ការយកត្រីមកចំអិនជាម្ហូបអាហារ គឺមានវិធីសាស្ដ្រធ្វើសំអាត និងរក្សាទុកដ៏ត្រឹមត្រូវ ។ ខាងក្រោមនេះជាវិធីសាស្ដ្រមួយចំនួនដែលបង្ហាញពីរបៀបធ្វើ និងរក្សាទុកនៅក្នុងទូទឹកកកៈ
– វិធីសាស្ដ្រដ៏ត្រឹមត្រូវនៅមុនពេលរក្សាទុកក្នុងទូទឹកកក :ជាដំបូង លោកអ្នកយកត្រីមកកោសស្រកា វះពោះ និងលាងសំអាត បន្ទាប់មកយកទៅរក្សាទុកទាំងមូល ប៉ុន្ដែបើចង់ប្រើ ប្រាស់តែសាច់ ត្រូវពន្លះត្រើយកឆ្អឹងចេញ ហាន់ជាចំណិតៗ។ លក្ខណៈនៃការរក្សាទុកក្នុងទូទឹកកក គឺបើមានបំណងចំអិនក្នុងថ្ងៃកំពុងធ្វើត្រី ត្រូវរក្សាទុកជាធម្មតា ឬដាក់ក្នុងទូទឹកកឱ្យត្រជាក់ប្រក្រតី តែប្រសិនបើគ្រោង ចំអិនក្នុងរយៈពេល២-៣ថ្ងៃក្រោយត្រូវរក្សា ទុកក្នុងទូទឹកកកឱ្យរឹង ។
– ក្នុងពេលលាងត្រី : ត្រូវប្រើទឹកអំបិលលាង ដើម្បីជួយឱ្យ សាច់ត្រីមានរសជាតិឆ្ងាញ់ បើសិនត្រីមាន ជាតិរំអិលច្រើន ការប្រើអំបិលម៉ដ្ឋលាប នៅលើដៃ និងច្របល់នៅលើត្រី នឹងធ្វើឱ្យការ ចាប់របស់លោកអ្នកមានលក្ខណៈល្អប្រសើរ និងលាងបានស្អាតជាងការមិនប្រើអំបិល ។
– ពេលយកពោះត្រីដែលមានដងខ្លួនមូល: លក្ខណៈត្រីមានដងខ្លួនមូល ដូចជាត្រី អណ្ដែង ត្រីរ៉ស់ ត្រូវប្រើកាំបិតមានមុខមុត ស្រួច វះនៅត្រង់ពោះ ប៉ុន្ដែប្រយ័ត្នកុំឱ្យបែកប្រមាត់ ព្រោះអាចធ្វើឱ្យសាច់ត្រីល្វីងបាន ៕
ចែករំលែកព័តមាននេះ