ចំណងដៃឯកឧត្ដម កែ គឹមយ៉ាន ជូនអ្នកភូមិសាលាក្រៅ
- បន្ទាយមានជ័យ
ខេត្តបន្ទាយមានជ័យ ៖ អាជ្ញាធរ លោកគ្រូ អ្នកគ្រូ និងប្រជាពលរដ្ឋដែលជាអាណាព្យាបាលសិស្ស នៅភូមិសាលាក្រៅ សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ…
ខេត្តបន្ទាយមានជ័យ ៖ អាជ្ញាធរ លោកគ្រូ អ្នកគ្រូ និងប្រជាពលរដ្ឋដែលជាអាណាព្យាបាលសិស្ស នៅភូមិសាលាក្រៅ សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ…
ខេត្តបន្ទាយមានជ័យ ៖ អាជ្ញាធរ លោកគ្រូ អ្នកគ្រូ និងប្រជាពលរដ្ឋដែលជាអាណាព្យាបាលសិស្ស នៅភូមិសាលាក្រៅ សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ មានការសប្បាយរីករាយក្រៃលែង ក្រោយពីទទួលបានសាលារៀនដ៏ថ្មីសន្លាងហើយនោះ គឺបានផ្លូវក្រាលគ្រួសក្រហម តភ្ជាប់ពីផ្លូវជាតិលេខ៦ មកដល់ក្លោងទ្វារសាលារៀន ដែលមានចម្ងាយពី២២០ម៉ែត្រ សម្រាប់ការសម្រួលដល់ការធ្វើដំណើរមកសាលារៀនរបស់កូនចៅគាត់បានងាយស្រួល។ ក្នុងការចុះត្រួតពិនិត្យក្នុងការឈូសឆាយពង្រាបដីនៅក្នុងបរវេណមុខសាលារៀន និងការធ្វើផ្លូវនៅថ្ងៃទី០៩ ខែធ្នូ ឆ្នាំ២០១៧នេះ លោក អាត់ ខែម សមាជិកអចិន្ត្រៃយ៍ នៃគណៈកម្មាធិការគណបក្សប្រជាជនកម្ពុជា ខេត្តបន្ទាយមានជ័យ និងជាប្រធានក្រុមការងារខេត្តចុះជួយស្រុកស្វាយចេក បានថ្លែងថា៖
សាលារៀន១ខ្នងចំនួន៥បន្ទប់នេះគឺជាអំណោយរបស់ ឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន ជាប្រធានក្រុមការងារថ្នាក់កណ្តាល ចុះជួយខេត្តបន្ទាយមានជ័យ និងលោកជំទាវ បានឧបត្ថម្ភ និងបានសាសង់រួចរាល់ជាស្ថាពរ។ ថ្ងៃនេះដោយពិនិត្យឃើញផ្លូវចូលមកសាលាជួបបញ្ហាលំបាកដល់សិស្ស ពិសេសគឺនារដូវវស្សា ឯកឧត្តមឧបនាយករដ្ឋមន្ត្រី និងលោកជំទាវ ក៏បានឧបត្ថម្ភដីគ្រួសក្រហម ចំនួន៥៦ម៉ែត្រគូប ស្មើនឹង៧រថយន្ត ចាក់ធ្វើផ្លូវដែលតភ្ជាប់ពីផ្លូវជាតិលេខ៦ មកទល់មុខសាលារៀនប្រវែង២២០ម៉ែត្រ និងបំពេញជង្ហុកសំបុកមាន់ផ្លូវខាងក្រោយសាលារៀនទៅសាលាឆាន់តាមការស្នើសុំរបស់ប្រជាពលរដ្ឋ ប្រវែង៥០ម៉ែត្រទៀតសរុប២៧០ម៉ែត្រ។ ជាមួយគ្នានោះលោកក៏បានឈូសឆាយដីក្នុងបរវេណសាលារៀន ដើម្បីឲ្យសិស្សានុសិស្សដើរ និងរត់លេងបានស្រួលផងដែរ។
ពេលជួបអ្នកយកព័ត៌មាន អ្នកគ្រូដែលបានបង្ហាត់បង្រៀនសិស្សនៅសាលាបឋមសិក្សាភូមិសាលាក្រៅ ប្រជាពលរដ្ឋអាណាព្យាបាលសិស្ស ពួកគាត់មានសេចក្តីសោមនស្សរីករាយក្រៃលែង ក្រោយពីទទួលបានសាលារៀននេះសម្រាប់បណ្តុះបណ្តាល សិស្សានុសិស្ស កូនចៅរបស់គាត់បានសិក្សារៀនសូត្របានស្រួល មិនជួបការលំបាកដូចកាលគ្រាមុន។ នៅពេលរដូវវស្សាមានភ្លៀងធ្លាក់ គឺសិស្សានុសិស្សត្រូវខកខានមិនបានសិក្សារៀនសូត្រ ពីព្រោះសាលារៀនចាស់ពុកផុយ ពេលមានភ្លៀង ខ្យល់ ក្រែងមានគ្រោះថ្នាក់ដល់សិស្ស។ ពេលនេះទន្ទឹមនឹងបានសាលារៀនគាត់ក៏បានទទួលផ្លូវ១ខ្សែទៀត ដែលផ្លូវនេះមិនមែសម្រាប់តែសិស្សទេ ប្រជាពលរដ្ឋក្នុងភូមិក៏ធ្វើដំណើរបានងាយស្រួលផងដែរ។ ជាមួយគ្នានោះដែរលោកអ៊ុំមេភូមិ ដំណាងប្រជាពលរដ្ឋក្នុងភូមិសាលាក្រៅ ក៏មានការសប្បាយចិត្តផងដែរ ដែលទទួលបានសាលារៀន១ខ្នង និងផ្លូវ ក្នុងនោះលោកអ៊ុំក៏បានថ្លែងអំណរគុណឯកឧត្តម ឧបនាយករដ្ឋមន្ត្រី កែ គឺមយ៉ាន និងលោកជំទាវ ដែលបានផ្តល់នូវសាលារៀនសម្រាប់កូនចៅប្រជាពលរដ្ឋរបស់គាត់បានសិក្សារៀនសូត្រ ដែលជាទំពាំងស្នងប្ញស្សី ក្នុងការបន្តវេនការសាងប្រទេសជាតិ៕
ចែករំលែកព័តមាននេះ