រាជធានីភ្នំពេញ ៖ នៅរដូវវស្សានេះ កសិករមកពីស្រុក២ គីស្រុកតានីទូកមាស និងស្រុកអង្គរជ័យបានដាំដើមព្រីង ហើយឱ្យតែចូលដល់ខែឧសភានេះពួកគាត់នាំគ្នាបេះយកមកលក់នៅផ្សារដើមគរ ដោយដឹកតាមរថយន្តទួរីស។ បើតាមកសិករដែលដឹកព្រីងមកលក់នៅផ្សារដើមគរបានឱ្យដឹងថា ក្នុងមួយថ្ងៃពួកគាត់ដឹកព្រីងមកលក់ពី៣ទៅ៤រថយន្ត…
រាជធានីភ្នំពេញ ៖ នៅរដូវវស្សានេះ កសិករមកពីស្រុក២ គីស្រុកតានីទូកមាស និងស្រុកអង្គរជ័យបានដាំដើមព្រីង ហើយឱ្យតែចូលដល់ខែឧសភានេះពួកគាត់នាំគ្នាបេះយកមកលក់នៅផ្សារដើមគរ ដោយដឹកតាមរថយន្តទួរីស។
បើតាមកសិករដែលដឹកព្រីងមកលក់នៅផ្សារដើមគរបានឱ្យដឹងថា ក្នុងមួយថ្ងៃពួកគាត់ដឹកព្រីងមកលក់ពី៣ទៅ៤រថយន្ត ដែលមានម្ចាស់ពី២០ទៅ៣០នាក់។ ចំណែកអ្នកស៊ីឈ្នួលថ្លឹងជញ្ជីងបានឱ្យដឹងដែរថា នៅវេលាម៉ោង៣រសៀលផ្លែព្រីងនឹងត្រូវគេដឹកមកដល់ផ្សារដើមគរ ដែលក្នុង១ថ្ងៃជាង១តោនឯណោះ។
អ្នកលក់ព្រីងបានឱ្យដឹងថា ពេលដឹកមកដល់ផ្សារផ្លែព្រីង១កំប៉ុងតម្លៃ២ពាន់រៀល ចំណែកអ្នកទិញយកទៅលក់បន្ត ក្នុង១កំប៉ុងលក់បានតម្លៃពី២៥០០ទៅ៤០០០រៀល។
គួរបញ្ជាក់ថា ផ្លែព្រីងនេះមានឈ្មោះថា ព្រីងដោះក្របីជាព្រីងដាំដោយធម្មជាតិ គ្មានជាតិគីមី ហើយវាផ្លែក្នុងរយៈពេលយូរបំផុត១៥ថ្ងៃគឺអស់ហើយ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