មេប៉េអឹមស្រុកអង្គស្នួលបដិសេធន៍ថា មិនបានយកលុយពីមេឆ្នោតទេ
- ភ្នំពេញ
ខេត្តកណ្ដាល ៖ លោក ហាយ សុភាន មេបញ្ជាការកងរាជអាវុធហត្ថស្រុកអង្គស្នួល បាននិយាយថា រូបលោករួមជា មួយលោកមេបញ្ជាការង និងពលអាវុធហត្ថស្រុកអង្គស្នួលទាំងអស់…
ខេត្តកណ្ដាល ៖ លោក ហាយ សុភាន មេបញ្ជាការកងរាជអាវុធហត្ថស្រុកអង្គស្នួល បាននិយាយថា រូបលោករួមជា មួយលោកមេបញ្ជាការង និងពលអាវុធហត្ថស្រុកអង្គស្នួលទាំងអស់…
ខេត្តកណ្ដាល ៖ លោក ហាយ សុភាន មេបញ្ជាការកងរាជអាវុធហត្ថស្រុកអង្គស្នួល បាននិយាយថា រូបលោករួមជា មួយលោកមេបញ្ជាការង និងពលអាវុធហត្ថស្រុកអង្គស្នួលទាំងអស់ មិនបានយកលុយពីស្ត្រីដែលជាអ្នកកត់កន្ទុយលេខ ឈ្មោះ ឃ្លៀង ស្រីលិន ដូចជាពាក្យដែលនាងឆ្លើយសារភាព ប្រាប់នគរបាលស្រុកអង្គ ស្នួលនោះឡើយ ។
លោកក៏មិនដឹងដែរថា មានជនណាម្នាក់ទៅបន្លំធ្វើជាកម្លាំងកងរាជអាវុធហត្ថ ហើយទៅយកលុយពីស្ត្រីញៀនល្បែងខាងលើនោះទេ ដែលបានបង្ខូចដល់អង្គភាពអាវុធហត្ថស្រុក បង្កការភាន់ច្រឡំដល់មហាជនទូទៅថែមទៀតផង ។ ម្យ៉ាងទៀត ស្ត្រីនោះនិយាយាថា ក្នុងមួយថ្ងៃៗនាងបានកត់បានលុយពីចំនួន៣០០,០០០រៀល ទៅ៤០០,០០០រៀល(សាមសិបមុឺន ទៅសែសិបមុឺនរៀល)ប៉ុណ្ណោះ តើមានលុយឯណាមកឱ្យ ។
លោកមេបញ្ជាការបានធ្វើការបដិសេធន៍បែបនេះ តាមរយៈលោក ស៊ូ វណ្ណធឿន ដែលមេបញ្ជាការរងកងរាជអាវុធហត្ថស្រុកអង្គស្នួល ក្រោយពីស្ត្រីម្នាក់នោះ ត្រូវបានកម្លាំងនគរបាលព្រហ្មទណ្ឌស្រុកអង្គស្នួលចាប់ខ្លួន នាំទៅធ្វើការសាកសួរហើយនាងបានសារភាពថា បានបង់លុយឲ្យទៅកងរាធអាវុធហត្ថស្រុក ក្នុង១ខែៗចំនួន១០០ដុល្លារ ទើបអាចរកស៊ីបាននោះ។
បន្ទាប់ពីមានការចោទប្រកាន់បែបនេះ បានធ្វើឲ្យលោកមេបញ្ជាការ មេបញ្ជាការរង និងមន្ត្រីកងរាជអាវុធហត្ថស្រុកអង្គស្នួលទាំងអស់ មានប្រតិកម្មនិងបានចេញមកបដិសេធន៍ភ្លាមៗតែម្ដង ហើយក៏កំពុងធ្វើការស្រាវជ្រាវរកជន ដែលបន្លំជាមន្ត្រីកងរាធអាវុធហត្ថទៅយកលុយពីស្ត្រីញៀនល្បែងម្នាក់នោះដែរ។
គួរបញ្ជាក់ផងដែរថា ស្ត្រីអ្នកកត់កន្ទុយលេខ (ឆ្នោតវៀតណាម)ម្នាក់នោះឈ្មោះ ឃ្លៀង ស្រីលិន អាយុ២២ឆ្នាំជនជាតិខែ្មរ ជាអ្នកកត់កន្ទុយលេខ មានទីលំនៅក្នុងភូមិត្រពាំងវែង ឃុំឆក់ឈើនាង ស្រុកអង្គស្នួល ខេត្តកណ្តាល ត្រូវបានកម្លាំងនគរបាលព្រហ្មទណ្ឌស្រុកអង្គស្នួលចាប់ខ្លួនបាន កាលពីវេលាម៉ោង២និង៣០ នាទីរសៀលថ្ងៃទី៦ ធ្នូ នៅចំណុចហាងកាហ្វេមួយកន្លែង ដែលមានទីតាំងស្ថិតនៅក្នុងភូមិខាងលើ ក្នុងខណៈពេលដែលនាងកំពុងអង្គុយកត់ឆ្នោតតែម្ដង។ ដោយដកហូតបាន ម៉ាសុីនគិតលេខ១ គ្រឿង ,ទូរសព្ទដៃមាក iPhone6plusមួយគ្រឿង,សៀវភៅកត់លេខឆ្នោត០១ក្បាល,ក្រដាស់កត់លេខឆ្នោតវៀតណាមជាច្រើនសន្លឹក,កាបោន០២សន្លឹក,លុយរៀលចំនួន៨,៥០០រៀល,ប៊ិចចំនួន២ដើម។
ចែករំលែកព័តមាននេះ