អ្នកដែលមានរូបរាងខុសប្រក្រតី និងចង់តុបតែងខ្លួនឱ្យបានល្អសក្ដិសមនឹងក្រសែភ្នែករបស់មនុស្សម្នាទាំងឡាយនោះត្រូវអនុវត្ដតាមវិធីសាស្ដ្រមួយចំនួនដូចខាងក្រោម ៖ -ជើងធំ ៖ អាចដោះស្រាយបានដោយការជ្រើសរើសយកសំលៀកបំពាក់រលុង មានសភាពធំស្មើទាំងផ្នែកលើ និងក្រោម ។ អាចស្លៀកខោជើងត្រង់ប៉ុន្ដែកុំឱ្យមានលក្ខណៈត្បៀតនៅត្រង់ភ្លៅ…
អ្នកដែលមានរូបរាងខុសប្រក្រតី និងចង់តុបតែងខ្លួនឱ្យបានល្អសក្ដិសមនឹងក្រសែភ្នែករបស់មនុស្សម្នាទាំងឡាយនោះត្រូវអនុវត្ដតាមវិធីសាស្ដ្រមួយចំនួនដូចខាងក្រោម ៖
-ជើងធំ ៖ អាចដោះស្រាយបានដោយការជ្រើសរើសយកសំលៀកបំពាក់រលុង មានសភាពធំស្មើទាំងផ្នែកលើ និងក្រោម ។ អាចស្លៀកខោជើងត្រង់ប៉ុន្ដែកុំឱ្យមានលក្ខណៈត្បៀតនៅត្រង់ភ្លៅ ឬបើមានអាវធំរលុង អាចពាក់អាវគ្របពីលើបាន។ លោក អ្នកត្រូវចៀសវាងពាក់អាវដែលមានចង្កេះ ខើច ស្លៀកខោជើងទូលាយ និងសំពត់រីក ព្រោះវានឹងធ្វើឱ្យមើលឃើញផ្នែកខាងក្រោមនៃដងខ្លួនកាន់តែធំឡើង ។
-ជើងវែងរាងរាវស្ដួច ៖ ក្នុងពេលតុបតែងខ្លួនត្រូវស្លៀកសំពត់ចង្អៀត និងជំរៅលើជង្គង់ទើបជាការល្អ ។
-កំភួនជើងធំ ៖ លោកអ្នកគួរស្លៀកសំពត់វែងត្រឹមពាក់កណ្ដាលកំភួនជើង និងពាក់ស្បែកជើងកែងចោតបន្ដិច ។ សំពត់ ស្រោមជើង និងស្បែកជើងគួរមានពណ៌ដូចគ្នា ឬស្រដៀងគ្នា ។
-ត្រគាកធំ ៖ ត្រូវស្លៀកសំពត់ដែលមានថ្នេរនៅពីក្រោយ ពាក់អាវវែងដែលមានខ្សែចងនៅខាងក្រោយ សូមកុំស្លៀកសំពត់រឹបរាង ព្រោះកាន់តែធ្វើឱ្យត្រគាករីកធំឡើង។
-ដើមដៃធំ ៖ ត្រូវជ្រើសរើសពាក់អាវ ដែលមានសាច់កំណាត់ទន់ស្រាលជាប្រភេទអាវដែលមានលក្ខណៈសមនឹងរាងកាយ។
-ដើមទ្រូងធំ ៖ មិនគួរពាក់អាវដែលមានដើមកជារាងអក្សរ“V”ទេ ទោះបីជាមានក្របថ្នេរបែបណាក៏ដោយ។ ប្រភេទអាវយឺត អាវមានរូបរាងតូច ឬអាវឆ្នូតធំ អាវដៃខ្លី លោកអ្នកត្រូវបំភ្លេចចោល ។ ចំណែកសំពត់ត្រូវជ្រើសយកសំពត់វែងជាងជង្គង់ ឬមានកំរិតស្មើនឹងក្បាលជង្គង់ទើបធ្វើឱ្យរូបរាងរបស់លោកអ្នកមានលក្ខណៈល្អប្រសើរ ៕
ចែករំលែកព័តមាននេះ