រាជធានីភ្នំពេញ ៖ មនុស្ស២នាក់បានធ្វើអត្តឃាតចង.កសម្លាប់ខ្លួនជាបន្តបន្ទាប់ក្នុងរយៈពេល៦ម៉ោងក្នុងថ្ងៃតែមួយ នៅក្នុងខណ្ឌពោធិ៍សែនជ័យ ។ ក្នុងនោះយុវជនម្នាក់តូចចិត្តសុំឪពុកយកម៉ូតូជិះដើរលេងមិនបាន និងចោទថាក្រុមគ្រួសារមិនស្រឡាញ់ខ្លួន ទើបគិតខ្លីចង.កសម្លាប់ខ្លួន ។ ចំណែកម្នាក់ទៀត មានវិត្តក្នុងគ្រួសារត្រូវបានលែងលះគ្នាជាមួយប្រពន្ធ រួចបានផឹកស្រារហូតដល់ស្រវឹងហើយក៏ចង.កសម្លាប់ខ្លួនតែម្ដង ហើយអ្វីដែលគួរឲ្យកត់សម្គាល់នោះ គឺបុរសនេះបានយកទូរស័ព្ទបើកកាមេរ៉ាចោលដាក់ក្នុងបន្ទប់ទឹកថតពីសកម្មភាពដែលខ្លួនបានធ្វើអត្តឃាតចង.កសម្លាប់ខ្លួននេះទឿតផង ។
នគរបាលបានឲ្យដឹងថា ការធ្វើអត្តឃាតនោះលើកទី១ បានបង្កឲ្យមានការភ្ញាក់ផ្អើលឡើងកាលពីវេលាម៉ោង១១និង៣០នាទីថ្ងៃត្រង់ ថ្ងៃទី០៩ ខែកុម្ភៈ ឆ្នាំ២០១៨ នៅក្នុងភូមិព្រៃកី សង្កាត់ភ្លើងឆេះរទេះ ខណ្ឌពោធិ៍សែនជ័យ រាជធានីភ្នំពេញ ។ យុវជនខាងលើឈ្មោះ និត ដារ៉ូ អាយុ២០ឆ្នាំ បានយកក្រណាត់កន្សែងចង.កជាប់នឹងធ្នឹមផ្ទះ ស្ថិតនៅក្នុងភូមិកើតហេតុខាងលើ ។
យុវជននេះមានម្ដាយឈ្មោះ វ៉ាន់ ចន្ថា អាយុ៤៨ឆ្នាំ និងឪពុកឈ្មោះ ម៉ៅ ផានិត អាយុ៤៩ឆ្នាំ ។ ប្រភពដដែលបានបន្តឲ្យដឹងទៀតថា កាលល្ងាចថ្ងៃទី០៨ ខែកុម្ភៈ ក្រោយពីចេញពីធ្វើការរោងចក្រ យុវជនខាងលើបានសុំយកម៉ូតូទៅជិះដើរលេង ប៉ុន្តែខណៈនោះឪពុករួមទាំងក្រុមគ្រួសារទាំងមូលមិនឲ្យ ព្រោះមិនចង់ឲ្យយុវជននេះដើរលេងយប់ផ្ដេសផ្ដាស ។
លុះដល់វេលាយប់យុវជនខាងលើ បានចូលដេកជាធម្មតា រហូតដល់ព្រឹកឡើងបាននិយាយថា «អ្នកផ្ទះទាំងអស់គ្នាមិនស្រលាញ់ខ្លួនសោះ» ប៉ុន្តែពេលនោះមិនមាននរណាតបតទេ ។ លុះដល់វេលាម៉ោងកើតហេតុ ស្រាប់តែប្រទះឃើញយុវជនរូបនេះចង.កស្លាប់បាត់ទៅហើយដោយយកក្រណាត់កន្សែងចង.កជាប់ជាមួយធ្នឹមផ្ទះ ។
ដោយឡែកការធ្វើអត្តឃាតទី២ បានបង្កឲ្យមានការភ្ញាក់ផ្អើលឡើងកាលពីវេលាម៉ោង០៥និង៣០នាទីល្ងាច ថ្ងៃទី០៩ ខែកុម្ភៈ ឆ្នាំ២០១៨ នៅចំណុចក្នុងរោងបិទស្កុតម៉ូតូ ស្ថិតនៅតាមផ្លូវបេតុង ភូមិគោគចំបក់ សង្កាត់ចោមចៅ១ ខណ្ឌពោធិ៍សែនជ័យ ។
យុវជនខាងលើឈ្មោះ ហាក់ ភារ៉ា អាយុ២៣ឆ្នាំ មុខរបរជាងបិទស្កុតម៉ូតូ មានទីលំនៅបច្ចុប្បន្នក្នុងភូមិថ្មគោល សង្កាត់ចោមចៅ២ ខណ្ឌពោធិ៍សែនជ័យ ។ ប្រភពដដែលបានបន្តថា បុរសនេះមានវិបត្តក្នុងគ្រួសារដោយបានលែងលះគ្នាជាមួយប្រពន្ធ ប៉ុន្តែមិនមាននរណាបានដឹងថាមានទំនាស់អ្វីនោះឡើយ ហើយទើបលែងលះគ្នាបានមួយរយៈពេលខ្លីតែប៉ុណ្ណោះ ។
លុះដល់ថ្ងៃកើតហេតុខាងលើ បុរសនេះបានផឹកស្រាជាមួយមិត្តភក្ដិរហូតដល់ស្រវឹងទើបក្រោកដើរទៅបន្ទប់ទឹករួច ក៏ចង.កសម្លាប់ខ្លួននៅក្នុងបន្ទប់ទឹកនោះតែម្តង ។ ប៉ុន្តែមុននឹងចង.កបានយកទូរស័ព្ទបើកកាមេរ៉ាចោលដាក់ក្នុងបន្ទប់ទឹកថតពីសកម្មភាពដែលខ្លួនបានធ្វើអត្តឃាតចង.កសម្លាប់ខ្លួននេះ ហើយរូបភាពទាំងនោះត្រូវបាននគរបាលប្រមូលទុកជាភស្តុតាងផងដែរ ៕
https://youtu.be/IsTaOC987Dk
ចែករំលែកព័តមាននេះ