រាជធានីភ្នំពេញ ៖ បទចម្រៀង«ផ្សារកាប់គោ»ជាបទចាស់ត្រូវផលិតកម្មថោនថតឡើងវិញរំលេចឈុតឆាកគួរឱ្យគាប់ភ្នែកដោយមាននាងកាតុ និងតារាសម្តែងលោកគន់ រៀមរតនៈ ហៅចែរ៉ូហ្សា សម្តែងជាតួអង្គសំខាន់កាច់កុងគ្នាដណ្តើមប្រុស ។ ដោយយល់ថាលោកគន់ រៀមរតនៈហៅចែរ៉ូហ្សាសម្តែងបានល្អផលិតកម្មថោនសម្រេចជ្រើសរើសឱ្យសម្តែងជាតួអង្គក្នុងចម្រៀងខារ៉ាអូខេថ្មីបទ«ផ្សារកាប់គោ»ជាបទជំនាន់មុន…
រាជធានីភ្នំពេញ ៖ បទចម្រៀង«ផ្សារកាប់គោ»ជាបទចាស់ត្រូវផលិតកម្មថោនថតឡើងវិញរំលេចឈុតឆាកគួរឱ្យគាប់ភ្នែកដោយមាននាងកាតុ និងតារាសម្តែងលោកគន់ រៀមរតនៈ ហៅចែរ៉ូហ្សា សម្តែងជាតួអង្គសំខាន់កាច់កុងគ្នាដណ្តើមប្រុស ។
ដោយយល់ថាលោកគន់ រៀមរតនៈហៅចែរ៉ូហ្សាសម្តែងបានល្អផលិតកម្មថោនសម្រេចជ្រើសរើសឱ្យសម្តែងជាតួអង្គក្នុងចម្រៀងខារ៉ាអូខេថ្មីបទ«ផ្សារកាប់គោ»ជាបទជំនាន់មុន ដោយប្រើបច្ចេកទេសបង្កើតជាស្នាដៃថ្មីប្លែក។ អ្វីដែលសំខាន់ចែរ៉ូហ្សាបង្កើតស្ទីលសម្តែងរស់រវើក ។
គ្រាន់តែបទ«ផ្សារកាប់គោ»ចេញមួយប្រាវច្រៀងដោយនាងកាតុ នៅតាមហ្វេសប៊ុកមានការចាប់អារម្មណ៍ច្រើន ដោយចំនួនអ្នកចូលមើលកើនឡើងជាលំដាប់ធ្វើឱ្យក្រុមការងារនៅថោនចាប់ផ្តើមរំលេចជាចម្រៀងកាយវិការខារ៉ាអូខេថតបែបMV ។
កាលពីពេល ថ្មីៗកន្លងមកលោកអ៊ុក រតនា ជាអ្នកនិពន្ឋ និងដឹកនាំម្នាក់នៅផលិតកម្មថោនបានបង្ហាញតួអង្គ សំខាន់ៗសមនឹងសម្តែងបទនេះ ។ គ្រាន់តែផ្ទុះការទាក់ទាញមក កាតុ និងលោកគន់ រៀមរតនៈ ព្យាយាមបញ្ចេញកាយវិការកាច់កុងបញ្ចូលតួដាក់គ្នាយ៉ាងរស់រវើក ហើយសង្ឃឹមក្រោយចេញជាផ្លូវការបទនេះរឹតតែល្អមើល និងក្លាយជាចំណីអារម្មណ៍ថ្មីក្នុងពេលជិតចូលឆ្នាំ ។
លោកគន់ រៀមរតនៈ បានលើកឡើងថា «បទ«ផ្សារកាប់គោ» ត្រូវបញ្ចេញកាយវិការដណ្តើមតួប្រុសដែលអ្នកដឹកនាំបទនេះឲ្យធ្វើយ៉ាងណាមានការបញ្ចេញចរិតញិុញដាក់គ្នាទៅវិញទៅមក ។ អ៊ីចឹងហើយក្រោយពេលលោកពង្រឹងស្ទីលសម្តែងឃើញថាអាចមានភាពស៊ីសង្វាក់ក្នុងន័យមុខមាត់សិល្បៈ»។
មានមតិរិះគន់ច្រើនដែរថា គ្មានមោទនភាពអ្វីចំពោះការយកបទចម្រៀងចាស់មកកែច្នៃនោះទេ ៕
ចែករំលែកព័តមាននេះ