រាជធានីភ្នំពេញ ៖ កាលពីរសៀលថ្ងៃទី៩ មិថុនា កន្លងមក សាលាដំបូងរាជធានីភ្នំពេញបានប្រកាសសាលក្រមលើសំណុំរឿងរបស់ក្រុមគ្រួសារតារាចម្រៀងជុំ លីណូ ជុំវិញរឿងក្តី «ឪពុកចុងវាយធ្វើបាបកូនស្រី» ។…
រាជធានីភ្នំពេញ ៖ កាលពីរសៀលថ្ងៃទី៩ មិថុនា កន្លងមក សាលាដំបូងរាជធានីភ្នំពេញបានប្រកាសសាលក្រមលើសំណុំរឿងរបស់ក្រុមគ្រួសារតារាចម្រៀងជុំ លីណូ ជុំវិញរឿងក្តី «ឪពុកចុងវាយធ្វើបាបកូនស្រី» ។ 
ជាលទ្ធផល ត្រូវចេញជាផ្លូវការ ដោយខាងសាច់ញាតិជុំ លីណូ ទទួលបានលទ្ធផលប្រសើរ ក្រោយប្តឹងឡើងតុលាការអស់រាប់ឆ្នាំមកហើយនោះ ។ លោកឪពុកមារបស់តារាចម្រៀង ជុំ លីណូ គឺលោកមាស ឡេង បានសម្រេចចិត្តប្តឹងលោកភុំ មុន្នីរត្ន័ ជាស្វាមីក្រោយរបស់ភរិយាខ្លួន ដែលធ្វើជាសង្ឃពីបទប្រើអំពើហិង្សាលើកូនស្រីទី២ បណ្តាលឲ្យរងរបួសជាប់លើផ្នែកខ្លះនៃតួខ្លួន ដោយបានទាមទារជំងឺចិត្ត៥ម៉ឺនដុល្លារសហរដ្ឋអាមេរិក ។
ទោះជាការទាមទារបែបនេះក្តី បើតាមការប្រកាសសាលក្រមថ្មីៗនេះ តុលាការបានសម្រេចឱ្យបង់ជំងឺចិត្តត្រឹមតែ១២លានរៀល និងកំណត់ដាក់ទោស២ឆ្នាំ និង៦ខែ និងបង់ពិន័យមួយចំនួនទៀត ។ ទោះយ៉ាងណា គេនៅមិនទាន់ដឹងថា លោកភុំ មុន្នីរត្ន័ ជាចុងបណ្តឹង មានការបន្តឡើងដល់ឧទ្ធរណ៍ទៀតឬបែបណាទេ ក្រោយសាលក្រមតុលាការចេញបញ្ជាក់ជាផ្លូវការមក។
ដោយឡែកលោកជុំ លីណូ បានថ្លែងដែរថា លោកមានការឈឺចាប់ ដែលអតីតភរិយារបស់លោកពូខ្លួន បានបែកបាក់គ្នា ហើយបែរជាចងពារ មកជាមួយកូននិងលោកឪពុកមាទៀតសោះ ហើយបើទៅហើយទៅចុះ កុំមកយកពារគ្នាទៀតអី ។ លោកមិននឹកស្មានថា កូនដែលជាកូនឆ្លាត បែរជាត្រូវរងអំពោះហិង្សាគួរឲ្យអាណិតពេកណាស់។
ចែករំលែកព័តមាននេះ