កន្លងមក បញ្ហាធាត់នៅតែបន្តកើតមានឡើងទូទាំងពិភពលោកដដែល ។
ប្រសិនបើបញ្ហានេះមិនត្រូវបានតាមដានជាប់លាប់ទេនោះ អត្រាអ្នកធាត់អាចនឹងប៉ះពាល់ដល់ដំណើរការជំរុញសុខភាព និងអាយុកាលរបស់មនុស្សជុំវិញពិភពលោក ក្នុងរយៈពេលប៉ុន្មានទសវត្សរ៍មកនេះ ។ វាបង្ខំឲ្យប្រទេសមួយចំនួនដូចជា ម៉ិកស៊ិក និងកាណាដា ទទួលយកវប្បធម៌ទទួលទានអាហាររបស់ខ្លួន សហរដ្ឋអាមេរិកកំពុងតែធ្វើឲ្យបញ្ហានេះកាន់តែធ្ងន់ធ្ងរឡើង ។ ប៉ុន្តែអ្វីគួរឲ្យចាប់អារម្មណ៍នោះ គឺមានមនុស្សជាង៨០០លាននាក់ក្នុងពិភពលោក ជួបប្រទះនឹងកង្វះអាហារ ខណៈ៧០០លាននាក់ទៀតជាមនុស្សធាត់ ។
ប្រាកដណាស់ចំនួនទាំងពីរនេះមិនប្រាកដថា មានទំនាក់ទំនងគ្នាទេ ។ មួយផ្នែកនៃមនុស្សខ្វះអាហារទទួលទាន គឺស្ថិតក្នុងប្រទេសដែលកំពុងជួបប្រទះជម្លោះផ្ទៃក្នុង ឬមិនអាចដំណើរការរដ្ឋាភិបាលបានជាដើម ។
ចំណែកការរីករាលដាលនៃភាពធាត់វិញ ភាគច្រើនកើតមានឡើងក្នុងប្រទេសអភិវឌ្ឍន៍ និងប្រទេសមានសេដ្ឋកិច្ចកំពុងតែងើបឡើងថ្មីៗ។ វាគួរឲ្យកត់សម្គាល់ទៀតថា អត្រាមនុស្សធាត់មានខ្ពស់ជាងគេក្នុងប្រទេសអភិវឌ្ឍន៍ដូចជា សហរដ្ឋអាមេរិក ចក្រភពអង់គ្លេស និងកាណាដា ។
នាពេលថ្មីៗនេះ មជ្ឈមណ្ឌលគ្រប់គ្រងជំងឺរបស់សហរដ្ឋអាមេរិកបានព្យាករថា ពលរដ្ឋអាមេរិកប្រមាណ៤០%ជាមនុស្សធាត់ ក្នុងនោះ២០,៦%ជាយុវវ័យមានអាយុចាប់ពី១២ ទៅ១៩ឆ្នាំ ។ យោងតាមមជ្ឈមណ្ឌលនេះបន្តថា ទម្ងន់ជាមធ្យមរបស់ស្ត្រីនៅសហរដ្ឋអាមេរិកនាពេលបច្ចុប្បន្ន គឺខ្ពស់ជាងទម្ងន់របស់បុរសសហរដ្ឋអាមេរិកកាលពីឆ្នាំ១៩៦០ទៅទៀត ដែលស្មើ៧៥គីឡូក្រាម ។
បើទោះជាពិបាកមើលដឹងនូវជំងឺ ដែលអាចកើតពីភាពធាត់នាពេលអនាគតក្តី ប៉ុន្តែមានភស្តុតាងជាច្រើនបង្ហាញថា ភាពធាត់ចូលរួមបង្កឲ្យកើតជំងឺទឹកនោមផ្អែម, គាំងបេះដូង និងមហារីក។ គេព្យាករថា ការចំណាយផ្នែកសុខភាពនៅសហរដ្ឋអាមេរិក ស្មើប្រមាណជិត២០០ប៊ីលានដុល្លារក្នុង១ឆ្នាំ ។ អត្រាក្មេងធាត់កើនឡើងលើពិភពលោក អាចនឹងបង្កឲ្យមានបញ្ហាសុខភាពធ្ងន់ធ្ងរនៅពេលពួកគេពេញវ័យ និងធ្វើឲ្យការចំណាយកាន់តែកើនឡើងផងដែរ ។
