ថ្លៃទឹកដោះអូស្ត្រាលីរហូតដល់៧ម៉ឺនដុល្លារ បងគ្មានវាសនា មានតែប្រហារខ្លួនឯង
- កំពង់ចាម
ខេត្តត្បូងឃ្មុំ ៖ បុរសម្នាក់ឈ្មោះ ឡាយ ចាន់ណាក់ ហៅទី អាយុ៣៥ឆ្នាំ មានទីលំនៅសង្កាត់បឹងប្រលិត ខណ្ឌ៧មករា រាជធានីភ្នំពេញ…
ខេត្តត្បូងឃ្មុំ ៖ បុរសម្នាក់ឈ្មោះ ឡាយ ចាន់ណាក់ ហៅទី អាយុ៣៥ឆ្នាំ មានទីលំនៅសង្កាត់បឹងប្រលិត
ខណ្ឌ៧មករា រាជធានីភ្នំពេញ បានធ្វើអត្តឃាតដោយយកកាំភ្លើងអាកា៤៧ មកបាញ់សម្លាប់ខ្លួនចំក១គ្រាប់ធ្លាយមកក្បាលស្លាប់ក្នុងថ្លុឈាម ។
ហេតុការណ៍ដ៏រន្ធត់នេះ កើតឡើងកាលពីវេលាម៉ោងប្រហែលជាង៤ទៀបភ្លឺថ្ងៃទី០៩ ធ្នូ នេះ ស្ថិតក្នុងបន្ទប់ទឹកផ្ទះចាំចំការមួយកន្លែង នៅភូមិជ្រៃ ឃុំជាំក្រវៀន ស្រុកមេមត់ ដោយសារតែមានវិបត្តិដោះស្រាយមិនចេញ ព្រោះគូដណ្តឹងនៅអូរស្ត្រាលី បានទាមទារថ្លៃទឹកដោះរហូតដល់ទៅ៧ម៉ឺនដុល្លារឯណោះ ។
បើតាមលោកឧត្តមសេនីយ៍ត្រី ប្រាក់ ប៊ុនណុន ស្នងការរងនគរបាលខេត្តទទួលផែនព្រហ្មទណ្ឌប្រាប់ឲ្យដឹងថា បុរសដែលស្លាប់ខាងលើនេះ បានមកនៅចាំចំការកៅស៊ូ ឱ្យលោកឧត្តមសេនីយ៍ទោយោធាម្នាក់ ក្នុងស្រុកមេមត់ជាច្រើនឆ្នាំមកហើយ រហូតមកទល់សព្វថ្ងៃនេះ កៅស៊ូក៏បានចាក់ជ័រយកទៅលក់នៅលើទី
ផ្សារ ថែមទាំងមើលការខុសត្រូវលើកម្មករនៅទីនោះទៀតផង ។
លោកបន្តថា ពេលកន្លងមក បុរសឈ្មោះទី នេះ បានឱ្យចាស់ទុំចូលស្តីដណ្តឹងស្ត្រីខ្មែរអាណិកជនម្នាក់ នៅប្រទេសអូរស្ត្រាលី ក្នុងពេលដំបូងគេទារថ្លៃទឹកដោះ១ម៉ឺនដុល្លារ ហើយក្រោយមក ក៏បានប្រឹងប្រែងខិតខំប្រឹងធ្វើការងារ សន្សំលុយបានសមល្មម ។ លុះពេលដែលសួរនាំលើកទី២ បែរជាភាគីខាងស្រីទាមទារថ្លៃទឹកដោះរហូតដល់ទៅ៧ម៉ឺនដុល្លារ កាន់តែគ្មានលទ្ធភាពរកលុយ ដើម្បីឱ្យទៅគេនោះទេ ។
បន្ទាប់មក បុរសឈ្មោះទី បានខូចខិត្តឧស្សាហ៍ដើរផឹកស្រាស្រវឹង និងមានពេលខ្លះ ទៅយកចង.កធ្វើអត្តឃាត តែត្រូវបានសាច់ញាតិជួយសង្គ្រោះទាន់ ។ នៅពេលមុនថ្ងៃស្លាប់ថ្ងៃទី០៨ ធ្នូ បុរសខាងលើបានឆាតតាមហ្វេសបុក ទៅស្ត្រីដែលរស់នៅប្រទេសអូរស្ត្រាលីទៅវិញទៅមក ស្រាប់តែនៅវេលាម៉ោងប្រមាណជា៤ទៀបភ្លឺ ឈានចូលព្រឹកថ្ងៃទី០៩ ធ្នូ ណនេះ គាត់បានយកកាំភ្លើងអាកា៤៧ មកបាញ់ប្រហារ
ធ្វើអត្តឃាត១គ្រាប់ ក្នុងបន្ទប់ទឹកផ្ទះចាំចំការ បណ្តាលឲ្យស្លាប់ក្នុងថ្លុកឈាមតែម្តង ។
ចែករំលែកព័តមាននេះ