ឆេះមជ្ឈមណ្ឌលពាណិជ្ជកម្ម លោកពូទីនថា មកពីការធ្វេសប្រហែស
ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន ថ្លែងកាលពីថ្ងៃតី២៧ មីនា ថា ភ្លើងដែលកាលពីថ្ងៃទី២៥ មីនា…
ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន ថ្លែងកាលពីថ្ងៃតី២៧ មីនា ថា ភ្លើងដែលកាលពីថ្ងៃទី២៥ មីនា…
ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន ថ្លែងកាលពីថ្ងៃតី២៧ មីនា ថា ភ្លើងដែលកាលពីថ្ងៃទី២៥ មីនា ឆេះបំផ្លាញមជ្ឈមណ្ឌលពាណិជ្ជកម្មនៅទីក្រុង KEMEROVO តំបន់ស៊ីបេរីមកពីការធ្វេសប្រហែសឧក្រិដ្ឋមួយ ។
យោងតាមតុល្យការរបស់អាជ្ញាធរថា អគ្គិភ័យនេះសម្លាប់មនុស្សយ៉ាងតិច៦៤នាក់ ក្នុងនោះមានកុមារជាច្រើននាក់រួចមនុស្សច្រើននាក់រងរបួសមួយចំនួនស្ថិតក្នុងស្ថានភាពធ្ងន់ធ្ងរ ។ វាជាអគ្គិភ័យមានមនុស្សស្លាប់ច្រើនបំផុតមួយចាប់តាំងពីការរលំរលាយសហភាពសូវៀតមក ។ ភ្លើងបានឆាបឆេះនារសៀលថ្ងៃទី២៥ មីនា ហើយឆេះរាលដាលយ៉ាងលឿនដល់ជាន់ខាងលើៗនៃមជ្ឈមណ្ឌលពាណិជ្ជកម្មនេះ ដែលមានរោងភាពយន្តនានា ភោជនីយដ្ឋានជាច្រើន ព្រមទាំងកន្លែងក្មេងលេងមួយ ។
ពួកអ្នកស៊ើបអង្កេតប្រកាសនាថ្ងៃទី២៦ មីនា ថា ភ្នាក់ងារសន្តិសុខម្នាក់នៃមជ្ឈមណ្ឌលពាណិជ្ជកម្មនេះផ្តាច់ប្រព័ន្ធប្រកាសអាសន្នអគ្គិភ័យ ហើយកត់សម្គាល់ឃើញបណ្តាច្រកចេញសម្រាប់សង្គ្រោះរបស់អគារត្រូវរាំងខ្ទប់ ។ គណៈកម្មការស៊ើបអង្កេតក៏ប្រកាសផងដែរថាពិនិត្យឃើញការរំលោភបំពានធ្ងន់ធ្ងរទាំងឡាយដល់បណ្តាបទដ្ឋាននៃការសាងសង់ និងការប្រើប្រាស់ប្លុកអគារនេះ ៕
ចែករំលែកព័តមាននេះ