មូលហេតុដែលបង្កឲ្យមានភាពធាត់នេះមានច្រើន និងស្មុគស្មាញ ។ ទោះយ៉ាងណា មានភស្តុតាងជាច្រើនបង្ហាញថា វប្បធម៌ទទួលទានអាហារវេចខ្ចប់ និងទម្លាប់នៅមួយកន្លែង មិនធ្វើចលនា គឺជាកត្តាចម្បងដែលបង្កឲ្យមានបញ្ហានេះកើតឡើង ។ ក្នុងប្រទេសកំពុងលូតលាស់ថ្មីៗ ការធ្វើនគរូបនីយកម្ម និងការចង់រស់នៅបែបលោកខាងលិច គឺជាកត្តាសំខាន់ផងដែរ ។
រដ្ឋាភិបាលក្នុងប្រទេសជាច្រើនបានផ្តួចផ្តើមគំនិត ដើម្បីបង្កើនការអប់រំផ្នែកជីវជាតិអាហារ។ ទោះយ៉ាងណា ការផ្សព្វផ្សាយពាណិជ្ជកម្ម និងក្រុមដែលជំរុញឲ្យសហរដ្ឋអាមេរិកនាំចេញអាហារវេចខ្ចប់ និងអាហារ Fast Food ទៅកាន់ប្រទេសដទៃ កំពុងតែប៉ះពាល់ដល់ការប្រឹងប្រែងរបស់រដ្ឋាភិបាលទាំងនោះ ។
អត្រាមនុស្សធាត់ក្នុងប្រទេសម៉ិកស៊ិកបានកើនឡើងយ៉ាងលឿន បន្ទាប់ពីការសម្រេចកិច្ចព្រមព្រៀងពាណិជ្ជកម្មសេរីអាមេរិកខាងជើងមក ។ ការវិនិយោគផ្ទាល់ពីបរទេសក្នុងផ្នែកអាហារវេចខ្ចប់ និងការផ្សព្វផ្សាយពាណិជ្ជកម្មកើនឡើង នៅតែជាកត្តាដ៏សំខាន់ដែលជំរុញដល់អត្រាធាត់ ។
អត្រាជនជាតិម៉ិកស៊ិកទទួលទានភេសជ្ជៈមានជាតិស្ករខ្ពស់ បានកើនឡើងជិត៣ដងក្នុងរយៈពេលពីឆ្នាំ១៩៩៣ ដល់ឆ្នាំ២០១៤ ហើយការដាក់ពន្ធលើភេសជ្ជៈមានជាតិស្ករខ្ពស់បានដាក់កម្រិតដល់តម្រូវការ ។ កាណាដា ជាប្រទេសមួយទៀតក្នុងកិច្ចព្រមព្រៀងខាងលើ ក៏មើលឃើញអត្រាមនុស្សធាត់ដែរ ។
រដ្ឋាភិបាលតាមបណ្តាប្រទេសនានាមានវិធីផ្សេងទៀតដើម្បីដោះស្រាយបញ្ហានេះ ។ ពួកគេអាចហាមឃាត់កាន់តែខ្លាំងឡើងលើការផ្សាយពាណិជ្ជកម្ម ដែលមានគោលដៅទៅលើកុមារ ដូចចក្រភពអង់គ្លេស បារាំង និងប្រទេសមួយចំនួនទៀតបានធ្វើ ។ ក្រៅពីនេះ មានការដាក់ពន្ធលើអាហារវេចខ្ចប់ និងផ្តល់ធនដល់អាហារផ្សេងៗដែលមិនប៉ះពាល់ដល់សុខភាព ៕
ដកស្រង់ពី Project-syndicate
ចែករំលែកព័តមាននេះ