រាជធានីភ្នំពេញ ៖ បុរសម្នាក់បានស្លាប់ភ្លាមៗនៅនឹងកន្លែង បន្ទាប់ពីជិះម៉ូតូក្នុងល្បឿនលឿន ហើយអត់ពាក់មួកសុវត្ថិភាព បណ្តាលឱ្យដួលដោយខ្លួនឯង ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១០និង៤៥នាទីយប់ថ្ងៃទី២៧ ខែ មិថុនា…
រាជធានីភ្នំពេញ ៖ បុរសម្នាក់បានស្លាប់ភ្លាមៗនៅនឹងកន្លែង បន្ទាប់ពីជិះម៉ូតូក្នុងល្បឿនលឿន ហើយអត់ពាក់មួកសុវត្ថិភាព បណ្តាលឱ្យដួលដោយខ្លួនឯង ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១០និង៤៥នាទីយប់ថ្ងៃទី២៧ ខែ មិថុនា នៅតាមបណ្ដោយផ្លូវសហព័ន្ធរុស្ស៊ី ស្ថិតនៅភូមិព្រៃជីសាក់ សង្កាត់ចោមចៅ៣ ខណ្ឌពោធិ៍សែនជ័យ ។
ជនរងគ្រោះដែលស្លាប់ ឈ្មោះ ទាន់ ទុំ ភេទប្រុស អាយុ៣១ឆ្នាំ មុខរបរព្រូរថយន្តរបស់ក្រុមហ៊ុន ស្នាក់នៅភូមិទួលពង្រ សង្កាត់ចោមចៅ១ ខណ្ឌពោនសែនជ័យ មានស្រុកកំណើតនៅស្រុកម៉ោងឬស្សី ខេត្តបាត់ដំបង ។
តាមប្រភពព័ត៌មានពីប្រជាពលរដ្ឋដែលធ្វើដំណើបានអោយដឹងថា នៅមុនពេលកើតហេតុ គេបានឃើញជនរងគ្រោះបើកបរម៉ូតូមួយគ្រឿងម៉ាកហុងដាឌ្រីម ពណ៌ខ្មៅ បើកបរក្នុងល្បឿនយ៉ាងលឿនក្នុងទិដៅពីជើងទៅត្បូង លុះពេលមកដល់ចំណុចកើតហេតុស្រាប់តែជនរងគ្រោះបានដួលខ្លួនឯង ហើយអូសជាច្រើនម៉ែត្រ បណ្តាលអោយជនរងគ្រោះស្លាប់ភ្លាមៗផងដែរ។
សមត្ថកិច្ចផ្នែកជំនាញចរាចរណ៍ខណ្ឌពោធិ៍សែនជ័យបានអោយដឹងថា ជនរងគ្រោះបើកបរម៉ូតូមិនបានពាក់មួកសុវត្ថិភាពនោះឡើយ ហើយប្រសិនបើជនរងគ្រោះពាក់មួកសុវត្ថិភាពក៏មិនស្លាប់ដែរ ។
ក្រោយពេលកើតហេតុ សពត្រូវបានក្រុមគ្រួសារយកទៅធ្វើបុណ្យតាមប្រពៃណីនៅស្រុកខាងប្រពន្ធ នៅភូមិសំរោង ឃុំសំរោង ស្រុកសំរោង ខេត្តតាកែវ។ ចំណែកម៉ូតូជនរងគ្រោះខាងលើត្រូវបានជំនាញផ្នែកចរាចរណ៍ខណ្ឌពោធិ៍សែនជ័យយកទៅរក្សាទុកនៅខណ្ឌរង់ចាំ ប្រគល់ឲ្យសាច់ញាតិវិញ ៕
ចែករំលែកព័តមាននេះ