រាជធានីភ្នំពេញ ៖ ជនសង្ស័យម្នាក់ក្នុងចំណោមបក្សពួកពីរនាក់បានធ្វើសកម្មភាពកាច់.កម៉ូតូរបស់ជនរងគ្រោះបានសំរេច រួចហើយជិះរត់គេចខ្លួនក៏ជ្រុលទៅបុកនឹងរថយន្តបណ្តាលឱ្យដួលទើបសមត្ថកិច្ចខណ្ឌទួលគោក សហការជាមួយនឹងសមត្ថកិច្ចខណ្ឌមានជ័យឃាត់ខ្លួនយកមកសាកសួរ ហេតុការណ៍នេះដែរបានកើតឡើងនៅវេលាម៉ោង១១នឹង៣០នាទី ថ្ងៃទី២៣ ខែតុលា ឆ្នាំ២០១៧ នៅម្តុំច្រមុះជ្រូក…
រាជធានីភ្នំពេញ ៖ ជនសង្ស័យម្នាក់ក្នុងចំណោមបក្សពួកពីរនាក់បានធ្វើសកម្មភាពកាច់.កម៉ូតូរបស់ជនរងគ្រោះបានសំរេច រួចហើយជិះរត់គេចខ្លួនក៏ជ្រុលទៅបុកនឹងរថយន្តបណ្តាលឱ្យដួលទើបសមត្ថកិច្ចខណ្ឌទួលគោក សហការជាមួយនឹងសមត្ថកិច្ចខណ្ឌមានជ័យឃាត់ខ្លួនយកមកសាកសួរ ហេតុការណ៍នេះដែរបានកើតឡើងនៅវេលាម៉ោង១១នឹង៣០នាទី ថ្ងៃទី២៣ ខែតុលា ឆ្នាំ២០១៧ នៅម្តុំច្រមុះជ្រូក ស្ទឹងមានជ័យ ផ្លូវព្រះមុនីរ៉េត សង្កាត់ស្ទឹងមានជ័យ ខណ្ឌមានជ័យ ។
ជនសង្ស័យមានឈ្មោះ អ៊ុំ ចាន់រើន ភេទប្រុស មុខរបរលក់ដូរ ស្នាក់នៅផ្ទះជួល ម្តុំផ្សារអូបែកក្អម សង្កាត់ទឹកថ្លា ខណ្ឌសែនសុខ ដកហូតបានម៉ូតូម៉ាកស៊ុយហ្ស៊ុគីនិច ពណ៌ស ពាក់ស្លាកលេខ ភ្នំពេញ ១CY-០៨៥៩ និងឧបករណ៍សំរាប់ប្រើប្រាស់គ្រឿងញៀនមួយចំនួន ព្រមទាំងសោសំរាប់កាច់.កម៉ូតូមួយចំនួន ។
តាមសម្តីលោក ហ៊ួរ ម៉េងវ៉ាង អធិការរងទទួលបន្ទុកនគរបាលយុត្តិធម៍បានឱ្យដឹងថា មុននឹងឈានទៅដល់ការឃាត់ខ្លួនជនសង្ស័យម្នាក់បានកម្លាំងសមត្ថកិច្ចបានល្បាតក្នុងមូលដ្ឋាន ខណៈនោះស្រាប់តែ ឃើញបុរស២នាក់កំពុងតែជិះម៉ូតូម៉ាកស៊ុយហ្ស៊ុគីនិច ពណ៌ស ធ្វើដំណើរតាមផ្លូវព្រះមុនី្នរ៉េតដោយមានការសង្ស័យព្រោះបុរសពីរនាក់នោះមានអាកប្បកិរិយាខុសប្រក្រតីកម្លាំងសមត្ថកិច្ចបានជិះម៉ូតូដេញតាមស្រាប់តែបុរសទាំង២នាក់នោះបានប្រឹងបើកម៉ូតូរត់គេចចូលទៅទឹកដីខណ្ឌទួលគោក ហើយពេលនោះសមត្ថកិច្ចខណ្ឌមានជ័យបានសហការជាមួយនឹងសមត្ថកិច្ចខណ្ឌទួលគោក បានជិះម៉ូតូដេញតាម ធ្វើឱ្យជនសង្ស័យភ័យពេកបានជិះជ្រុលទៅបុកនឹងរថយន្តមិនស្គាល់ម៉ាក់មួយគ្រឿងបណ្តាលឱ្យដួលម៉ូតូទើបសមត្ថកិច្ចឃាត់ខ្លួនបានបុរសម្នាក់ឆែកឆេររកឃើញនូវឧបករណ៍សំរាប់ប្រើប្រាស់គ្រឿងញៀនមួយចំនួន និងសោសំរាប់កាច់.កម៉ូតូមួយចំនួន ចំណែកម្នាក់ទៀតបានរត់គេចខ្លួនបាត់ស្រមោល ។
បន្ទាប់ពីឃាត់ខ្លួនបានជនសង្ស័យរូបនោះត្រូវបានសមត្ថកិច្ចនាំខ្លួនយកទៅសាកសួរ នៅប៉ុស្តិ៍នគរបាលស្ទឹងមានជ័យបានធ្លាយរឿងថា ម៉ូតូនេះជនសង្ស័យទើបតែកាច់.កយកពីម្តុំច្រមុះជ្រូកស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ ហើយពួកគេបានជិះរត់គេចក៏ជ្រុលទៅបុកនឹងរថយន្តតែម្តងទៅ ៕
ចែករំលែកព័តមាននេះ