ទោះចំណូលទេសចរណ៍ពេលនេះធ្លាក់តែឆ្នាំក្រោយទឹកដីអង្គរនឹងប្លែកខ្លំាង
- សៀមរាប
ខេត្តសៀមរាប ៖ ខេត្តសៀមរាប ដែលជាបេះដូងទេសចរណ៍របស់ប្រទេសកម្ពុជា បានកំពុងប្រែមុខមាត់ ជា បណ្តើរ តាមៗការកែលម្អសួនច្បារ ដំាខ្មៅ ដាំផ្កា…
ខេត្តសៀមរាប ៖ ខេត្តសៀមរាប ដែលជាបេះដូងទេសចរណ៍របស់ប្រទេសកម្ពុជា បានកំពុងប្រែមុខមាត់ ជា បណ្តើរ តាមៗការកែលម្អសួនច្បារ ដំាខ្មៅ ដាំផ្កា…
ខេត្តសៀមរាប ៖ ខេត្តសៀមរាប ដែលជាបេះដូងទេសចរណ៍របស់ប្រទេសកម្ពុជា បានកំពុងប្រែមុខមាត់ ជា បណ្តើរ តាមៗការកែលម្អសួនច្បារ ដំាខ្មៅ ដាំផ្កា និងដើមឈើ រៀបចំឥដ្ឋការ៉ូ ឈឿនផ្លូវ កាត់ដើមឈើ ដែលបះពាល់តួប្រាសាទ ពិសេសការជួសជុលកែលម្អប្រាសាទ ដែលការងារទំាង នោះខ្លះរួចរាល់ ខ្លះបានដំណើរការ ។ គេសង្ឃឹមថាមួយឆ្នាំខាងមុខទៀត បរិវេណប្រាសាទ ពិសេសប្រាសាទអង្គរវត្ត កាន់តែមានភាពទាក់ទាញដល់អ្នកទេសចរជាតិនិងអន្តរជាតិ។
ទំាងអស់នេះជាការងាររបស់អាជ្ញាធរជាតិអប្សរា ប៉ុន្តែនៅមានគម្រោងដ៍ធំមួយទៀត របស់រាជ រដ្ឋាភិបាល នោះគឺការសាងសងផ្លូវ៣៨ខ្សែ នៅក្នុងខេត្តសៀមរាប។ នេះពិតជាគម្រោងដ៍ធំដែលមិនធ្លាប់មាន សម្រាប់ស្ទួយមុខមាត់ខេត្តសៀមរាប ឲ្យកាន់តែស័ក្តិសមជាតំបន់ដែលមានសម្បត្តិបេតិកភណ្ឌពិភពលោក។
សម្តេចនាយករដ្ឋមន្រ្តី បានប្រកាសថា ផ្លូវទំាង៣៨ខ្សែ ដែលកំពុងតែផ្តើមសាងសង់នេះ ប្រើពេលតែមួយឆ្នាំប៉ុណ្ណោះ ពោលមួយឆ្នាំក្រោយ បើស្ថានភាពកូវីដ១៩ធូស្រាល ស្ថានភាពទេសចរណ៍វិលទៅរកប្រក្រតីភាពឡើងវិញ ភ្ញៀវទេសចរនិងទទួលបានទេសភាព បរិយាសកាសថ្មី នៅលើទឹកបុរាណកម្ពុជា។
នៅខែកញ្ញាមុននេះ អាជ្ញាធរជាតិអប្សរាបានបង្ហាញពីទិដ្ឋភាពស្រស់ត្រកាល ក្នុងរមណីដ្ឋានអង្គរ។ បរិវេណអង្គរ ដែលមានទេសចរណ៍ខៀវស្រងាត់ ដោយវាលស្មៅនិងដើម។ អាជ្ញាធរ បានបញ្ជាក់ថា “បច្ចុប្បន្នបរិវេណមុខប្រាសាទអង្គរវត្ត បានចាប់ផ្តើមប្រែមុខមាត់ថ្មីជាបណ្ដើរៗស័ក្ដិសមជារមណីយដ្ឋានបេតិកភណ្ឌពិភពលោកដែលមានភាពទាក់ទាញដ៏អស្ចារ្យ ដោយលោកអ្នកអាចឃើញនូវទស្សនីយភាពថ្មី ប្លែកភ្នែក ពេលមកទស្សនាប្រាសាទអង្គរវត្ត ក្រោយពីតំបន់នេះមានការអភិវឌ្ឍជាបន្តបន្ទាប់ពីសំណាក់អាជ្ញាធរជាតិអប្សរា”។
អាជ្ញាធរជាតិអប្សរា បានសូមអញ្ជើញពលរដ្ឋឲ្យទៅទស្សនាអង្គរ។ ពលរដ្ឋនឹងឃើញ ទិដ្ឋភាពនៅជុំវិញបរិវេណខាងមុខប្រាសាទអង្គរវត្ត ដែលបានរៀបចំសួនច្បារ និងដាំដើមឈើ ដើមផ្កាលម្អយ៉ាងស្រស់ស្អាត។
អង្គវត្តដែលជាកេរដំណែលដូនតាខ្មែរ បានរកចំណូលរាប់លានដុល្លារក្នុងមួយឆ្នាំៗ ជុនជាតិ។ រយៈពេល៩ខែ ឆ្នាំ២០២០ រមណីយដ្ឋានអង្គររកចំណូលបានពី ជាង១៨ លានដុល្លារ ពីភ្ញៀវទេសចរបរ ដែលចំនួន ៣៩៦,២៤១ នាក់ បានទិញសំបុត្រចូលទស្សនារមណីយដ្ឋាននេះ។ ចំណូលនេះ មានការថយចុះ ៧៥,១៧% បើធៀបនឹងរយៈពេលដូចគ្នា ឆ្នាំ២០១៩ ដោយសារជំងឺកូវីដ។
ក្នុងខែកញ្ញា ឆ្នាំ២០២០ ថ្មីៗនេះ គ្រឹះស្ថានអង្គរ តាមសេចក្ដីប្រកាសព័ត៌មានរបស់បើគិតតែ រមណីយដ្ឋានអង្គរ រកចំណូលបានជាង ១២ម៉ឺនដុល្លារ ពីភ្ញៀវទេសចរបរទេសជាង ២,៩៤៨នាក់។ ចំនូនភ្ញៀវទេសចរ ក្នុងខែ កញ្ញានេះ ថយចុះ ៩៧,៣៤% បើធៀបនឹងខែកញ្ញា ឆ្នាំ២០២០។
ទោះយ៉ាងណានៅនៅក្រោមកម្មវិធីអភិវឌ្ឍន៍ទំាងរបស់អាជ្ញាធរជាតិអប្សរានិងរដ្ឋាភិបាលទឹកអង្គរនឹងប្លែក ទាក់ទាញភ្ញៀវទេសចរកាន់តែច្រើន បើស្ថានភាពកូវីដពីភពលោកគ្រប់គ្រងបាននោះ៕
ចែករំលែកព័តមាននេះ