អាមេរិក៖តាមប្រភពព័ត៌មាន Bangkok Post បានឱ្យដឹងថា សហរដ្ឋអាមេរិកមានករណីបាត់បង់ជីវិតដោយសារកូវីដលើស ២០ម៉ឺននាក់ ដែលការបំបែកកំណត់ត្រានៃការឆ្លងថ្មីនេះបានបង្ខំឲ្យ អាជ្ញាធរនៅអឺរ៉ុបចាត់វិធានការឡើងវិញចំពោះការរឹតបន្តឹងការចាក់សោរប្រទេស។
ប្រទេសដែលមានឥទ្ធិពលបំផុតនៅលើពិភពលោក (អាមេរិក) បានឈានដល់តួលេខនេះត្រឹមតែ ៤១ថ្ងៃ មុនការបោះឆ្នោតប្រធានាធិបតី ហើយខណៈដែលអង្គការសុខភាពពិភពលោកបានព្រមានថា ករណីថ្មីៗនៅលើពិភពលោកបានកើនឡើងដល់កម្រិតខ្ពស់បំផុត។
ប្រធានាធិបតីអាមេរិក លោក ដូណាល់ត្រាំ ដែលប្រឈមមុខនឹងការប្រកួតប្រជែងការបោះឆ្នោតឡើងវិញដ៏តឹងតែង និង កំពុងតែនៅតាមពីក្រោយ អ្នកប្រជាធិបតេយ្យ លោក Joe Biden នៅក្នុងការបោះឆ្នោត បាននិយាយថា ករណីបាត់បង់ជីវិតចំនួនលើស២០ម៉ឺននាក់នេះ គឺជា“ ភាពអាម៉ាស់មួយ” និង គួរបន្ទោសទៅលើប្រទេសចិន។
យោងតាមការចុះផ្សាយរបស់ AFP ប្រជាជននៅទូទាំងពិភពលោកជាង ៣១លាននាក់ បានឆ្លង និង ខ្ទង់ ៩៦២,០០០នាក់ បានស្លាប់ដោយសារកូវីដ ចាប់តាំងពីវីរុសនេះបានផ្ទុះឡើងនៅទីក្រុង Wuhan ភាគខាងកើតប្រទេសចិនកាលពីចុងឆ្នាំ ២០១៩។
អង្គការសុខភាពពិភពលោក បានរាយការណ៍កាលពីល្ងាចថ្ងៃច័ន្ទថា ការឆ្លងជំងឺនេះជិត ២លាននាក់ ត្រូវបានកត់ត្រានៅទូទាំងពិភពលោកក្នុងរយៈពេលតែមួយសប្តាហ៍ដល់ថ្ងៃអាទិត្យ៕
ចែករំលែកព័តមាននេះ